ഇത് കണ്ട് പഠിക്കൂ… ചെലവ് ചുരുക്കാന് രാവിലെ ഇഡ്ഡലി-സാമ്പാര്, ഉച്ചയ്ക്ക് ഊണ്, വൈകിട്ട് ചായ, രാത്രി ഉപ്പുമാവും ചമ്മന്തിയും, കുടിക്കാന് ചൂടുവെള്ളം! മന്ത്രിമാരോ?
പി. സദാശിവം കേരള ഗവര്ണറായി ചുമതലയേറ്റപ്പോള് പരക്കെ വിമര്ശനമുണ്ടായി. സുപ്രീം കോടതി ചീഫ് ജസ്റ്റീസ് ആയിരുന്ന വ്യക്തി സംസ്ഥാന ഗവര്ണര് ആയി വരുന്നതിലെ സാങ്കേതികത്വം ചോദ്യം ചെയ്തായിരുന്നു ഉമ്മന് ചാണ്ടി ഉള്പ്പെടെയുള്ള നേതാക്കളുടെ വിമര്ശനം. എന്നാല് ഇതൊന്നുമല്ല എതിര്ത്തിരുന്നതെന്ന് പിന്നീട് വ്യക്തമായി. ചീഫ് ജസ്റ്റീസ് സ്ഥാനത്തിലിരുന്ന കര്ക്കശക്കാരനായ സദാശിവം സര്ക്കാരിന് തലവേദനയാകുമെന്ന പേടിയായിരുന്നു ഇതിന് പിന്നില്.
എന്നാല് ഭരണമേറ്റതോടെ സദാശിവത്തെ പറ്റിയുള്ള നേതാക്കളുടെ കാഴ്ച്ചപ്പാട് തന്നെ മാറി. സദാശിവം ജനകീയനായ ഗവര്ണറാണെന്ന് മന്ത്രി തിരുവഞ്ചൂര് രാധാകൃഷ്ണന് കഴിഞ്ഞ ദിവസം അഭിപ്രായപ്പെട്ടിരുന്നു.
ഫയലുകള് കണ്ണുമടച്ച് ഒപ്പിടുന്ന ആളല്ല സദാശിവം എന്നത് സത്യം. എന്നാല് സംസ്ഥാനത്തിനൊരാപത്തു വന്നപ്പോള് അതിന് എല്ലാവിധ പിന്തുണയും നല്കാനായി സദാശിവം, തന്റെയും രാജ്ഭവന്റേയും ശീലങ്ങളില് മാറ്റം വരുത്തി. ഇതിന്റെ ഭാഗമായി രാജ്ഭവനില് കുപ്പിവെള്ളം നിര്ത്തലാക്കി. മിനറല് വാട്ടറിനു പകരം തിളപ്പിച്ച വെള്ളമാണു ഗവര്ണറും ഭാര്യയും കുടിക്കുന്നത്.
ലളിത ജീവിതം നയിക്കുന്ന ഗവര്ണര്, ഭക്ഷണത്തിലും പണ്ടുമുതലേ മിതത്വമാണ് പാലിക്കുന്നത്. രാവിലെ ഇഡ്ഡലി-സാമ്പാര്, ഉച്ചയ്ക്ക് പച്ചക്കറികളുമായി ഊണ്, വൈകിട്ട് ആരോറൂട്ട് ബിസ്കറ്റും ചായയും, രാത്രി ഉപ്പുമാവും ചമ്മന്തിയും!
ചെലവു ചുരുക്കലിന്റെ ഭാഗമായി യാത്രകള് ഗവര്ണര് തീരെ കുറച്ചു. ഇതുവരെ പോയത് ആകെ കോവളം വരെ മാത്രം. ഔദ്യോഗികമായും സ്വകാര്യമായും എവിടെ പോയാലും ഗവ. ഗസ്റ്റ് ഹൗസുകളിലാണ് താമസം. ആഡംബര ഹോട്ടലുകള് വേണ്ട. ഗവര്ണര്ക്ക് അതിഥികളും വിരുന്നുകളുമില്ല.
തമിഴ്നാട് ഈറോഡിലെ കര്ഷക കുടുംബത്തില് നിന്നു വരുന്ന ഗവര്ണറുടെ ജീവിതം എന്നും അടുക്കും ചിട്ടയുമുള്ളതായിരുന്നു. ജഡ്ജിയായിരിക്കേ ആകെ ഒരു ദിവസം മാത്രമേ കാഷ്വല് അവധിയെടുത്തിട്ടുള്ളൂ. ഗവര്ണറായി ചുമതലയേറ്റ ശേഷം തന്നെ യുവര് എക്സലന്സി എന്നു വിളിക്കേണ്ടെന്നു നിര്ദ്ദേശിക്കുകയും ഓണറബിള് (ബഹുമാന്യ) ഗവര്ണര് എന്നാക്കുകയും ചെയ്തു.
പുതിയ ഗവര്ണറുടെ നടപടികളിലൂടെ രാജ്ഭവന്റെ ചെലവുകളില് 30% വരെ കുറവു വരുമെന്നാണു കണക്കാക്കുന്നത്.
ഷീല ദീക്ഷിത് ഉള്പ്പെടെയുള്ള അനേകം ഗവര്ണര്മാരുടെ ധാരാളിത്തം കണ്ടു പരിചയിച്ച രാജ്ഭവന് സദാശിവം വിസ്മയമാവുകയാണ്. ഒപ്പം കേരളത്തിനും. ഈ മാതൃക മന്ത്രിമാരും കൂടി പിന്തുടര്ന്നെങ്കില്…
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
