സിദ്ദിഖിനെതിരെ രംഗത്ത് വന്നിട്ടുള്ള നടിയാണ് രേവതി സമ്പത്ത്. നിരവധി വെളിപ്പെടുത്തലുകൾ നടനെതിരെ രേവതി നടത്തിയിട്ടുണ്ട്. ഇപ്പോൾ ഇതാ ഏറ്റവും ഒടുവിലായി രേവതി സിദ്ദിഖിനെതിരെ പങ്കു വച്ചിരിക്കുന്ന കുറിപ്പ് ശ്രദ്ധേയമാണ്. തീര്‍ച്ചയായും സിദ്ദിഖ് ഒരു അള്‍ട്ടിമേറ്റ് ഫ്രോഡാണെന്ന് രേവതി കുറിപ്പിൽ പറഞ്ഞിരിക്കുന്നു. കുറിപ്പിന്റെ പൂര്‍ണ രൂപം ഇങ്ങനെ ; തീര്‍ച്ചയായും സിദ്ദിഖ് ഒരു അള്‍ട്ടിമേറ്റ് ഫ്രോഡാണ്. ഇയാളൊക്കെ ഇന്നും ഇറങ്ങുന്ന എല്ലാ സിനിമയിലും ഉണ്ട്.

ഇങ്ങനെ ഉള്ളവന്മാരെയൊക്കെ കല എന്ന ഇടത്തില്‍ നിന്നും എടുത്തെറിയേണ്ട സമയം ഒക്കെ എത്രയോ കഴിഞ്ഞിരിക്കുന്നു. പല സിദ്ദിക്കുമാര്‍ ഇന്നും ആ ഇടത്തില്‍ ആക്റ്റീവ് ആയി നില്‍ക്കുന്നതില്‍ തന്നെ ആ ഇടം എത്രമാത്രം അബ്യൂസീവ് സ്പേസ് ആണെന്ന് മനസിലാക്കാം..” എന്നാണ് രേവതി കുറിച്ചിരിക്കുന്നത്. 2016ല്‍ തിരുവനന്തപുരം നിള തിയേറ്ററില്‍ വെച്ച് വാക്കുകള്‍ കൊണ്ടുള്ള ലൈംഗിക അധിക്ഷേപം സിദ്ദിഖില്‍ നിന്നുണ്ടായിയെന്ന് രേവതി വെളിപ്പെടുത്തിയിരുന്നു .

സിദ്ദിഖും കെപിഎസി ലളിതയും മുമ്പ് നടത്തിയ വാര്‍ത്താസമ്മേളനത്തിന്റെ വീഡിയോ ഷെയര്‍ ചെയ്തായിരുന്നു രേവതി ഇക്കാര്യം തുറന്നു പറഞ്ഞത്. അതിനൊക്കെ പിന്നാലെയാണ് നടന് എതിരെ വിമര്‍ശനങ്ങളുമായി താരം വീണ്ടും വന്നിരിക്കുന്നത്. സിനിമാലോകത്തെ തന്നെ പിടിച്ചുലച്ച നടിയെ ആക്രമിച്ച കേസില്‍ സിദ്ദിഖിന്റെ പേരും ഉയര്‍ന്നു വന്നതോടെയാണ് വിമര്‍ശനവുമായി ഇവര്‍ വീണ്ടും രംഗത്ത് വന്നത്.

അതേസമയം ബിന്ദു അമ്മിണിക്ക്‌ നേരെ ഉണ്ടായ ആക്രമണത്തിലും നടി തന്റെ അഭിപ്രായം അറിയിച്ചിട്ടുണ്ട്. ആ വാക്കുകൾ ഇങ്ങനെ ബിന്ദു അമ്മിണിക്ക്‌ നേരെ ഉള്ള അക്രമണങ്ങൾ എത്ര നാളായി തുടങ്ങിയതാണ്. എന്തെല്ലാം രീതിയിലാണ് ആ സ്ത്രീ ആക്രമിക്കപ്പെട്ടത്. എത്ര എത്ര സ്ത്രീകൾ ഇതുപോലെ ആക്രമിക്കപ്പെടുന്നു പല രീതിയിൽ, പല ഇടങ്ങളിൽ.
വളരെ പ്രാധാന്യമേറിയ ജസ്റ്റിസ് ഹേമ കമ്മീഷൻ റിപ്പോർട്ട്‌ പിടിച്ചുവെക്കുന്നു.

സ്ത്രീകൾക്ക് നേരെയുള്ള കൊടും ക്രൂരതകളുടെ കണക്കുകൾ എണ്ണമെടുക്കാനാവാത്തത്രയും ഉയരുന്നു ഓരോ നിമിഷവും. ഒരു രീതിയിലുള്ള സുരക്ഷയും ഉറപ്പാക്കാതെ, ശക്തമായ നടപടികൾ താമസിപ്പിക്കുകയും ഇഴച്ചു നീട്ടുകയും , കണ്ണടച്ച നിലപാടുമുള്ള കേരള സർക്കാരിനോടാണ്, എവിടെയാണ്, എങ്ങനെയാണ് നിങ്ങൾ ഇതിലൂടെ "സ്ത്രീപക്ഷ കേരളം" നിർമിച്ചെടുക്കാൻ ഉദ്ദേശിക്കുന്നത്..?? 

"സ്ത്രീപക്ഷം "എന്ന ഫാൻസി ടൂൾ കൊണ്ട് നിങ്ങൾ എന്താണ് ഉദ്ദേശിക്കുന്നത്? സ്ത്രീകൾക്ക് നേരെയുള്ള ആക്രമണങ്ങൾക്കെതിരെ ഇങ്ങനെ കണ്ണടക്കുന്ന ഒന്നിനെയും മഹത്വവൽകരിക്കാൻ മനസ്സില്ല,അതിപ്പോൾ എവിടുത്തെ സോ കാൾഡ് പ്രസ്ഥാനം ആണെന്നോ/വ്യക്തികളാണെന്നോ/മറ്റെന്താണെന്നോ പറഞ്ഞ് ചിലച്ചിട്ടും ഒരു പ്രയോജനവുമില്ല.