ബിഗ് ബോസിനെ കുറിച്ച്.... തിങ്കള് മുതല് വെള്ളി വരെ രാത്രി 9.30 നും ശനി ഞായര് ദിവസങ്ങളില് രാത്രി 9 മണിയ്ക്കുമാണ് നിങ്ങളുടെ മുമ്പിലെത്തുക
ആകാംക്ഷകള്ക്ക് വിരാമമിട്ട് സൂപ്പര് സ്റ്റാര് മോഹന്ലാല് അവതാരകനായെത്തുന്ന ബിഗ് ബോസ് ഷോയ്ക്ക് തുടക്കമായി. കണ്ണുകെട്ടിയുള്ള ബിഗ് ബോസിലേകുള്ള മോഹന്ലാലിന്റെ വരവ് കലക്കി. പച്ചപ്പും നീന്തല്കുളവുമെല്ലാമുള്ള നല്ല മനോഹരമായ ഒരു വീട്. വ്യായാമം ചെയ്യാനുള്ള സൗകര്യങ്ങളുണ്ട്. 60 ക്യാമറകള് വീടിനുള്ളില് സജ്ജീകരിച്ചിട്ടുണ്ട്. തിങ്കള് മുതല് വെള്ളി വരെ രാത്രി 9.30 നും ശനി ഞായര് ദിവസങ്ങളില് രാത്രി 9 മണിയ്ക്കുമാണ് പ്രോഗ്രാം പ്രക്ഷേപണം നടത്തുന്നത്.
16 മത്സാരാഥികള് 100 ദിവസമാണ് ബിഗ് ബോസ് ഹൗസില് താമസിക്കാനുള്ളത്. ഇവര്ക്ക് പുറം ലോകമായി യാതൊരുവിധ ബന്ധവും ഉണ്ടാവില്ല. ഇന്നത്തെ തലമുറ ഇന്റര്നെറ്റും മൊബൈല് ഫോണും കുടുതലായി ഉപയോഗിക്കുന്നവരാണെങ്കിലും ബിഗ് ബോസ് ഹൗസിനുള്ളില് ഇതിനൊന്നും സ്ഥാനമില്ല. പത്രമോ ടിവിയോ ഇല്ല. മൊബൈല് ഫോണോ, സോഷ്യല് മീഡിയയോ ആയി ഒരു ബന്ധവുമില്ലാതെ 100 ദിവസം വീട്ടില് ജീവിക്കണം. പത്രം പോലും ലഭിക്കുകയില്ല. അതു 60 ഓളം ക്യാമറയുടെ നിരീക്ഷണത്തില് ആയിരിക്കും മുഴുവന് സമയവും. ഇത്തരത്തില് കടുകട്ടി ചലഞ്ച് തന്നെയാണ് ബിഗ്ബോസ് ഹൗസില് മത്സരാര്ത്ഥികള്ക്കായി ഒരുക്കിയിട്ടുള്ളത്.
ബിഗ് ബോസിലെ ഏറ്റവും പ്രധാനപ്പെട്ട നിയമാവലിയില് ഒന്നാണ് മലയാളം മാത്രം സംസാരിക്കണമെന്നത്. മോഹന്ലാല് ഇംഗ്ലീഷ് വാക്കുകള് ഒഴിവാക്കാന് ശ്രമിക്കുന്നത് ചിലപ്പോഴെങ്കിലും ചിരിപ്പിക്കുന്നുണ്ട്.
നടി ശ്വേത മേനോന്, നടന്മാരായ ദീപന്, ശ്രീനിഷ് അരവിന്ദ്, അരിസ്റ്റോ സുരേഷ്, അനൂപ് ചന്ദ്രന്, നടിയും ജഗതി ശ്രീകുമാറിന്റെ മകളുമായ ശ്രീലക്ഷ്മി, നടിയും നാടന്പാട്ടുകാരിയുമായ ഹിമ ശങ്കര്, സാമൂഹ്യ പ്രവര്ത്തക ദിയ സന, കന്നഡ സിനിമയില് സജീവമായ മലയാളി കൂടിയായ നടി അതിഥി റായ്, കൊച്ചിയിലെ ഫ്രീക്കന് പയ്യന് എന്നറിയപ്പെടുന്ന ബഷീര് ബഷി, മനോജ് കാര്ത്തിക്, നടിയും അവതാരകയുമായ പേളി മാണി, നടനും മോഡലുമായ ഡേവിഡ് ജോണ്, തരികിട സാബു, നടി അര്ച്ചന സുധീരന്, അവതാരക രഞ്ജിനി ഹരിദാസ് എന്നിവരാണ് ഇനി നൂറുദിവസം ബിഗ്ബോസ് ഹൗസിലെ താമസക്കാര്.
ഭക്ഷണത്തിനായി വിശാലമായ ഡൈനിങ് ഹാള്. പങ്കെടുക്കുന്ന പതിനാറു പേര്ക്കുമായി ആകെ പത്ത് സീറ്റുകള് മാത്രമേയുള്ളൂ. എന്തായിരിക്കും അതിനു കാരണമെന്ന് കാത്തിരുന്നു കാണാം. വീടിനകത്ത് ഓപ്പണ് കിച്ചനാണ് തയ്യാറാക്കിയിരിക്കുന്നത്. ഭക്ഷണമൊരുക്കാനുള്ള എല്ലാ സൗകര്യവും ഇതിലുണ്ട്. ബോയിങ് ബോയിങിലെ പ്രസിദ്ധമായ നര്മരംഗം ഓര്മിച്ചു കൊണ്ടാണ് മോഹന്ലാല് വിവരണം തുടര്ന്നത്. അംഗങ്ങള് സ്വന്തമായി ഭക്ഷണം ഉണ്ടാക്കി കഴിക്കണം. നോരോലാക്കാണ് ബിഗ് ബോസ്സിന്റെ വീട്ടിലെ കലവറ. പതിനാറ് പേര്ക്ക് നൂറു ദിവസം ജീവിക്കാനുള്ള എല്ലാ സൗകര്യവും ഒരുക്കിയിട്ടുണ്ട്. പച്ചക്കറികളും പഴ വര്ഗ്ഗങ്ങളും അരിയും ഗോതമ്ബും പരിപ്പും ഉള്ള വിശാലമായ ഒരു കലവറ. ബെല്ലടിച്ചാല് പുറത്തു പോകണമെന്ന കണ്ടീഷനുണ്ട്.
ടെലിവിഷന് പ്രേക്ഷകരുടെ ഏറെ നാളത്തെ സ്വപ്നമാണ് ഇന്ന് സഫലമായിരിക്കുന്നത്. ഏഷ്യാനെറ്റില് സംപ്രേക്ഷണം ചെയ്യുന്ന മലയാളം ബിഗ് ബോസ് മുംബൈ ഫിലിംസിറ്റിയില് നിന്നുമാണ് ചിത്രീകരണം നടത്തുന്നത്.
https://www.facebook.com/Malayalivartha
