ബ്രസീലില്‍ പ്രസിഡന്റ് തെരഞ്ഞെടുപ്പിന്റെ ഒന്നാംഘട്ടം ഇന്ന്. ആദ്യഘട്ടത്തില്‍ ഒരു സ്ഥാനാര്‍ഥിക്കും 50 ശതമാനത്തിലധികം വോട്ട് നേടാനായില്ലെങ്കില്‍ കൂടുതല്‍ വോട്ട് നേടുന്ന രണ്ടുപേര്‍ മാത്രം സ്ഥാനാര്‍ഥികളായി ഒക്ടോബര്‍ 30ന് വീണ്ടും തെരഞ്ഞെടുപ്പ് നടക്കും.

നിലവിലെ പ്രസിഡന്റ് ജൈര്‍ ബൊല്‍സൊനാരോയും മുന്‍ പ്രസിഡന്റ് ലുല ഡ സില്‍വയുമാണ് പ്രധാന എതിരാളികള്‍. 76കാരനായ ലുല 2003 മുതല്‍ 2006 വരെയും 2007 മുതല്‍ 2011 വരെയും പ്രസിഡന്റായിരുന്നു

.

തീവ്ര വലതുപക്ഷക്കാരനായ ജൈര്‍ ബൊല്‍സൊനാരോയേക്കാള്‍ അഭിപ്രായ സര്‍വേകളില്‍ മുന്നിലാണ് ഇടതു നേതാവ് ലുല ഡ സില്‍വ. രാജ്യത്തെ 26 സംസ്ഥാനങ്ങളിലായി 15.64 കോടിയിലേറെ വോട്ടര്‍മാരാണുള്ളത്.