പ്രേക്ഷകർ ആഗ്രഹിക്കുന്നതിൽ നിന്നും വ്യത്യസ്തമായി സഞ്ചരിച്ചു കൊണ്ടിരിക്കുന്ന സീരിയൽ ഏതാണെന്നു ചോദിച്ചാൽ ഒറ്റ ഉത്തരമെ നല്കാൻ കഴിയൂ.. മൗനരാഗം... കാരണം മറ്റൊന്നുമല്ല, പരമ്പരയിലെ അണിയറപ്രവർത്തകർ അറിയുവാൻ വേണ്ടി, കമെന്റിലൂടെയും അല്ലാതെയും മൗനരാഗത്തിലെ കഥയ്ക്ക് വ്യത്യാസം വരണം ഞങ്ങൾ ആഗ്രഹിക്കുന്ന ട്വിസ്റ്റൊക്കെ ഇടയ്ക്ക് കൊണ്ട് വരണമെന്നൊക്കെ, ആരാധകർ അറിയിക്കുന്നതാണ്.. എന്നാൽ, എന്തെങ്കിലും മാറ്റമുണ്ടോ?? എന്ന് ചോദിച്ചാൽ ഒരിക്കലുമില്ല എന്ന് പറയാൻ മാത്രമേ കഴിയുകയുള്ളു..

കല്യാണി ഇന്ന് സംസാരിക്കും നാളെ സംസാരിക്കും എന്നൊക്കെ പ്രൊമോയിലൂടെ പറഞ്ഞ് ആളുകളെ പറ്റി ക്കാൻ തുടങ്ങിയിട്ട് നാൾ ഏറെ ആയി. അതിനു മുൻപ് തുടങ്ങിയതാണ്... കിരൺ കല്യാണി കല്യാണം. നടന്നു നടന്നില്ല, എന്ന രീതിയിൽ നിരവധി തവണ ആരാധകരെ എല്ലാം നല്ലതു പോലെ പറ്റിച്ചു.

അവസാനത്തെ, തുറുപ്പ് ചീട്ടായിഒരുന്നു അച്ഛൻ-മക്കൾ ഒന്നിക്കുന്നു എന്നത്... വേറെ വഴികൾ ഒന്നും ഇല്ലാത്തതുകൊണ്ട് മാത്രം അവസാനം അവരെ ഒരുമിപ്പിച്ചു. എന്നിട്ടും തീരുന്നില്ലലോ... കഥ, അവിടെ മുതൽ വലിച്ചിഴയ്ക്കാൻ തുടങ്ങിയതാണ്. ഇനി രൂപ സത്യങ്ങൾ അറിയാൻ പോകുന്നു എന്ന രീതിയിൽ അടുത്ത പ്രോമോ ഇറക്കി ആൾക്കാരെ പറ്റിക്കാനാണ് പ്ലാനെന്നു തോനുന്നു.

അതുവരെ വലിച്ചു നീട്ടണ്ടേ... അതിനു വേണ്ടി തന്നെയാണ് ഇപ്പോൾ, പാറുമോളേ കല്യാണിയുടെ വീട്ടിൽ കൊണ്ട് നിർത്തിയിരിക്കുന്നു. ഇനി കുറെ ദിവസം അവരെ കാണിച്ചാൽ മതിയല്ലോ.. ഇന്ന് മുതൽ അതുവഴിക്കാൻ കഥ സഞ്ചരിക്കുന്നത്. ഇന്നത്തെ, പ്രോമോ കണ്ടവർക്കെല്ലാം അക്കാര്യവും മനസ്സിലായി കഴിഞ്ഞിരിക്കുകയാണ്.

ഇനി, കല്യാണിയെ മകന്റെ ഭാര്യയായി സ്വീകരിക്കാൻ വേണ്ടി പ്രകാശനെ സി എസ് കുപ്പിയിലാക്കാം പോകുന്നു, എന്ന രീതിയിലാണ് കാണിച്ചിരിക്കുന്നത്. ചിത്രസേനൻ വേഷം മാറി കല്യാണിയുടെ വീട്ടിൽ വന്നിരിക്കുകയാണ്. പണം കണ്ടാൽ പ്രകാശനും മുത്തശ്ശിയും, വിക്രവുമൊക്കെ വീഴുമെന്ന് സി എസിനറിയാം അതുകൊണ്ട് തന്നെ പണമെറിഞ്ഞാണ് ചിത്രസേനൻ കളികൾ തുടങ്ങുന്നത്.

ഒരുപാട്, പൈസ കിട്ടുന്ന ഇടമാണെന്നറിയുമ്പോൾ, പ്രക്ഷൻ എന്തായാലും കല്യാണിയെകൊണ്ട് സി എസ് പറയുന്നത് എന്തും ചെയ്യിക്കും. അതിനുള്ള പ്ലാനാണെന്നാണ് തോന്നുന്നത്. ഇന്നത്തെ പ്രൊമോയിൽ തന്നെ, വിക്രമിനോട് ഒരുപാട് പണമൊക്കെ ആളാണ് ആ മനുഷ്യനെന്ന മുത്തശ്ശി പറയുന്നുണ്ട്. ഇതൊക്കെ കേൾക്കുമ്പോൾ, വിക്രമനും ഒരുപാട് സന്തോഷം ആകുന്നുണ്ട്. പക്ഷെ, ഇതെല്ലം സി എസ് പ്രകാശനും കൂട്ടാളികൾക്കും വിരിക്കുന്ന വലയാണെന്ന് അറിയുന്നില്ലലോ....

പക്ഷെ, കോമഡി അവിടെ അല്ല.. ചിത്രസേനൻ പ്രകാശന് സമ്മാനമായി കൊടുക്കുന്ന തുക എത്ര ആണെന്നറിയുമോ?? ഒരു ലക്ഷം രൂപ. ആ ചെക്ക് കൊടുത്തിട്ട് സി എസ് പറയുന്നതോ?? ചെറിയൊരു സമ്മാനം മാത്രമാണെന്നാണ്. അല്ല, എനിക്കറിയാൻ മേലാഞ്ഞിട്ട് ചോദിക്കുവാ.. ഈ മൗനരാഗത്തിലെ ഡയറക്ടറിനും പ്രൊഡ്യൂസറിനുമൊക്കെ... ഒരു ലക്ഷം രൂപ ചെറിയൊരു തുകയാണോ??