മിശ്രവിവാഹം പ്രോത്സാഹിപ്പിക്കാന്‍ ജാതിക്കും മതത്തിനും അതീതമായി വിവാഹം കഴിക്കാന്‍ ആഗ്രഹിക്കുന്ന യുവതീ യുവാക്കള്‍ക്കായി പുതിയ വെബ്‌സൈറ്റ്. ഡി.വൈ.എഫ്.ഐയുടെ സെക്കുലര്‍ മാട്രിമോണിയല്‍ എന്ന വൈബ്‌സൈറ്റ് അടുത്ത മാസം നിലവില്‍ വരും. ഇതിന്റെ അവസാന ഡിസൈന്‍ ജോലി നടക്കുകയാണ്.
രജിസ്റ്റര്‍ ചെയ്യുന്ന വ്യക്തിയുടെ ചിത്രം, പേര്, മേല്‍വിലാസം, വിദ്യാഭ്യാസം, പ്രായം തുടങ്ങിയ വിവരങ്ങള്‍ സൈറ്റില്‍ രേഖപ്പെടുത്തും. ജാതി, മതം എന്നിവയ്ക്ക് കോളങ്ങള്‍ ഉണ്ടാവില്ല. ഏത് രാഷ്ട്രീയത്തിലും മതത്തിലും വിശ്വസിക്കുന്നവര്‍ക്കും പേര് സൗജന്യമായി രജിസ്റ്റര്‍ ചെയ്യാം. രജിസ്റ്റര്‍ ചെയ്യുന്നവര്‍ക്ക് പരസ്പരം പരിചയപ്പെടാന്‍ അവസരമുണ്ടാകും. വിവാഹം സ്വന്തം ഇഷ്ടപ്രകാരം നടത്താം. അതിന് പ്രത്യേക നിര്‍ദേശങ്ങളൊന്നുമില്ല. സൈറ്റില്‍ നല്‍കുന്ന ഫോട്ടോയും മറ്റ് വിവരങ്ങളും ദുരുപയോഗം ചെയ്യാതിരിക്കാനും സംവിധാനം ഉണ്ടാകും.
കഴിഞ്ഞ സംസ്ഥാന സമ്മേളന തീരുമാനപ്രകാരമാണ് ഡി.വൈ.എഫ്.ഐ മാട്രിമോണിയല്‍ സൈറ്റുണ്ടാക്കുന്നത്.
\'സെക്കുലര്‍ മാട്രിമോണിയല്‍ \' സൈറ്റിന് മികച്ച പിന്തുണ ലഭിക്കുന്നതായി ഡി. വൈ. എഫ്. ഐ സംസ്ഥാന പ്രസിഡന്റ് ടി.വി രാജേഷ് എം.എല്‍.എ \'ഒരു സ്വകാര്യ മാധ്യമത്തോട് പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha