ഇന്നാണ് നമ്മളെല്ലാവരും കാത്തിരുന്ന ആ സംഭവം അച്ഛനും മകനും ഒന്നിക്കുകയാണ്. ഒരുപാട് നാളത്തെ കാത്തിരിപ്പിനാണ് ഇന്ന് വിരാമം കുറിക്കുന്നത്. അച്ഛാ... എന്ന് വിളിച്ച് കിരൺ സി എസിനെ കെട്ടിപിടിക്കുമ്പോൾ,

സകലതും മറന്ന് ആ അച്ഛൻ മകനെ നെഞ്ചോട് ചേർക്കും എന്നുള്ള കാര്യത്തിന് യാതൊരുവിധ സംശയവും വേണ്ട. എന്നാൽ, ഈ കാഴ്ചകളൊക്കെ കാണാൻ കല്യാണിയും കൂടി ഉണ്ടായിരുന്നെങ്കിൽ, നല്ലതായിരുന്നു. അതിനുള്ള എല്ലാ സാധ്യതയുണ്ട്... കാറിൽ കല്യാണിയെ ഇരുത്തിയിട്ടാണ് അച്ഛനെ കാണാൻ കിരൺ പോകുന്നത്.

അച്ഛന്റെ അടുത്ത് പോയിട്ട് ഇനിയെങ്കിലും ഈ സാർ വിളി നിർത്തിയിട്ട് അച്ഛാ.. എന്ന് വിളിക്കട്ടെ എന്ന് ചോദിക്കുന്ന സീൻ വികാരഭരിതം തന്നെയാണ്. കാണുന്ന ഓരോ പ്രേക്ഷകന്റെയും മനസ്സിലേക്ക് ഇറങ്ങി ചെല്ലുന്ന സീനാണ്.

അച്ഛനെ കണ്ടതിനുശേഷം സോണിയുടെ അടുത്തേക്ക് പോകുന്ന കിരൺ വികാരഭരിതനായാണ് അനിയത്തിയോട് സംസാരിക്കുന്നത്. സോണിയോട് പറയുന്നത്.നീയും കൂടെ ഉണ്ടായിരുന്നെങ്കിൽ അച്ഛനെ കാണാമായിരുന്നു എന്നാണ്. എന്തയാലും കിരൺ ഉടൻ തന്നെ സോണിയെയും കൊണ്ട് ചിത്രസേനന്റെ അരികിലേക്ക് പോകും എന്നുമുള്ള കാര്യത്തിൽ യാതൊരുവിധ സംശയവും വേണ്ട... കാരണം, ഇതിനു മുന്നേയുള്ള ഒരു പ്രൊമോയിൽ സി എസ് കിരണിനെയും സോണിയെയും ചേർത്ത് പിടിക്കുന്നത് കണ്ടതാണ്.

അച്ഛനുമായുള്ള ഒത്തുചേരലിൽ രാഹുലിൽ നിന്നും ഉണ്ടായ എല്ലാ ദുരനുഭവങ്ങളും കിരൺ അറിയും എന്നുള്ള കാര്യത്തിനും ഉറപ്പായിരിക്കുകയാണ്. ഇതിന് പകരം ചോദിക്കാനുള്ള ഒരുക്കത്തിൽ, രാഹുൽ ഇനി എന്തൊക്കെ പ്രശ്നങ്ങൾ ആണുണ്ടാക്കാൻ പോകുന്നതെന്നറിയില്ല... അതിന് മുന്നോടി ആയിട്ടാണ്, കിരണിനെ വഴക്ക് പറയുന്നത്...

"ഞാനും നിന്റെ അമ്മയും പറയുന്നതൊന്നും നിനക്ക് വിശ്വാസമില്ല... പുറത്തുള്ളവർ പറയുന്നതാണല്ലോ.. നീ ഇപ്പോൾ കേൾക്കുന്നത്." എന്ന് രാഹുൽ ചോദിക്കുമ്പോൾ... നല്ലൊരു മറുപടിയാണ് കിരൺ കൊടുക്കുന്നത്.

"വീട്ടിനകത്തുള്ളവർ വിശ്വസിക്കാൻ കൊള്ളാത്തവരായാൽ പുറത്തുള്ളവരെ തന്നെ വിശ്വസിക്കണം.." എന്നാണ് കിരൺ പറയുന്നത്. ഇതെന്തയാലും രാഹുലിനോട് പറയാതെ പറയുന്നതാണ്. നിനക്കുള്ള പണി വരുന്നുണ്ടെന്ന്.

രാഹുലിനും ഒരു ഉഗ്രൻ പണികിട്ടി ആ വീട്ടിൽ നിന്നും പുറത്താകുന്നതിനോടൊപ്പം തന്നെ, രൂപയും തന്റെ, ഭർത്താവിനോട് സഹോദരൻ ചെയ്ത ക്രൂര കൃത്യങ്ങൾ അറിഞ്ഞാൽ നല്ലതാകും. പിന്നെ നമ്മുടെ കിരണിന്റെയും കല്യാണിയുടെയും വിവാഹം നടത്തണം. അച്ഛനെ തിരിച്ചറിഞ്ഞ സ്ഥിതിയ്ക്ക് കല്യാണിയെ സിഎസ് കൂടുതലായി സ്നേഹിക്കുന്നുണ്ട് എന്നൊരു തിരിച്ചറിവും കിരണിന്റെ ഉണ്ടായിട്ടുണ്ട്. ഇനി അമ്മയായ രൂപയുടെ സമ്മതം മാത്രമാണ് കിരണിന് വേണ്ടത്.

ഇനി നമുക്ക് എല്ലാവർക്കും, അറിയാനുള്ളത് രാഹുൽ സി എസിനോട് ചെയ്ത കൊടും ക്രൂരത എന്താണെന്നതാണ്. കിരണിനും അതുപോലെ, സോണിയ്ക്കുമൊക്കെ അക്കാര്യങ്ങൾ അറിയുവാൻ അതിയായ ആഗ്രഹം കാണും. കുറച്ചു ലാജുള്ള സീരിയലായതുകൊണ്ട്, അടുത്തമാസം അവസാനമായിരിക്കും ആ രഹസ്യം പുറത്ത് അറിയുന്നത്.