സംവിധായകന്‍ ലാല്‍ ജോസിന്റെ പിതാവ്‌ അന്തരിച്ചു, അന്ത്യം വാർദ്ധക്യ സഹജമായ അസുഖങ്ങളെ തുടർന്ന്
04 JANUARY 2022 11:38 AM IST
മലയാളി വാര്‍ത്ത
മലയാള സിനിമ സംവിധായകന്‍ ലാല്‍ ജോസിന്റെ പിതാവ്‌ അന്തരിച്ചു. മായന്നൂര്‍ മേച്ചേരി വീട്ടില്‍ എ എം ജോസാണ് (82) അന്തരിച്ചത്. ഈസ്റ്റ് ഒറ്റപ്പാലം ഗവ.ഹൈസ്കൂള്‍ റിട്ട. അധ്യാപകനാണ്. സംസ്കാരം ചൊവ്വ പകല്‍ മൂന്നിന് ഒറ്റപ്പാലം സെന്റ് ജോസഫ്സ് പള്ളി സെമിത്തേരിയില്‍. നടക്കും.
ഒറ്റപ്പാലം എല്‍എസ്‌എന്‍ ഗേള്‍സ് സ്കൂള്‍ ഒറ്റപ്പാലം എല്‍എസ്‌എന്‍ ഗേള്‍സ് സ്കൂള്‍ റിട്ട. അധ്യാപിക ലില്ലി ജോസ് ആണ് ഭാര്യ. മറ്റു മക്കള്‍: ലിജു, ലിന്റോ. മരുമക്കള്‍: ലീന (അധ്യാപിക, ഒറ്റപ്പാലം എല്‍എസ്‌എന്‍ സ്കൂള്‍ ), ടി ഐ ഇഗ്നേഷ്യസ്, നിഷ.
1998-ൽ മമ്മൂട്ടിയെ നായകനാക്കി സംവിധാനം ചെയ്ത ഒരു മറവത്തൂർ കനവിലൂടെ സ്വതന്ത്രസംവിധായകനായി അരങ്ങേറ്റം കുറിച്ച ലാൽ ജോസ് ഇതുവരെ 23 ചിത്രങ്ങൾ സംവിധാനം ചെയ്തു. മലയാളത്തിലെ ഒട്ടുമിക്ക പ്രധാന താരങ്ങളെയും അദ്ദേഹം ചിത്രങ്ങളിൽ അഭിനയിപ്പിച്ചിട്ടുണ്ട്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
