മോദിയുടെ വിളികേട്ട് പറന്ന് വന്ന കുമ്മനത്തെ ആഘോഷമാക്കി ഏറ്റെടുത്തിരിക്കുകയാണ് കേരളവും സോഷ്യല്‍മീഡിയയും. കുമ്മനം രാജശേഖരന്‍ സ്ഥാനാര്‍ഥിയായി തിരിച്ചുവരുന്നത് ആഘോഷമാക്കുകയാണ് സോഷ്യല്‍ മീഡിയ. കുമ്മനത്തിന്റെ മടങ്ങിവരവ് ട്രോളന്‍മാര്‍ മുന്‍കൂട്ടി അറിഞ്ഞിരുന്നോ എന്ന് തോന്നും ആഘോഷം കണ്ടാല്‍. ഏതായാലും സ്ഥാനാര്‍ഥിയാകാനെത്തുന്ന കുമ്മനത്തിന് രാജകീയ സ്വീകരണമാണ് സോഷ്യല്‍മീഡിയ നല്‍കുന്നത്.

രാജി വാര്‍ത്ത ട്വിറ്ററില്‍ വലിയ ട്രെന്‍ഡിംഗ് ആയി മാറി. കുമ്മനത്തിന്റെ എതിരാളിയായ ശശി തരൂര്‍ പക്ഷേ വനിതാദിനത്തില്‍ ഒരു വാഗ്ദാനമാണ് നല്‍കിയത്. തിരുവനന്തപുരത്തു നിന്ന് മത്സരിക്കാതെ മാറി നില്‍ക്കാം. പക്ഷേ, മണ്ഡലം വനിതകള്‍ക്കായി സംവരണം ചെയ്യണം. ഏന്തായാലും അതൊന്നും മോദി ശക്തിപ്രഭാവത്തിന് മുന്നില്‍ വില പോകില്ലെന്നാണ് പൊതുവിലുളള സംസാരം. 

ശബരിമല തന്നെയാണ് മുന്നിലുള്ളത്. തിങ്കളാഴ്ച്ച എത്തുന്നതോടെ ആവേശം ഇരട്ടായികും. സ്ഥാനാര്‍ഥിയായി പ്രഖ്യാപിക്കും മുമ്പെ കുമ്മനത്തിനുവേണ്ടി തിരുവനന്തപുരത്ത് ചുവരെഴുത്ത് തുടങ്ങി. തിരുവനന്തപുരത്തെത്തുന്ന കുമ്മനത്തിനു വന്‍ സ്വീകരണ പരിപാടിയാണ് ബിജെപി നേതൃത്വം തിരുവനന്തപുരത്ത് ഒരുക്കുന്നത്. ശശിതരൂരും, സി.ദിവാകരനും പ്രചാരണം ആരംഭിച്ചുകഴിഞ്ഞ മണ്ഢലത്തില്‍ കുമ്മനം കൂടി എത്തുന്നതോടെ സംസ്ഥാനത്ത് തെരഞ്ഞെടുപ്പ് പ്രചാരണത്തിലേക്ക് ആദ്യം കടന്ന മണ്ഢലമാകും തിരുവനന്തപുരം. ആര്‍.എസ്.എസ് ആയിരിക്കും കുമ്മനത്തിന്റെ തെരഞ്ഞെടുപ്പ് പ്രചാരണങ്ങള്‍ക്ക് ചുക്കാന്‍ പിടിക്കുക. ഒപ്പം നില്‍ക്കണമെന്നു സംസ്ഥാന നേതൃത്വത്തിനു ഇതു സംബന്ധിച്ചുള്ള നിര്‍ദേശം ദേശീയ നേതൃത്വം നല്‍കി കഴിഞ്ഞു. നേരത്തെ തന്നെ മണ്ഢലം കേന്ദ്രീകരിച്ച് പ്രവര്‍ത്തിക്കേണ്ടവരെ ആര്‍.എസ്.എസ് നിയോഗിച്ചു കഴിഞ്ഞു. തലസ്ഥാനത്തെത്തുന്നതിനു മുമ്പു തന്നെ വിവിധ സാമുദായിക നേതാക്കന്മാരുമായി കുമ്മനം ആശയവിനിയമയവും നടത്തി. മിസോറാം ഗവര്‍ണര്‍ സ്ഥാനം രാജിവെച്ച് തിരുവനന്തുരത്തേക്ക് വണ്ടികയറി കുമ്മനം രാജശേഖരന്‍ എത്തുന്നതോടെ സംസ്ഥാനത്ത് ബി.ജെ.പിയ്ക്ക് പുത്തന്‍ ഉണര്‍വ്. ഏറെ വിജയസാധ്യത കല്‍പ്പിക്കുന്ന തിരുവനന്തപുരത്ത് കുമ്മനത്തിന്റെ വിജയത്തിനായി പ്രധാനമന്ത്രി നരേന്ദ്രമോദി മുതല്‍ ബി.ജെ.പിയുടെ മുന്‍നിര നേതാക്കള്‍ വരെ എത്തും.