സിനിമാ ലോകത്തെ കാസ്റ്റിങ് കൗച്ച് വിവാദത്തെ കുറിച്ച് തുടര്‍ച്ചയായി വെളിപ്പെടുത്തല്‍ നടത്തിയ നടിയാണ് ശ്രീ റെഡ്ഡി. ഇപ്പോള്‍ ശ്രീറെഡ്ഡിയുടെ വെളിപ്പെടുത്തല്‍ തെലുങ്ക് സിനിമാ നിര്‍മ്മാതാവ് നടത്തിയ അമേരിക്കന്‍ പെണ്‍വാണിഭ കേന്ദ്രത്തെ കുറിച്ചാണ്.

ഏതാനും ദിവസങ്ങള്‍ക്ക് മുന്‍പ് തെലുങ്ക് നിര്‍മ്മാതാവിനേയും ഭാര്യയേയും പെണ്‍വാണിഭ കേസില്‍ പൊലീസ് അറസ്റ്റ് ചെയ്തിരുന്നു. അമേരിക്ക കേന്ദ്രീകരിച്ചായിരുന്നു ഇവരുടെ പ്രവര്‍ത്തനങ്ങള്‍ നടത്തി വന്നിരുന്നത്. ആ വിഷയത്തില്‍ ഞെട്ടിപ്പിക്കുന്ന വെളിപ്പെടുത്തലുമായി ശ്രീറെഡ്ഡി രംഗത്തെത്തിയിട്ടുണ്ട്. മലയാളി നടിമാരും ഇവരുടെ ഇരകളായിട്ടുണ്ടെന്നാണ് താരത്തിന്റെ വെളിപ്പെടുത്തല്‍. വ്യാജ പരിപാടിയുടെ പേരിലാണ് താരങ്ങളെ നാട്ടില്‍ നിന്ന് അമേരിക്കയില്‍ എത്തിക്കുന്നതെന്നും ശ്രീ റെഡ്ഡി വെളിപ്പെടുത്തുന്നു.

ഒരു യുവനടിയുടെ പരാതിയുടെ അടിസ്ഥാനത്തിലായിരുന്നു സിനിമ നിര്‍മ്മാതാവും ബിസിനസ്‌കാരനുമായ മൊദുഗുമിഡി കിഷന്‍, ഭാര്യ ചന്ദ്രയേയും ഷിക്കാഗോ പൊലീസ് അറസ്റ്റ് ചെയ്തത്. ഇവരുടെ ചിക്കഗോയിലുള്ള ഫഌറ്റില്‍ നിന്നാണ് ഇരുവരേയും പൊലീസ് അറസ്റ്റ് ചെയ്തത്. കൂടാതെ അവരുടെ ഫഌറ്റില്‍ നടത്തിയ പരിശേധനയില്‍ ഇതുസംബന്ധമായ തെളിവുകളും പൊലീസിനു ലഭിച്ചിരുന്നു.

അമേരിക്കയില്‍ പിടിയിലായ നിര്‍മ്മാതാവിന്റെ ഫഌറ്റില്‍ നിന്ന് കണ്ടെത്തിയ ഡയറിയില്‍ നിന്ന് ലഭിച്ചത് ഞെട്ടിപ്പിക്കുന്ന വിവരങ്ങളായിരുന്നു . നടത്തിയ ഓരേ ഇടപാടിനെ കുറിച്ചുള്ള എല്ലാ വിവരങ്ങളും ഈ ഡയറിയില്‍ ഉള്‍പ്പെടുത്തിയിട്ടുണ്ടായിരുന്നു.

കിട്ടുന്ന തുകയും പെണ്‍കുട്ടികള്‍ക്ക് കൈമാറുന്ന തുകയും ആരുമായിട്ടാണോ ഇടപാട് നടത്തുന്നത്. സമയം, തീയതി, എന്തു കാര്യം പറഞ്ഞാണ് അവരെ അമേരിക്കയിലേയ്ക്ക് വിളിക്കുന്നത് എന്നുമായി ബന്ധപ്പെട്ട എല്ലാം വിവരങ്ങളും ഡയറില്‍ രേഖപ്പെടുത്തിയിട്ടുണ്ടായിരുന്നു. ഇവര്‍ താമസിച്ചിരുന്ന വെസ്റ്റ് ബെല്‍ഡെന്‍ അവന്യൂവിലെ അപ്പാര്‍ട്ട്‌മെന്റില്‍ പൊലീസ് തിരച്ചിലിലാണ് ഡയറി ലഭിച്ചത്.