ഡീസലിന്റെ വില നിയന്ത്രണം കേന്ദ്ര സര്‍ക്കാര്‍ നീക്കി. ഇന്ന് ചേര്‍ന്ന കേന്ദ്രമന്ത്രി സഭായോഗത്തിന്റേതാണ് തീരുമാനം. ഇനി എണ്ണ കമ്പനികള്‍ക്ക് ഡീസലിന്റെ വില നിശ്ചയിക്കാം. ഇതോടെ ഡീസല്‍ ലീറ്ററിന് മൂന്ന് രൂപ വരെ കുറയും. പുതുക്കിയ നിരക്കുകള്‍ ഇന്ന് അര്‍ധരാത്രി മുതല്‍ നിലവില്‍ വരും. 
എണ്ണക്കമ്പനികളുടെ ദീര്‍ഘകാലമായുള്ള ആവശ്യമായിരുന്നു ഡീസലിന്റെ വിലനിയന്ത്രണം നീക്കണം എന്നുള്ളത്. രാജ്യാന്തര വിപണിയിലെ വിലപ്രകാരം ഡീസലിന്റെ വിലയിലും ഇനി മാറ്റം ഉണ്ടാകും. നേരത്തേ തന്നെ പെട്രോളിനുള്ള വിലനിയന്ത്രണം സര്‍ക്കാര്‍ നീക്കിയിരുന്നു. എന്നാല്‍ ഡീസലിന്റെ വില നിശ്ചയിക്കാനുള്ള അധികാരം കേന്ദ്രം നീക്കിയിരുന്നില്ല. 
വിലനിയന്ത്രണം നീക്കുന്നതിന്റെ ഭാഗമായി ഡീസലിന്റെ വിലയില്‍ സര്‍ക്കാര്‍ എല്ലാമാസവും 50 പൈസ വീതം വര്‍ധിപ്പിച്ചിരുന്നു. വിലനിയന്ത്രണം നീക്കിയതോടെ ഡല്‍ഹിയില്‍ ഡീസലിന്റെ വില മൂന്ന് രൂപ 37 പൈസയുടെ വരെ കുറവുണ്ടാകുമെന്ന് ധനമന്ത്രി അരുണ്‍ ജറ്റ്‌ലി പറഞ്ഞു. കേരളത്തിലും മൂന്നു രൂപയോളം ഡീസലിന് വില കുറയും. അങ്ങനെയങ്കില്‍ നാലു വര്‍ഷത്തിന് ശേഷമാകും ഡീസലിന്റെ വില രാജ്യത്ത് കുറയുക. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha