മലയാളി മിനിസ്ക്രീൻ പ്രേക്ഷകർക്കിടയിൽ ഇത്രയധികം ചർച്ചയായ പരമ്പര ഒരുപക്ഷെ, കൂടെവിടെ തന്നെയാകും. അതുകൊണ്ട് ഒന്ന് ട്രാക്ക് മാറിയപ്പോഴേക്കും പ്രേക്ഷകർ അപേക്ഷ പോലെയാണ് പറയുന്നത്. ഈ പരമ്പരയെ കൊല്ലല്ലേ എന്ന്.

ഇപ്പോൾ, ദാ... പരമ്പരയെ കൊല്ലാതെ തിരികെ കൊണ്ട് വരുവാനായുള്ള ശ്രമത്തിലാണ് ശശി മാമൻ. സൂര്യയുടെ വെക്കേഷൻ ഉടൻ തന്നെ കഴിയാനുള്ള എല്ലാ സാധ്യതകളുമുണ്ട്. അതിനിടയിലാണല്ലോ.. റാണിയമ്മ ആരും പ്രതീക്ഷിക്കാത്ത സമയത്ത് കുഞ്ഞിയെയും കൂട്ടി പെണ്ണ് ചോദിക്കാൻ സൂര്യയുടെ വീട്ടിലേക്ക് വന്നത്.

സൂര്യയ്ക്ക് ഇടയ്ക്കിടയ്ക്ക് മറവി രോഗമുള്ള കാര്യം നിങ്ങൾക്കെല്ലാവർക്കും അറിയാമല്ലോ.. അങ്ങനെ, മറന്നിരുന്ന അതിഥി റ്റീച്ചറിനെയൊക്കെ ഒന്ന് ഓർമിക്കാൻ റാണിയമ്മയുടെ വരവ് കാരണമായി, അതിനു നമ്മളൊക്കെ റാണിയമ്മയോടാണ് നന്ദി പറയേണ്ടത്.

പിന്നെ, റാണിയമ്മയുടെ തീരുമാനങ്ങളൊക്കെ സൂര്യ അംഗീകരിക്കുമോ? ഇല്ലയോ എന്നൊക്കെ നമുക്ക് കണ്ടു തന്നെ അറിയാം. സമ്മതിക്കാനുള്ള ചില വഴികളൊക്കെ ഋഷിയും ഒരുക്കുന്നുണ്ട്. അതൊക്കെ നമ്മൾ വീക്കെൻഡ് പ്രൊമോയിൽ കണ്ടതാണല്ലോ...

സൂര്യയ്ക്കും ഋഷിയ്‌ക്കും ഒരുമിച്ചൊരു ജീവിതം തുടങ്ങണം, അതിന് തടസ്സമായി മുന്നിൽ നിന്ന പ്രധാന വ്യക്തിയാണ് റാണിയമ്മ. ഒടുവിൽ റാണിയമ്മ സമ്മതം മൂളിയതുകൊണ്ടും, റിഷിയ്ക്ക് തന്റെ ആഗ്രഹങ്ങൾ സഫലീകരിക്കാൻ കുറച്ചുനാൾ കൂടി ഈ റാണിയമ്മയെ കൂട്ടിനുവേണം. അതുകൊണ്ടുമാണ്, ഋഷി ഇപ്പോഴും റാണിയമ്മയോടൊപ്പം ജീവിക്കുന്നത്... അല്ലെങ്കിൽ, തന്റെ എല്ലാമെല്ലാമായ സ്വന്തം അമ്മയുടെ കൂടി ജീവിക്കാൻ തറവാട്ടിലേക്ക് എന്നെ പോകുമായിരുന്നു

പിന്നെ, റാണിയമ്മ ഇന്ന് പെണ്ണ് ചോദിക്കാൻ വേണ്ടി മാത്രമല്ല പോയത്, വേറെ ചില കളികൾ കൂടി അവിടെ നടക്കുന്നുണ്ട്, അത് നടക്കാനുള്ള കാരണം തന്നെ അതിഥി ടീച്ചറും ഋഷിയും സൂര്യയോട് സമ്മതം മൂളിയതുകൊണ്ടാണ്. അത് എന്താണെന്നൊക്കെ നിങ്ങൾ കാത്തിരുന്ന തന്നെ കാണണം.

പിന്നെ, കുഞ്ഞി ചില കോമഡികളൊക്കെ ഒപ്പിക്കുന്നുണ്ട്. വലിയ കാര്യത്തിന് സീരിയസായിട്ട് എന്തൊക്കെയോ ചെയ്യാൻ ശ്രമിക്കുന്നതാണ്, അവസാനം എത്തുന്നതോ കോമഡി ആയിട്ടായിരിക്കും.

ജഗനെയും കൂട്ടി പുതിയൊരു പദ്ധതിയ്ക്ക് തുടക്കമിടുകയാണ് റാണിയമ്മ. ജഗന്റെ എല്ലാ ആഗ്രഹങ്ങളും അതുപോലെ റാണിയമ്മ കൂട്ടി വെച്ച പ്ലാനുകളും നല്ലതുപോലെ നടക്കാൻ വേണ്ടിയാണ് ഈ ഒരുക്കങ്ങൾ. പക്ഷെ, അവസാനം ഇതെല്ലം ഇവർക്ക് തന്നെ വിനയായി തീരാതിരുന്നാൽ മതി.

പിന്നെ, കുറെ നാളായില്ലേ... ഋഷി സൂര്യ റൊമാൻസ് സംസാരവും ആ നോട്ടവുമൊക്കെ കണ്ടിട്ട്, അതെന്തായാലും ഇന്നൊന്നും നടക്കില്ല.. ഈ ആഴ്ചയിൽ തന്നെയുണ്ട്. അടുത്ത ഋഷി സൂര്യ പ്രണയ വസന്ത കാലത്ത് നമുക്ക് ആസ്വദിക്കാൻ റൈറ്റർ സാർ നല്ല പ്രണയ ഭക്ഷണങ്ങൾ എഴുതുന്ന തിരക്കിലാണ്. കൂടെവിടെയിൽ എന്നല്ല എല്ലാ പാരമ്പരകളിലും ഋതുക്കൾ പോലെയാണ് പ്രണയം. ആദ്യം വഴക്ക് വരും പിന്നെ പ്രണയം വരും പിന്നെ വിരഹം വരും... പിന്നെ ഇതൊന്നുമല്ലാത്ത എന്തൊക്കെയോ കാലങ്ങളും ഇടയ്ക്ക് കാണാം . അപ്പോൾ സൂര്യയെ ഏത് വിധേനയും ഋഷി രക്ഷിക്കും.. അതിലേക്ക് കഥ പോകുന്നുണ്ട്. അതൊക്കെ അല്പം കാത്തിരുന്ന് തന്നെ കാണണം.