തന്റെ അഭിനയമികവ് കൊണ്ടും കഥാപാത്രങ്ങളിലെ വ്യത്യസ്തത കൊണ്ടും ലേഡി സൂപ്പർ സ്റ്റാർ എന്ന പദവി സ്വന്തമാക്കിയ ഒരേയൊരു മലയാള നടിയാണ് മഞ്ജു വാര്യർ. ശക്തമായ കഥാപാത്രങ്ങളിലൂടെ മലയാളി പ്രേക്ഷകരുടെ ഹൃദയങ്ങളിൽ വലിയൊരു സ്‌ഥാനം സ്വന്തമാക്കാൻ താരത്തിന് സാധിച്ചിരുന്നു. സ്വതസിദ്ധമായ അഭിനയത്തിലൂടെയും വേറിട്ട കഥാപാത്രങ്ങളിലൂടെയും മലയാള സിനിമ മേഘലയിൽ തൻറേതായ ഒരു സ്ഥാനം താരം നേടിയെടുത്തിരുന്നു. വിവാഹത്തോടെ അഭിനയത്തോട് വിടപറഞ്ഞ താരം 14 വർഷങ്ങൾക്ക് ശേഷം ശക്തമായൊരു കഥാപാത്രത്തിലൂടെയാണ് തിരിച്ചു വന്നത്. മലയാളി സ്ത്രീകളുടെ പ്രതിബിംബം ആയിരുന്നു എ കഥാപാത്രത്തിലൂടെ പ്രേക്ഷകർ കണ്ടത്.

തിരിച്ചുവരവിലും മലയാളത്തില്‍ ശ്രദ്ധേയ സിനിമകള്‍ ചെയ്ത് മുന്നേറുന്ന താരമാണ് മഞ്ജു വാര്യര്‍. നായികയായും കേന്ദ്രകഥാപാത്രമായും താരം തന്റെ കഴിവുകൾ പ്രേക്ഷകർക്ക് മുന്നിൽ വെളിപ്പെടുത്തുന്നു. മഞ്ജു വാര്യരുടെതായി പുറത്തിറങ്ങാറുളള ചിത്രങ്ങള്‍ക്കെല്ലാം മികച്ച പ്രേക്ഷക സ്വീകാര്യതയും ലഭിക്കാറുണ്ട്. കഴിഞ്ഞ വര്‍ഷം ധനുഷ് നായകനായ അസുരനിലൂടെ തമിഴിലും താരം അരങ്ങേറ്റം കുറിച്ചിരുന്നു. സിനിമ വലിയ ബോക്സോഫീസ് വിജയമാണ് നേടിയത്. അസുരന് പിന്നാലെ മലയാളത്തില്‍ വീണ്ടും സജീവമാവുകയാണ് താരം ഇപ്പോൾ . പ്രതി പൂവന്‍ കോഴിയിലേ വളരെ ശക്തമായ കഥാപാത്രത്തിനു ശേഷം ശേഷം പ്രിയദർശൻ മോഹൻ ലാൽ കൂട്ടുകെട്ടിൽ ഒരുങ്ങുന്ന മരക്കാര്‍ അറബിക്കടലിന്റെ സിംഹമാണ് മഞ്ജു വാര്യരുടെതായി റിലീസിങ്ങിനൊരുങ്ങുന്നത്.

ബ്രഹ്മാണ്ഡ ചിത്രത്തിന്റെതായി പുറത്തിറങ്ങിയ ആദ്യ ടീസറും പോസ്റ്ററുകളുമെല്ലാം തന്നെ സോഷ്യല്‍ മീഡിയയില്‍ വലിയ തരംഗമായി മാറിയിരുന്നു. പ്രിയദര്‍ശന്‍-മോഹന്‍ലാല്‍ കൂട്ടുകെട്ടിലെ സൂപ്പർ ഹിറ്റ് ചിത്രമായ ചന്ദ്രലേഖയില്‍ അവസരം ലഭിച്ച കാര്യം ഒരഭിമുഖത്തില്‍ മഞ്ജു വാര്യര്‍ അടുത്തിടെ വെളിപ്പെടുത്തിയിരുന്നു. എന്നാല്‍ പല കാരണങ്ങളാല്‍ അത് നടന്നില്ലെന്നും ആ സങ്കടം തനിക്കിപ്പോഴും ഉണ്ടെന്നും നടി വെളിപ്പെടുത്തുന്നു.

25 വര്‍ഷത്തെ സിനിമാ ജീവിതത്തിനിടെ ഇതാദ്യമായിട്ടാണ് സംവിധായകന്‍ പ്രിയദര്‍ശനൊപ്പം മഞ്ജു സിനിമയിൽ ഒന്നിക്കുന്നത്. തന്റെ കുട്ടിക്കാലത്തെ ജീവിതത്തില്‍ ഒരുപാട് നിറങ്ങള്‍ നിറച്ച സിനിമകള്‍ ചെയ്തവരാണ് പ്രിയദര്‍ശനും മോഹന്‍ലാലുമെന്ന് നടി പറഞ്ഞു. ചിത്രം, കിലുക്കം, കാലാപാനി അങ്ങനെ ഏത് വിഭാഗത്തില്‍പ്പെട്ട സിനിമകളാണെങ്കിലും അതൊക്കെ തനിക്ക് പ്രിയപ്പെട്ടതാണ്.

വര്‍ഷങ്ങള്‍ക്ക് മുന്‍പ് താന്‍ അഭിനയിച്ചു കൊണ്ടിരുന്ന സമയത്തും പ്രിയദര്‍ശന്‍ സാറിനൊപ്പം പ്രവര്‍ത്തിക്കാന്‍ സാധിച്ചിരുന്നില്ല. ചന്ദ്രലേഖയിൽ അഭിനയിക്കാൻ തന്നെ വിളിച്ചിരുന്നു. പക്ഷേ പല കാരണങ്ങളാല്‍ അത് നടന്നില്ല. അതിന്റെ സങ്കടംതനിക്ക് ഇന്നുമുണ്ട്. ഒരുപാട് വര്‍ഷങ്ങള്‍ക്ക് ശേഷം ആ അവസരം വീണ്ടും വന്നത് കുഞ്ഞാലിമരക്കാരിലൂടെയാണ്.താൻ മനസിലാക്കിയത് വെച്ച് മലയാള സിനിമയില്‍ ഇന്നേവരെ ഉണ്ടായിട്ടുളളതില്‍ എറ്റവും വലിയ സിനിമ. ഈ മഹാപ്രതിഭകള്‍ക്കൊപ്പം ഭാഗമാകാന്‍ സാധിച്ചത് തന്നെ ഭാഗ്യം. ഒട്ടേറെ വലിയ വലിയ താരങ്ങളും സാങ്കേതിക പ്രവര്‍ത്തകരും ഈ ചിത്രത്തിൽ പ്രവര്‍ത്തിക്കുന്നു. കഥയില്‍ വളരെ പ്രാധാന്യമുളള കഥാപാത്രത്തെയാണ് താൻ അവതരിപ്പിക്കുന്നത്. ഈ ചിത്രം നമ്മളെ എല്ലാവരെയും അത്ഭുതപ്പെടുത്തും. നിങ്ങള്‍ക്കൊപ്പം ഈ സിനിമ തിയ്യേറ്ററില്‍ പോയി കാണാന്‍ ഏറെ ആകാക്ഷയോടെ താനും കാത്തിരിക്കുന്നു, അഭിമുഖത്തില്‍ മഞ്ജു വാര്യര്‍ പങ്കുവെച്ചു
. മാര്‍ച്ചിലാണ് മോഹന്‍ലാലും മഞ്ജുവും ഒന്നിച്ച മരക്കാര്‍ തിയ്യേറ്ററുകളിലേക്ക് എത്തുന്നത്. നൂറ് കോടി ബഡ്ജറ്റില്‍ നിര്‍മ്മിച്ച സിനിമക്ക് മലയാളത്തിലെ എറ്റവും ചെലവേറിയ സിനിമ എന്ന ഖ്യാതിയും ഉണ്ട് വമ്പന്‍ താരനിരയാണ് ബ്രഹ്മാണ്ഡ ചിത്രത്തില്‍ അണിനിരക്കുന്നത്. പ്രണവ് മോഹൻ ലാൽ, കീർത്തി സുരേഷ്, കല്യാണി പ്രിയദർശൻ, തമിഴ് താരങ്ങളായ അർജുൻ, പ്രഭു, നെടുമുടി വേണു, സിദ്ദിഖ് തുടങ്ങിയവരാണ് ചിത്രത്തിലെ മറ്റ് കേന്ദ്ര കഥാപാത്രങ്ങൾ. ഏതായാലും ബ്രഹ്മാണ്ഡ ചിത്രത്തിനായുള്ള കാത്തിരിപ്പിലാണ് മലയാളി പ്രേക്ഷകർ ഒന്നടങ്കം.