യൂറോപ്പിലേയ്ക്ക് കുടിയേറുന്നവരുടെ എണ്ണം വര്ദ്ധിക്കുന്നു; സ്യൂട്ട്കേസിനുള്ളില് ഒളിച്ചിരുന്ന് അതിര്ത്തി കടക്കാന് ശ്രമിച്ച അഭയാര്ഥികള് പിടിയില്
സ്പെയിനിലെ സ്യൂറ്റയിലൂടെ യൂറോപ്പിലേക്ക് കൂടിയേറാന് ശ്രമിക്കുന്നവരുടെ എണ്ണം ക്രമാതീതമായി വര്ദ്ധിക്കുന്നു. അതിനിടെ സ്യൂട്ട്കേസിനുള്ളില് ഒളിച്ചിരുന്നും കാറിന്റെ സീറ്റിനടിയില് ഒളിച്ചിരുന്നും അതിര്ത്തി കടക്കാന് ശ്രമിച്ച അഭയാര്ഥികളെ അധികൃതര് പിടികൂടി. കാറിന്റെ സീറ്റിനടിയില് ഒളിച്ചിരുന്നു അനധികൃതമായി അതിര്ത്തി കടക്കാന് ശ്രമിച്ച ഗ്വിനിയ സ്വദേശികളായ സ്ത്രീയും പുരുഷനുമാണ് പിടിയിലായത്. ചൊവ്വാഴ്ച കസ്റ്റഡിയില് എടുത്ത ഇവര്ക്ക് പ്രാഥമികശുശ്രൂഷ നല്കി.
കഴിഞ്ഞവര്ഷം ഡിസംബര് 30നാണ് സ്യൂട്ട്കേസിനുള്ളില് ഒളിച്ചിരുന്ന് അതിര്ത്തി കടക്കാന് ശ്രമം നടത്തിയ ഗാബോണ് പൗരന് പിടിയിലായത്. മൊറാക്കോ സ്വദേശിനിയായ 22 വയസുകാരിയുടെ സ്യൂട്ട്കേസിനുള്ളില് ഒളിച്ചിരുന്ന സ്പെയിനിലേക്ക് കടക്കാനായിരുന്നു ഇയാളുടെ ശ്രമം. എന്നാല് കസ്റ്റംസ് പരിശോധനയില് ഇയാള് പിടിലാവുകയായിരുന്നു. സ്യൂട്ട്കേസിനുള്ളില് അവശനിലയില് കണ്ടെത്തിയ ഇയാള്ക്ക് വൈദ്യചികിത്സ നല്കിയിരുന്നു.
സ്വയംഭരണാധികാരമുള്ള സ്യൂറ്റയിലൂടെ ദിവസേന നിരവധി പേരാണ് സ്പെയിനിലേക്ക് കുടിയേറാന് ശ്രമം നടത്തുന്നത്. കഴിഞ്ഞ ഞായറാഴ്ച ആയിരത്തോളം അഭയാര്ഥികള് ചേര്ന്നു നടത്തിയ കുടിയേറ്റ ശ്രമത്തിനിടെ അമ്പതോളം മൊറാക്കോ സുരക്ഷ സൈനികര്ക്കും അഞ്ചു സ്പാനിഷ് അതിര്ത്തി കാവല്ക്കാര്ക്കും പരിക്കേറ്റിരുന്നു. എന്നാല് അഭയാര്ഥികള്ക്ക് ആര്ക്കും അതിര്ത്തി വേലി ഭേദിച്ച് യൂറോപ്പിലേക്ക് കടക്കാന് സാധിച്ചിരുന്നില്ല.
https://www.facebook.com/Malayalivartha
