ജസ്‌ന തിരോധാനം അന്വേഷണ സംഘത്തലവൻ വിരമിക്കുന്നു. ജസ്നയുടെ തിരോധാനവുമായി ബന്ധപ്പെട്ട അന്വേഷണം എങ്ങും എത്തിയിട്ടില്ല ഇതിനിടയിലാണ് ന്വേഷണ സംഘത്തലവൻ വിരമിക്കുന്നത്. ഇതോടുകൂടി ജസ്‌ന തിരോധാന അന്വേഷണം വഴിമുട്ടുമോ എന്ന ആശങ്കയിലാണ് ബന്ധുക്കളും സുഹൃത്തുക്കളും.

ജസ്‌ന തിരോധാനം എങ്ങും എത്താതിരിക്കുന്ന സാഹചര്യത്തിൽ അന്വേഷണത്തിന്റെ മേൽനോട്ടം വഹിക്കുന്ന തിരുവല്ലം ഡിവൈഎസ്പി ആർ ചന്ദ്രശേഖരൻ പിള്ള വിരമിക്കാൻ ഒരുങ്ങുകയാണ്. ഈ മാസം മുപ്പത്തിയൊന്നിന് അദ്ദേഹം സർവീസിൽ നിന്ന് വിരമിക്കുന്നതോടെ കേസിന്റെ ഗതി എന്താകുമെന്ന ആശങ്കയിലാണ് ബന്ധുക്കൾ.

കഴിഞ്ഞ നാലുമാസമായി ജസ്‌ന കേസ് അന്വേഷിക്കുന്നത് ഇദ്ദേഹമാണ്. കേരളത്തിലങ്ങോളം ഇങ്ങോളമുള്ള അന്വേഷണം ക്രോഡീകരിക്കുന്നതും യഥാസമയം വിവരം ഉന്നത ഉദ്യോഗസ്ഥരെ അറിയിക്കുന്നതും ഇദ്ദേഹമായിരുന്നു. ജസ്‌ന കേസിൽ തുമ്പൊന്നും ഉണ്ടായില്ലെങ്കിലും അന്വേഷണത്തിലെ പുരോഗതി അന്വേഷണ സംഘത്തിനുള്ള കയ്യടിയായി.