ഒബാമയുടെ വിടവാങ്ങല് പ്രസംഗം ജനുവരി പത്തിന്, ജനുവരി 20 ന് ഡോണള്ഡ് ട്രംപ് ചുമതലയേല്ക്കും
അമേരിക്കന് പ്രസിഡന്റ് ബരാക് ഒബാമയുടെ വിടവാങ്ങല് പ്രസംഗം ഈ മാസം പത്തിനു നടക്കും. വൈറ്റ് ഹൗസ് വൃത്തങ്ങളാണ് ഇക്കാര്യം അറിയിച്ചത്. ചിക്കാഗോയില് വച്ചായിരിക്കും ഒബാമ പ്രസിഡന്റു പദവിയിലിരുന്ന് തന്റെ രാജ്യത്തെ അവസാനമായി അഭിസംബോധന ചെയ്യുക. ഹാര്വാര്ഡ് സര്വകലാശാലയില് നിന്ന് നിയമ പഠനം പൂര്ത്തിയാക്കിയ ശേഷം ചിക്കാഗോയിലാണ് ഒബാമ തന്റെ രാഷ്ട്രീയ ജീവിതം ആരംഭിക്കുന്നത്.
താന് രാജ്യത്തെ നയിച്ച കാലത്ത് പൂര്ണ പിന്തുണയേകിയ ജനതയ്ക്ക് നന്ദിയറിയിക്കേണ്ടത് തന്റെ കടമയാണെന്ന് ഒബാമ പ്രസ്താവനയില് പറഞ്ഞു. ഇക്കാലയളവില് രാജ്യം നേരിട്ടത് വലിയ വെല്ലുവിളികളായിരുന്നു. അത്തരം വെല്ലുവിളികളെ അതിജീവിക്കാന് എല്ലാ പിന്തുണയും നല്കിയത് അമേരിക്കന് ജനതയാണെന്നും ഒബാമ തന്റെ പ്രസ്താവനയില് ചൂണ്ടിക്കാട്ടി.
ഒബാമ നടപ്പാക്കിയ പദ്ധതികള് പുതിയ പ്രസിഡന്റ് റദ്ദാക്കുമെന്ന് സൂചനകള് വരുന്നതിനിടെയാണ് അദ്ദേഹം രാജ്യത്തെ അഭിസംബോധന ചെയ്യുന്നത്. വിടവാങ്ങല് പ്രസംഗത്തിലും അമേരിക്കയുടെ വളര്ച്ചയും അമേരിക്കന് മൂല്യങ്ങളുമാകും നിറയുകയെന്നാണ് സൂചനകള്. ജനുവരി 20നാണ് രാജ്യത്തിന്റെ പുതിയ പ്രസിഡന്റായി ഡോണള്ഡ് ട്രംപ് ചുമതലയേല്ക്കുന്നത്.
https://www.facebook.com/Malayalivartha
