നയന്‍താരക്കെതിരെ ആഞ്ഞടിച്ച് ഹാസ്യതാരം വിവേക്, ഇതാണ് നിബന്ധനയെങ്കില്‍ പ്രതിഫലം കുറച്ച് നിര്‍മ്മാതാവിനെ സഹായിച്ചു കൂടേ?
നയന്‍സിന് അഹങ്കാരം തലക്കുപിടിച്ചെന്ന് വിവേക്. തമിഴകത്തെ നമ്പര്‍ വണ്‍ നായികയാണ് നയന്‍താര. പ്രതിഫലത്തിലും മുന്നില്‍ നയന്‍സാണ്. സിനിമ കരാര്‍ ചെയ്യുന്നതിന് മുന്നോടിയായി നിര്‍മ്മാതാവിനും സംവിധായകനും മുന്നില്‍ നയന്‍താര ചില നിബന്ധനകള്‍ വയ്ക്കാറുണ്ട്. സിനിമയുടെ പ്രചരണ ചടങ്ങുകളിലോ ചാനല്‍ പ്രമോഷനുകളിലോ പങ്കെടുക്കില്ലെന്നാണ് നയന്‍താരയുടെ കണ്ടീഷന്‍. ഈ നിബന്ധന അംഗീകരിച്ചാല്‍ മാത്രമേ നയന്‍സ് സിനിമ ഏറ്റെടുക്കാറുള്ളൂ. പ്രണയത്തകര്‍ച്ചയും ഗോസിപ്പുകളും ഉയര്‍ത്തി തനിക്ക് നേരെ ചോദ്യം ഉയരുന്നത് പതിവായതിനാലാണ് മാധ്യമങ്ങളില്‍ നിന്ന് നയന്‍താര ഒളിച്ചോടുന്നത്. നയന്‍താരയുടെ ഈ നിബന്ധനയെ പരസ്യമായി വിമര്‍ശിച്ചിരിക്കുകയാണ് ഹാസ്യതാരം വിവേക്. കാര്‍ത്തി നായകനായ കാശ്‌മോര എന്ന സിനിമയുടെ പ്രമോഷന്‍ ചടങ്ങിലാണ് നയന്‍താരയെ ലക്ഷ്യമാക്കി വിവേകിന്റെ പരാമര്‍ശം.
കാശ്‌മോരയില്‍ കാര്‍ത്തിയുടെ പിതാവിന്റെ റോളിലാണ് വിവേക് അഭിനയിക്കുന്നത്. ഗോകുല്‍ സംവിധാനം ചെയ്യുന്ന കാശ്‌മോര ദീപാവലി റിലീസായി വെള്ളിയാഴ്ച പ്രേക്ഷകരിലെത്തുകയാണ്. 70 കോടി ബജറ്റിലാണ് ചിത്രം. മൂന്ന് ഗെറ്റപ്പുകളിലാണ് കാര്‍ത്തി അഭിനയിക്കുന്നത്.
https://www.facebook.com/Malayalivartha
