വാഹനം ദുരുപയോഗത്തിന് കൊല്ലം ആര്.ഡി.ഒക്കെതിരെ നടപടി
ഔദ്യോഗിക വാഹനം ദുരുപയോഗം ചെയ്തതിന് കൊല്ലം ആര്.ഡി.ഒയുടെ കാര് സെക്രട്ടറിയേറ്റ് ധനകാര്യവകുപ്പ് പരിശോധനാ വിഭാഗം പിടികൂടി. ആര്.ഡി.ഒ സജീവിന്റെ ഓടനാവട്ടത്തെ വീട്ടില് നിന്നാണ് ഔദ്യോഗിക കാര് കണ്ടെത്തിയത്. സര്ക്കാരിന്റെ ചെലവ് ചുരുക്കലിന്റെ ഭാഗാമായി സംസ്ഥാനത്തുടനീളം പരിശോധന ശക്തമാക്കിയിരുന്നു.
കൊല്ലം കളക്ടറേറ്റില് നിന്ന് ദിവസേന ഓടനാവട്ടത്തെ വീട്ടിലേക്ക് ആര്.ഡി.ഒ ഔദ്യോഗിക വാഹനത്തില് യാത്രചെയ്യുന്നതായി തെളിവുസഹിതം ധനകാര്യവകുപ്പിന് ലഭിച്ച പരാതിയെത്തുടര്ന്നാണ് അന്വേഷണം നടത്തിയത്.
വില്ലേജ് ഓഫീസ് സന്ദര്ശനത്തിനാണ് വാഹനം ഓടനാവട്ടത്തെത്തിയതെന്ന് ആര്.ഡി.ഒ അറിയിച്ചെങ്കിലും ഇക്കാര്യം ലോഗ് ബുക്കില് രേഖപ്പെടുത്തിയിരുന്നില്ല. ലോഗ് ബുക്കില് രേഖപ്പെടുത്തിയിരുന്ന വില്ലേജ് ഓഫീസ് സന്ദര്ശനങ്ങളും താലൂക്ക് ഓഫീസ് പരിശോധനകളും വ്യാജമായിരുന്നുവെന്നും പരിശോധനയില് കണ്ടെത്തി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
