മിനിസ്‌ക്രീന്‍ പ്രേക്ഷകര്‍ക്ക് താരങ്ങളായ ജിഷിന്‍ മോഹനെയും , വരദയെയും പ്രത്യേകം പരിചയപ്പെടുത്തേണ്ട ആവശ്യമില്ലല്ലോ. നേരത്തെ സിനിമയില്‍ നായികയായും വരദ അഭിനയിച്ചിട്ടുണ്ട്. എങ്കിലും ഇവര്‍ സീരിയലിലൂടെയാണ് കൂടുതല്‍ ശ്രദ്ധിക്കപ്പെട്ടത്. നായികയായും വില്ലനായും മിനിസ്‌ക്രീനില്‍ തകര്‍ത്ത് അഭിനയിച്ച ഇരുവരും പിന്നീട് ജീവിതത്തിലും ഒന്നിക്കുകയായിരുന്നു ഏറെ നാളത്തെ പ്രണയത്തിന് ശേഷം ആയിരുന്നു ഇവരുടെ വിവാഹം. ഇരുവര്‍ക്കും ഒരു മകനും ഉണ്ട്. തങ്ങളുടെ കുടുംബ വിശേഷം പങ്കുവെച്ച് താരങ്ങള്‍ എത്താറുണ്ട്.

തന്റെ വരദയുടെ പ്രണയകഥകള്‍ നേരത്തെ ജിഷിന്‍ പറഞ്ഞിരുന്നു. ഇപ്പോഴിതാ താരം പങ്കുവെച്ച വാക്കുകളാണ് വൈറലാകുന്നത്. കണ്ണുകളില്‍ നോക്കി നില്‍ക്കുിന്ന വീഡിയോ പങ്കുവെച്ച് കൊണ്ടാണ് ആ പ്രണയത്തെ കുറിച്ച് താരം കുറിക്കുന്നത്. അന്നൊരു വല്ലാത്ത ഫീല്‍ ആയിരുന്നു കണ്ണുകളിലെ പ്രണയമെന്നാണ് ജിഷിന്‍ പറയുന്നത്.

നടന്റ വാക്കുകള്‍ ഇങ്ങനെ…” അന്ന്… അന്നതൊരു വല്ലാത്ത ഫീല്‍ ആയിരുന്നു..കണ്ണുകളിലെ പ്രണയം..നാലാള്‍ കാണ്‍കേ കണ്ണും കണ്ണും നോക്കിയിരിക്കാന്‍ സാധിക്കുന്ന ത്രില്‍ ഈ ലോകം കീഴടക്കിയ ഒരു ഫീല്‍ ..ഇന്നും,, ഭാര്യയോട് വല്ലാത്ത പ്രണയം തോന്നുന്ന നിമിഷങ്ങളില്‍ ഈ വീഡിയോ എടുത്ത് നോക്കും… എന്നിട്ട്… ഒരു നെടുവീര്‍പ്പോടെ സ്വയം പറയും…ഛെ.. വേണ്ടായിരുന്നു.. എന്ന് വീഡിയോയ്‌ക്കൊപ്പം നടന്‍ കുറിച്ചു. ഈ വീഡിയോയ്ക്ക് താഴെ നിരവധി കമന്റും വരുന്നുണ്ട്.

അമല എന്ന സീരിയല്‍ സെറ്റില്‍ വെച്ചാണ് ഇരുവരും പ്രണയത്തിലായത്. ഈ പരമ്പരയില്‍ നായികയായിട്ടായിരുന്നു വരദ എത്തിയത്. അതേസമയം വില്ലന്‍ വേഷത്തില്‍ എത്തിയിരുന്നത് ജിഷിനായിരുന്നു. ഇതിന്റെ ലൊക്കേഷന്‍ വെച്ച് ഇവര്‍ പരസ്പരം നോക്കാന്‍ തുടങ്ങിയത്. അങ്ങനെയാണ് ഇവര്‍ സൗഹൃദത്തില്‍ ആവുന്നതും, ആ ബന്ധം പ്രണയമായി മാറുന്നതും. ഇതേക്കുറിച്ച് പല അഭിമുഖങ്ങളിലും താരങ്ങള്‍ പറഞ്ഞിട്ടുണ്ട് .