ഏവർക്കും പ്രിയപ്പെട്ട താരമാണ് നദി മാളവിക മോഹൻ. പട്ടം പോലെ എന്ന മലയാള ചിത്രത്തിലൂടെ പ്രേക്ഷകർക്ക് സുപരിചിതയായ തരാം തീന്നിന്ത്യയിലെ തന്നെ ഏറ്റവും തിരക്കേറിയ നടിയായി മാറിയിരിക്കുകയാണ്. ഇപ്പോഴിതാ 2021 ല്‍ സിനിമാ ജീവിതം സന്തോഷം നിറഞ്ഞതും വ്യക്തി ജീവിതം വളരെ മോശവുമായിരുന്നുവെന്ന് വെളിപ്പെടുത്തി നടി മാളവിക മോഹനന്‍ രംഗത്ത് എത്തിയിരിക്കുകയാണ്.

കുറച്ച് മാസങ്ങളായി താന്‍ വളരെ ബുദ്ധിമുട്ടുള്ള ഒരു അവസ്ഥയിലായിരുന്നു. ജീവിതത്തില്‍ തനിക്ക് അനുഭവപ്പെട്ട ഏറ്റവും താഴ്ന്ന അവസ്ഥയാണ് ഇതെന്നും സുഹൃത്തുക്കളും കുടുംബാംഗങ്ങളുമാണ് ഈ സാഹചര്യത്തെ അതിജീവിക്കാൻ സഹായിച്ചതെന്നും മാളവിക ഇൻസ്റ്റാഗ്രാമിൽ പങ്കുവച്ച കുറിപ്പിൽ വ്യക്തമാക്കുന്നു.

മാളവികയുടെ വാക്കുകൾ:

ഇത് കഠിനമായ ഒരു വര്‍ഷമായിരുന്നു. ജീവിതത്തിൽ ഏറ്റവും നല്ലതും രസകരവും തിളങ്ങുന്നതുമായ ഭാഗം മാത്രം ഈ ലോകത്തിന് കാണിക്കാനുള്ള പ്രവണതയാണ് നമുക്ക് എപ്പോഴുമുള്ളത്. അത് മനസ്സിലാക്കാവുന്നതേയുള്ളൂ. കാരണം ആരാണ് മോശം കാര്യങ്ങൾ രേഖപ്പെടുത്താനും ഓര്‍മ്മിക്കാനും ആഗ്രഹിക്കുന്നത്, അല്ലേ? ജീവിതം എന്തായാലും ബുദ്ധിമുട്ടാണ്, നാം കടന്നുപോയ ദുഃഖത്തെ കുറിച്ചോ ഹൃദയ വേദനകളെ കുറിച്ചോ നിരന്തരം ഓര്‍മിപ്പിക്കാതെ.

എന്നാല്‍ ഈ വര്‍ഷം മറ്റേതൊരു വര്‍ഷത്തേക്കാളും എനിക്ക് വളരെ കഠിനമായിരുന്നു. പ്രഫഷനല്‍ കാര്യങ്ങള്‍ വളരെ നല്ലതായിരുന്നു. കഴിഞ്ഞ വര്‍ഷത്തെ എന്റെ ആദ്യ റിലീസ് ബോക്സ്ഓഫിസിലെ ഏറ്റവും വലിയ ബ്ലോക്ക്ബസ്റ്ററുകളില്‍ ഒന്നായി മാറി. ഞങ്ങളുടെ തലമുറയിലെ എന്റെ പ്രിയപ്പെട്ട നടന്‍മാരില്‍ ഒരാളുമായി മറ്റൊരു പ്രോജക്റ്റില്‍ പ്രവര്‍ത്തിക്കാന്‍ കഴിഞ്ഞു. അദ്ദേഹത്തില്‍ നിന്ന് വളരെയധികം കാര്യങ്ങള്‍ പഠിച്ചു.