ലോക്സഭാ തെരഞ്ഞെടുപ്പിനുള്ള സ്ഥാനാര്‍ത്ഥികളുടെ സാധ്യത പട്ടിക തയാറാക്കാനായി കോൺഗ്രസ് നേതാക്കൾ ഇന്ന് ചർച്ച നടത്തും. മുല്ലപ്പള്ളി രാമചന്ദ്രൻ, രമേശ് ചെന്നിത്തല, ഉമ്മൻചാണ്ടി എന്നിവരാണ് ചര്‍ച്ച നടത്തുന്നത്. കെ.​പി.​സി.​സി ആ​സ്​​ഥാ​ന​ത്ത്​ യോ​ഗം ചേ​ർ​ന്ന്​ സി​റ്റി​ങ്​​ മ​ണ്ഡ​ല​ങ്ങ​ൾ ഒ​ഴി​കെ​യു​ള്ളി​ട​ത്തേ​ക്ക്​ പ​ട്ടി​ക ത​യാ​റാ​ക്കും. തുടർന്ന് ഹൈക്കമാന്‍റുമായുള്ള ചര്‍ച്ചകള്‍ക്കായി നേതാക്കള്‍ നാളെ ഡൽഹിയിൽ പോകും.

ജില്ലാ കോണ്‍ഗ്രസ് കമ്മറ്റികള്‍ നല്‍കിയ പട്ടികയും നേതാക്കളുടെ പരിഗണനയിലുള്ള പേരുകളും ചേര്‍ത്താണ് സാധ്യത പട്ടിക തയാറാക്കുന്നത്. എറണാകുളം ഒഴികെയുള്ള സിറ്റിങ് എം പിമാരുടെ മണ്ഡലത്തില്‍ മറ്റ് പേരുകള്‍ നിർദേശിക്കില്ല. എറണാകുളത്ത് സിറ്റിങ് എം എല്‍ എ ഹൈബി ഈഡനേയും പരിഗണിക്കുന്നുണ്ട്. സിറ്റിങ് എംപിമാരില്ലാത്ത മണ്ഡലങ്ങളില്‍ മൂന്നുപേരുടെ പേരുകള്‍ വച്ചാകും സാധ്യത പട്ടിക തയാറാക്കുക.

അ​ടു​ത്ത​യാ​​ഴ്​​ച ആ​ദ്യം ചേ​രു​ന്ന കോ​ൺ​ഗ്ര​സ്​ സ്​​ക്രീ​നി​ങ്​ ക​മ്മി​റ്റി പ​ട്ടി​ക പ​രി​ശോ​ധി​ച്ച്​ സ്​​ഥാ​നാ​ർ​ഥി​ക​ളെ പ്ര​ഖ്യാ​പി​ക്കും.

മാ​ർ​ത്തോ​മ്മ സ​ഭ​യു​ടെ​യും എ​ൻ.​എ​സ്.​എ​സി​​െൻറ​യും താ​ൽ​പ​ര്യം പ​രി​ഗ​ണി​ച്ചാ​ൽ മു​ൻ രാ​ജ്യ​സ​ഭ ​െഡ​പ്യൂ​ട്ടി ചെ​യ​ർ​മാ​ൻ പി.​ജെ. കു​ര്യ​ൻ സ്​​ഥാ​നാ​ർ​ഥി​യാ​യേ​ക്കും. എ​ന്നാ​ൽ, തെ​ര​ഞ്ഞെ​ടു​പ്പ്​ സ​മി​തി​യു​ടെ സാ​ധ്യ​ത പ​ട്ടി​ക​യി​ൽ പ​ത്ത​നം​തി​ട്ട ഉ​ൾ​പ്പെ​ടു​ത്തി​ല്ല. ഹൈ​ക​മാ​ൻ​ഡ്​​ തീരുമാനിക്കട്ടെയെന്നും നി​ല​പാ​ട്. എം.​െ​എ. ഷാ​നാ​വാ​സി​​െൻറ മ​ര​ണ​ത്തെ തു​ട​ർ​ന്ന്​ ഒ​ഴി​വു​വ​ന്ന വ​യ​നാ​ട്​ സീ​റ്റി​ലേ​ക്കും പ​ട്ടി​ക വേ​ണ്ട​തി​ല്ലെ​ന്ന നി​ർ​ദേ​ശം ഹൈ​ക​മാ​ൻ​ഡ്​​​ ന​ൽ​കി​യ​താ​യി അ​റി​യു​ന്നു. ഇ​വി​ടെ എം.​എം. ഹ​സ​ൻ, ​കെ.​പി.​സി.​സി സെ​ക്ര​ട്ട​റി കെ.​പി. അ​ബ്​​ദു​ൽ മ​ജീ​ദ്​ എ​ന്നി​വ​രു​ടെ പേ​ര്​ കെ.​പി.​സി.​സി​യു​ടെ പ​രി​ഗ​ണ​ന​യി​ലു​ണ്ട്.

എഎംഎല്‍എമാരായ കെ മുരളീധരനേയും അടൂര്‍ പ്രകാശിനേയും വയനാട് ആറ്റിങ്ങല്‍ മണ്ഡലങ്ങളിലേക്ക് പരിഗണിക്കുന്നുണ്ട്. ഇവര്‍ മത്സരിക്കണോ വേണ്ടയോ എന്നതില്‍ അന്തിമ തീരുമാനം ഹൈക്കമാണ്ടിന്‍റിറ്റേതായിരിക്കും. സംഘടനാ ചുമതലയുള്ള കെ സി വേണുഗോപാല്‍, കെ പി സി സി അധ്യക്ഷൻ മുല്ലപ്പള്ളി രാമചന്ദ്രൻ, എ ഐ സി സി ജനറൽ സെക്രട്ടറി കൂടിയായ ഉമ്മൻചാണ്ടി എന്നിവരോട് മത്സരിക്കാൻ ദേശീയ നേതൃത്വം ആവശ്യപ്പെടുമോയെന്നതാണ് ഇനി അറിയേണ്ടത്.

ഡിസിസി അധ്യക്ഷൻ ടി എൻ പ്രതാപൻറെ പേര് തൃശൂരിലും യുഡിഎഫ് കൺവീന‍ർ ബെന്നി ബഹനാൻറെ പേര് ചാലക്കുടിയിലും പരിഗണിക്കുന്നുണ്ട്. വി എം സുധീരൻ , പി സി ചാക്കോ എന്നിവരും നേതൃത്വത്തിന്‍റെ പരിഗണനയിലുണ്ട്. ആലത്തൂര്‍ , വയനാട് മണ്ഡലങ്ങളിലെ പട്ടികയിലാണ് വനിതാ പ്രാതിനിധ്യം ഉള്ളത്.

ഞായറാഴ്ചയോടെ ദില്ലിയിലെത്തുന്ന നേതാക്കൾ പട്ടിക ഹൈക്കമാണ്ടിന് കൈമാറും. തിങ്കളാഴ്ച ആണ് സ്ക്രീനിങ് കമ്മറ്റി യോഗം. കെ സി വേണുഗോപാൽ , മുകുൾ വാസ്നിക് , മുല്ലപ്പള്ളി രാമചന്ദ്രൻ , രമേശ് ചെന്നിത്തല എന്നിവരാണ് സ്ക്രീനിങ് കമ്മറ്റി അംഗങ്ങള്‍. എഐസിസി ജനറൽ സെക്രട്ടറി ഉമ്മൻചാണ്ടി ക്ഷണിതാവുമാണ്. സ്ക്രീനിങ് കമ്മറ്റിക്ക് ശേഷം വൈകാതെ സ്ഥാനാര്‍ത്ഥി പ്രഖ്യാപനം ഉണ്ടാകും.

ഇടതുപക്ഷമുന്നണിയുടെ സ്ഥാനാര്‍ത്ഥി ഇന്ന് ലിസ്റ്റ് പ്രഖ്യാപിക്കാനിരിക്കേയാണ് യുഡിഎഫില്‍ സ്ഥാനാര്‍ത്ഥി സാധ്യതാ പട്ടിക നിര്‍‌ണ്ണയ ചര്‍ച്ചകള്‍‌ നടത്തുന്നത്. പി കരുണാകരനൊഴികെയുള്ള എല്ലാ സിറ്റിങ്ങ് എം പിമാരെയും സിപിഎം വിണ്ടും മത്സരരംഗത്തിറക്കുന്നുണ്ട്. ഇടത് മുന്നണിയില്‍ സിപിഐയും സിപിഎമ്മും മറ്റ് ഘടകകക്ഷികള്‍ക്ക് സീറ്റുകള്‍ വിട്ടു നല്‍കാതെ നടത്തിയ സീറ്റ് വിഭജനം യുഡിഎഫിലും പ്രതിഫലിക്കുമോയെന്നാണ് പ്രവര്‍ത്തകര്‍ ഉറ്റുനോക്കുന്നത്.