ലഹരിമരുന്ന് വില്പ്പനക്കെതിരെ പരാതിപ്പെട്ട വിദ്യാര്ഥിക്ക് മര്ദ്ദനം
സ്കൂളിനുസമീപമുളള ലഹരിമരുന്ന് വില്പ്പന അധ്യാപകരെ അറിയിച്ച വിദ്യാര്ഥിക്ക് ക്രൂരമര്ദ്ദനം. എറണാകുളം ഉദയം പേരൂര് എസ് എന് ഡി പി ഹൈസ്കൂളിലെ ഒന്നാം വര്ഷ പ്ലസ് ടു വിദ്യാര്ഥി സുമേഷിനാണ് മര്ദ്ദനമേറ്റത്. സ്കൂളിനുസമീപമുളള പെട്ടിക്കടയില് നിരോധിത പാന് മസാലകള് വില്ക്കുന്നതായി സുമേഷ് അധ്യാപകരെ അറിയിച്ചിരുന്നു. സ്കൂള് അധികൃതരാണ് ഇക്കാര്യം പൊലീസിനെ അറിയിച്ചത്. ഇന്നലെ വൈകുന്നരം വീട്ടിലേക്ക് മടങ്ങുമ്പോഴാണ് സുമേഷിനുനേരെ ആക്രമണമുണ്ടായത്.
ബൈക്കിലെത്തിയ നാലംഗ സംഘം പട്ടിക ഉപയോഗിച്ച് അടിക്കുകയും നെഞ്ചില് ചവിട്ടി വീഴ്ത്തുകയുമായിരുന്നു. ബോധം നഷ്ടപ്പെട്ട വിദ്യാര്ഥിയെ അധ്യാപകരാണ് ആശുപത്രിയില് എത്തിച്ചത്.
സംഭവത്തിന് പിന്നാലെ സ്കൂളിനടുത്തുളള പെട്ടിക്കടയില് പൊലീസ് പരിശോധന നടത്തിയെങ്കിലും ലഹരി മരുന്നുകളൊന്നും കണ്ടത്തിയില്ല. സ്കൂളില് നിന്നുളള ദൂരപരിധി ലംഘിച്ച് പുകയില ഉല്പന്നങ്ങള് വിറ്റതിന് കടയുടമയ്ക്കെതിരെ കേസെടുത്തു.
https://www.facebook.com/Malayalivartha
