അഞ്ജലിമേനോന്റെ തിരക്കഥ മോശമായതിനാല്‍ ദുല്‍ഖര്‍ സല്‍മാനെ നായകനാക്കി സംവിധാനം ചെയ്യാനിരുന്ന ചിത്രത്തില്‍ നിന്നും പിന്മാറുന്നുവെന്ന് പ്രതാപ് പോത്തന്‍ കഴിഞ്ഞ ദിവസം പറഞ്ഞിരുന്നു. അതിന് മറുപടിയുമായി അഞ്ജലി മേനോന്‍ രംഗത്തെത്തി. ഇത് വലിയൊരു വിവാദമാക്കിമാറ്റാന്‍ താന്‍ ആഗ്രഹിക്കുന്നില്ല. ഇത്തരം ദുരാരോപണങ്ങളോട് പ്രതികരിച്ച് അതിനെ മഹത്വവല്‍ക്കരിക്കാന്‍ താന്‍ ആഗ്രഹിക്കുന്നില്ലെന്നും അവര്‍ വ്യക്തമാക്കി.

പണത്തിന് വേണ്ടി ഒരിക്കലും സിനിമ ചെയ്യില്ലെന്ന് പ്രതാപ് പോത്തന്‍ പറഞ്ഞിരുന്നു. തനിക്ക് ഉള്‍ക്കൊള്ളാനാവാത്ത തിരക്കഥയില്‍ സിനിമ ചെയ്യാനാകില്ല. താന്‍ ഉദ്ദേശിച്ച രീതിയില്ല കഥയും ക്ലൈമാക്‌സും. അത് തിരുത്താനാകാതെ മുന്നോട്ടു പോകാനാവില്ലെന്നായിരുന്നു പ്രതാപ്‌പോത്തന്റെ നിലപാട്. 20 വര്‍ഷത്തിന് മുന്‍പ് പ്രതാപ് പോത്തന്‍ സംവിധാനം ചെയ്യാന്‍ തീരുമാനിച്ചിരുന്ന ചിത്രമായിരുന്നു ഇത്.

മഞ്ചാടിക്കുരു, ഉസ്താദ് ഹോട്ടല്‍, ബാംഗ്ലൂര്‍ ഡേയ്‌സ്, എന്നീ ചിത്രങ്ങള്‍ക്കുശേഷമുള്ള അഞ്ജലിമേനോന്റെ ചിത്രം ഏറെ പ്രതീക്ഷയോടെയാണ് പ്രേക്ഷകര്‍ കാത്തിരിക്കുന്നത്. പുതിയ ചിത്രത്തിന്റെ ചിത്രീകരണം ഉടന്‍ ആരംഭിക്കുമെന്ന് പറഞ്ഞിരുന്നെങ്കിലും പെട്ടെന്നാണ് ചിത്രത്തില്‍ നിന്ന് പിന്തിരിയുന്നതായി പ്രതാപ് പോത്തന്‍ പറഞ്ഞത്.