കോണ്ഗ്രസ് പട്ടികയില് വന്മരങ്ങള് വരുന്നു; കോണ്ഗ്രസ് പട്ടികയില് വന്മരങ്ങള് വരുന്നു; അപ്രതീക്ഷിത മാറ്റങ്ങളുമായി അന്തിമരൂപം വരുമ്പോള് ഇനിയെന്ത് എന്നുള്ളത് പ്രധാനം കോണ്ഗ്രസിന്റെ പ്രാഥമിക സ്ഥാനാര്ഥി പട്ടികയ്ക്ക് ഇന്ന് രൂപമാകും
കോണ്ഗ്രസ് പട്ടികയില് വന്മരങ്ങള് വരുന്നു. അപ്രതീക്ഷിത മാറ്റങ്ങളുമായി അന്തിമരൂപം വരുമ്പോള് ഇനിയെന്ത് എന്നുള്ളതാണ് പ്രധാനം. കോണ്ഗ്രസിന്റെ പ്രാഥമിക സ്ഥാനാര്ഥി പട്ടികയ്ക്ക് ഇന്ന് രൂപമാകും. കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രനും പ്രതിപക്ഷനേതാവ് രമേശ് ചെന്നിത്തലയും ഉമ്മന്ചാണ്ടിയും രാവിലെ ഇന്ദിരഭവനില് ഒന്നിച്ചിരുന്ന് പട്ടിക തയാറാക്കും. ഉമ്മന്ചാണ്ടിയടക്കമുള്ള മുതിര്ന്ന നേതാക്കള് പട്ടികയില് ഇടം പിടിക്കുമോയെന്നതാണ് നിര്ണായകം.
അഞ്ച് സിറ്റിങ് എം.എല്.എമാരെ എല്.ഡി.എഫ് രംഗത്തിറക്കിയ സാഹചര്യത്തില് എല്ലാ ഘടകങ്ങളും പരിശോധിച്ചശേഷമായിരിക്കും കോണ്ഗ്രസ്, സ്ഥാനാര്ഥികളെ നിശ്ചയിക്കുക. വിജയസാധ്യത മാത്രമാണ് മാനദണ്ഡം. സിറ്റിങ് സീറ്റുകളില് നിലവിലുള്ളവരെ മല്സരിപ്പിക്കാനാണ് ഹൈക്കമാന്ഡ് തീരുമാനിച്ചതെങ്കിലും ചിലയിടങ്ങളില് മാറ്റം വന്നേക്കും. മുല്ലപ്പള്ളി ജയിച്ച വടകര, കെ.സി വേണുഗോപാലിന്റ ആലപ്പുഴ, കെ.വി തോമസിന്റ എറണാകുളം, എം.െഎ ഷാനവാസ് പ്രതിനിധീകരിച്ച വയനാട് എന്നിവിടങ്ങളില് ഹൈക്കമാന്ഡിന്റേതാകും അന്തിമവാക്ക്.
മുല്ലപ്പള്ളി മല്സരിക്കാനില്ലെന്ന് നേരത്തെ പ്രഖ്യാപിച്ചിരുന്നു. കെ.സി വേണുഗോപാലിനും മല്സരിക്കാന് താല്പര്യമില്ലെന്നാണ് സൂചന. പ്രാദേശിക എതിര്പ്പാണ് കെ.വി തോമസിന് വിനയാകുന്നത്. ഒട്ടേറെ പേരുകള് ഉയര്ന്ന വയനാട്ടില് കെ.മുരളീധരന് എം.എല്.എയുടെ പേരാണ് കെ.പി.സി.സിയുടെ മനസിലെങ്കിലും അനുമതി നല്കേണ്ടത് ഹൈക്കമാന്ഡാണ്. ഉമ്മന്ചാണ്ടിയും കെ സുധാകരനും മല്സരിക്കാന് സന്നദ്ധരാകുമോയെന്നറിയാനും രണ്ടുദിവസം കൂടി കാത്തിരിക്കണം. സ്ഥാനാര്ഥി നിര്ണയത്തിലെ പിഴവ് കൊണ്ടുമാത്രം കഴിഞ്ഞതവണ നഷ്ടപ്പെട്ട തൃശൂരും ചാലക്കുടിയും ടി.എന്പ്രതാപന്റേയും ബെന്നി ബഹനാന്റേയും പേരുകള്ക്കാണ് മുന്ഗണന. സാധ്യതപട്ടികയുമായി നേതാക്കള് ഞായറാഴ്ച ഡല്ഹിക്ക് പോകും. തിങ്കളാഴ്ച ഡല്ഹിയില് ചേരുന്ന സ്ക്രീനിങ് കമ്മിറ്റിയുെട പരിശോധനയ്ക്കുശേഷമായിരിക്കും അന്തിമപട്ടിക പ്രഖ്യാപിക്കുക.
https://www.facebook.com/Malayalivartha
