ജീവിതത്തിലെ താരജോഡികള്‍ സിനിമയില്‍ വീണ്ടും ഒന്നിക്കുന്നത് കാത്തിരിക്കുകയാണ് ആരാധകര്‍. വിവാഹ ശേഷം സിനിമയില്‍ നിന്ന് മാറി നിന്നെങ്കിലും എന്നും ആരാധകരുടെ പ്രീയതാരമാണ് ജ്യോതിക. 36 വയതിനിലെ എന്ന സിനിമയിലാണ് വിവാഹത്തിനുശേഷം ജ്യോതിക അഭിനയിച്ചത്. ജ്യോതികയും സൂര്യയും സിനിമയില്‍ ഒന്നിക്കുന്നതെന്നാണ് എന്ന് കാത്തിരിക്കുകയാണ് ആരാധകര്‍. നല്ല കഥയും കഥാപാത്രവും വന്നാല്‍ സൂര്യയ്‌ക്കൊപ്പം അഭിനയിക്കുമെന്ന് ജ്യോതിക നേരത്തേ വ്യക്തമാക്കിയിരുന്നു.

ജ്യോതിക നായികയായി എത്തുന്ന മഗിളര്‍ മട്ടും എന്ന ചിത്രത്തിലൂടെ ഇരുവരും വീണ്ടും ഒന്നിക്കുകയാണ്. ദേശീയ അവാര്‍ഡ് ജേതാവായ ബ്രഹ്മ സംവിധാനം ചെയ്യുന്ന മഗിളര്‍ മട്ടുമില്‍ അതിഥി താരമായാണ് സൂര്യ എത്തുന്നത്. ചിത്രത്തില്‍ ഡോക്യുമെന്ററി സംവിധായകയുടെ വേഷമാണ് ജ്യോതികയ്ക്ക്.