ടോവിനോയുടെ മറുപടിയില്‍ ഞെട്ടിയ ആള്‍ സ്ഥലം കാലിയാക്കി. വേറിട്ട കഥയും കഥ പറച്ചിലുമായി ഗപ്പി മുന്നേറുമ്പോള്‍ പ്രേക്ഷകര്‍ക്ക് നന്ദി അറിയിച്ച് ടോവിനോ തോമസ് ഫേസ്ബുക്കില്‍ പോസ്റ്റിട്ടു. ''ഗപ്പി എന്ന സിനിമ കണ്ട് അതിന് വേണ്ട പ്രോത്സാഹനം തന്ന, അതിനെപ്പറ്റി നാലു പേരോട് നല്ലത് പറഞ്ഞ എല്ലാ നല്ല മനസ്സുകള്‍ക്കും ഒരായിരം നന്ദി! കണ്ടവര്‍ക്കൊക്കെ ഇഷ്ടപ്പെട്ടു എന്ന് പറയുന്നു. കാണാത്തവര്‍ കണ്ടു നോക്കൂ. ഇതായിരുന്നു ടോവിനോയുടെ വാചകം. ടോവിനോയുടെ പ്രകടനത്തെ പുകഴ്ത്തിയും ചിത്രത്തെ വാഴ്ത്തിയും നിരവധി കമന്റുകളും പിന്നാലെയെത്തി. കൂട്ടത്തില്‍ ഒരാള്‍ പൈസ പോയി എന്ന കമന്റുമായി എത്തി. അപ്രതീക്ഷിതമായി ടോവിനോയുടെ മറുപടിയും എത്തി. '' എത്ര പൈസ പോയി, പറഞ്ഞോളൂ, ബാങ്ക് അക്കൗണ്ട് ഡീറ്റെയില്‍ പറ, ഞാന്‍ ട്രാന്‍സ്ഫര്‍ ചെയ്തു തരാം എന്നായി ടോവിനോ.
ടോവിനോയുടെ മറുപടിക്ക് പിന്നാലെ ടോവിനോയെ പിന്തുണച്ച് നിരവധി കമന്റുകളെത്തി. പഴ്‌സ് കളഞ്ഞുപോയി കാണും എന്നാണ് ഒരു വിരുതന്റെ കമന്റ്. ഏതായാലും സംഗതി വൈറലായി. സപ്പോര്‍ട്ട് അറിയിച്ചും ട്രോളുകള്‍ പോസ്റ്റ് ചെയ്തും ടോവിനോയുടെ കമന്റ് ബോക്‌സില്‍ അനുകൂലിച്ചും പ്രതികൂലിച്ചും ആളുകള്‍ നിരന്നു.