കുടുംബ പ്രേഷകരുടെ മനം കവർന്ന പരമ്പര സാന്ത്വനത്തിൽ ഇപ്പോൾ ശിവാഞ്ജലി പ്രണയത്തോട് ഒപ്പം സാവിത്രി അമ്മായിയുടെ അസുഖവും ചർച്ചയാവുകയാണ് . സുഖമില്ലാതിരുന്ന സാവിത്രി അമ്മായിയെ ശിവനും അഞ്ജുവും ചേർന്ന് ഹോസ്പിറ്റലിൽ കൊണ്ടുപോകുന്നതും തുടര്ന്ന് അമ്മായിക്ക് ഹാർട്ടിന്റെ ഒരു വാൽവിന് തകരാറുണ്ട് എന്ന് ശിവൻ അറിയുന്നു എന്നാൽ ഇതൊന്നും അഞ്ജുവിനെയും ശങ്കരൻ മാമ്മനെയും അറിയിക്കുന്നില്ല. എപ്പോൾ ശിവൻ അഞ്ജുവിനോടും ശങ്കരനോടും എല്ലാം വെളുപ്പെടുത്തുകയാണ്. അമ്മായിക്ക് ബി പി മാത്രം അല്ല ഹാർട്ടിനും പ്രശ്‌നം ഉണ്ട് എന്നാണ് പറയുന്നത്. ഇത് കേട്ട് അകെ തകരുകയാണ് അഞ്ജുവും അച്ഛനും . എന്നാൽ ഇത് ഒന്ന് സാവിത്രിയെ അറിയിക്കുന്നില്ല.

ഇതിനിടയിൽ ജയന്തി അഞ്ജുവിനെയും ശിവനെയും തെറ്റിക്കാൻ ശ്രമിക്കുന്നതുമാണ് പരമ്പരയിൽ പറയുന്നത്. സാവിത്രി അമ്മായി കൂടെ ഇപ്പോൾ ശിവനെ മനസ്സിലാക്കാനും സ്നേഹിക്കാനും തുടങ്ങിയപ്പോൾ ജയന്തി ക്ക് സഹിക്കാൻ കഴിയുന്നില്ല. മറ്റുള്ളവരുടെ ജീവിതത്തിൽ തലയിട്ട് അവർക്കിടയിൽ പ്രശ്‌നം ഉണ്ടാക്കിയില്ലെങ്കിൽ ഒരു സമാധാനവും കിട്ടില്ല ജയന്തിക്ക് . കഴിഞ്ഞ എപ്പിസോഡിൽ ശിവനും അഞ്ജലിയും ഒരുമിച്ചല്ല കിടക്കുന്നത് അത് വലിയ പ്രശ്‌നം ആക്കാൻ ജയന്തി നോക്കുന്നുണ്ട് . സാവിത്രിയുടെ മുൻപിൽ നിന്ന് അത് പറയുന്നുണ്ട് . അതിനു അഞ്ജലി നല്ല മറുപടി കൊടുക്കുന്നുണ്ട് . മേലാൽ ഞങ്ങളുടെ പ്രൈവസിയിൽ കേറി ഇടപെടരുത് . ഇത് ഒന്നും ജയന്തിയോട് പറഞ്ഞിട്ട് കാര്യമില്ല . എന്നെ തല്ലണ്ട അമ്മാവാ ഞാൻ നന്നാവൂല്ലാ എന്ന രീതിയാണ് ജയന്തിക്ക് .

സാവിത്രി ഇന്നലത്തെ എപ്പിസോഡിൽ പറയുന്നുണ്ട് ഹോസ്പിറ്റലിലിൽ പോകുമ്പോ മുഴുവൻ എന്റെ മനസ്സിൽ എന്റെ മകളെ കുറിച്ച ഓർത്താണ് . അവൾ എങ്ങനെ ശിവന്റെ കൂടെ ജീവിക്കും . പക്ഷെ ഇപ്പൊ എനിക്ക് ആ പേടിയില്ല ഞാൻ ഇല്ലാതായാലും എന്റെ മകളെ ശിവൻ പൊന്നു പോലെ നോക്കും എന്ന് പറയുന്നുണ്ട് . കഷ്ടം തന്നെ ... അമ്മയുടെ മകളെ കുറിച്ചുള്ള ആധി മനാസ്സിലാകും. പക്ഷെ എന്ത് കൊണ്ട് ഈ 'അമ്മ മകൾ സ്വന്തം കാലിൽ നിൽക്കണം എന്ന ആഗ്രഹിക്കുന്നില്ല. നല്ല ഒരുത്തന്റെ കൈയിൽ മകളെ പിടിച്ചു കൊടുത്താൽ പിന്നെ എല്ലാം പൂർത്തിയായി സമാധാനമായി കണ്ണടക്കാം എന്ന ക്ലിഷേ സാധനം ഇനിയെങ്കിലും ഒന്ന് മാറ്റിപിടിച്ചുടെ റൈറ്റർ മാമ്മ . പെൺ മക്കൾക്ക് നിങ്ങൾ നേടി കൊടുക്കണ്ടത് നല്ല ഒരു ഭര്ത്താവിനെ അല്ല ... അവൾക്ക് നല്ല വിദ്യാഭ്യാസം കൊടുക്കുക , സ്വന്തം കാലിലിൽ നിൽക്കാൻ അവളെ പഠിപ്പിക്കുകയാണ്. വിവാഹം എന്നത് ജീവിതത്തിന്റെ അവസാന വാക്കല്ല .

ഇവിടെ അഞ്ജുവു ജോലി വേണം എന്നോ സ്വന്തം കാലിൽ നിക്കണമെന്നോ ആഗ്രഹിക്കുന്നില്ല . സോറി ഞാൻ മറന്നു പോയി സ്വന്തമായി ബാങ്ക് അക്കൗണ്ട് ഒക്കെയുള്ള ആളുടെ വൈഫ് ആണല്ലോ അഞ്ജലി അത് കൊണ്ട് ജോലിക്ക് ഒന്ന് പോകണ്ട കാര്യമില്ല .. പക്ഷെ അഞ്ജുവിന്റെ കയ്യിൽ ഒരു നാരങ്ങ മുട്ടായി വാങ്ങാനുള്ള കാശ് പോലും കാണില്ല അതിന് പുള്ളികാരനോട്‌ ചോദിക്കണം.. ശിവൻ ഇനി ഭാര്യ വീട്ടിലെ സാമ്പത്തിക ബുദ്ധിമുട്ട് കൂടി എടുത്ത് തലയിൽ വെയ്ക്കണം അതൊക്കെ കണ്ടാൽ പോലും ഇവള് പണിക്ക് പോവും എന്ന് തോന്നുന്നില്ല ഇങ്ങനെ ശിവമാഹാത്മ്യം ചൊല്ലി നടക്കും... എങ്ങനെ സാധിക്കുന്നു ഇതൊക്കെ റൈറ്റർ മാമ്മ ...

ശിവാഞ്ജലി ഫാൻസ്‌ കാണാൻ ഏറെ കാത്തിരുന്ന സീനായിരുന്നു അഞ്ജുവും ശിവനും ഒരുമിച്ച് കിടക്കുന്ന ആ സീൻ . ആ സീൻ വന്നതിനു ശേഷം പല വിമർശനങ്ങളും പല ട്രോളുകളും കണ്ടു. കെട്ടിയ ഭാര്യയെ സഹോദരിയെ പോലെ കാണുന്ന ശിവൻ മസ്സാണ് . വെട്ടിയിട്ട വാഴത്തണ്ട് മാതിരിയുള്ള അവന്റെ കിടപ്പ് കണ്ടോ . പായയിൽ അവർക്കിടയിലെ ആ ഗ്യാപ്പ് വെച്ചിട്ട് സംവിധായകൻ ഒരു 50 എപ്പിസോഡ് ഇനിയും എടുക്കാൻ ചാൻസ് ഉണ്ട് എന്നൊക്കെ പല കമെന്റുകളും കണ്ടു .. ഇതിനെ കുറിച്ച് ഞാൻ കൂടുതൽ ഒന്നും പറയുന്നില്ല ...ഇതിനെ കുറിച്ച് നിങ്ങളുടെ അഭിപ്രായം എന്താണ് എന്ന് നിങ്ങൾ എന്തായാലും കമ്മന്റായിട്ടു അറിയിക്കും, അത് ഞാൻ അടുത്ത എപ്പിസോഡിൽ വായിക്കാം ..

ഇപ്പോൾ അമരാവതയിൽ നിന്ന് അപ്പു സാന്ത്വനത്തിലേക്ക് തിരികയെത്തുന്നുണ്ട് അതാണ് ഇന്ന് കാണാൻ പോകുന്നത് .സാന്ത്വനത്തിന്റെ സ്നേഹം കരുതലും മനസ്സിലാക്കിയാണ് അപ്പു തിരിച്ചെത്തുന്നത് . അങ്ങനെ അപ്പു വീണ്ടും കുലസ്ത്രീ ആയിരിക്കുകയാണ് . ഭാരതവും ഭാരതാവിന്റെ വീടുമേ ശരണം .അപ്പു തിരിച്ചെത്തുന്നതോടെ സാന്ത്വനം വീട്ടിൽ എല്ലാവരും ഹാപ്പിയാണ് . പക്ഷെ അഞ്ജുവിന്റെ വീട്ടിൽ സങ്കടമാണ് . അഞ്ജുവും അച്ഛനും ഒക്കെ വേദനയിലാണ് സാവിത്രി അമ്മായിയുടെ അസുഖത്തെ ഓർത്ത് . പക്ഷെ ഇത് ഒന്നും അറിയാതെ ജയന്തി ഏഷണി പറഞ്ഞ പ്രശ്‌നം ഉണ്ടാക്കാൻ ശ്രമിക്കുന്നു.