പ്രതീക്ഷിച്ച തിരിച്ചടി... മഞ്ജുവാര്യര് ക്രൈംബ്രാഞ്ചിന് മൊഴി നല്കി; ആരോപണങ്ങളെ സാധൂകരിക്കുന്ന ഭീഷണി സന്ദേശങ്ങളുടെ സ്ക്രീന് ഷോട്ടുകളടക്കമുള്ള തെളിവുകള് കൈമാറി; സോഷ്യല് മീഡിയയിലൂടെ ശ്രീകുമാര് മേനോന് നിരന്തരം പിന്തുടരുന്ന തെളിവുളും നല്കി
സംവിധായകന് ശ്രീകുമാര് മേനോനെതിരായ പരാതിയില് ഉറച്ച് നിന്ന് പ്രശസ്ത താരം മഞ്ജുവാര്യര്. സിമ്പതി പിടിച്ചുപറ്റുന്നതും മഞ്ജുവിനെ കുറ്റപ്പെടുത്തുന്നതുമായ ഫേസ്ബുക്ക് പോസ്റ്റ് കണ്ട് മഞ്ജുവാര്യര് പിന്മാറുമെന്ന് കരുതിയെങ്കില് തെറ്റി. ശക്തമായ തെളിവുകളുള്പ്പെടെയാണ് മഞ്ജുവാര്യര് ക്രൈംബ്രാഞ്ചിന് മൊഴി നല്കിയത്. പരാതിയിലെ ആരോപണങ്ങളെ സാധൂകരിക്കുന്ന ഭീഷണി സന്ദേശങ്ങളുടെ മൊബൈല് സ്ക്രീന് ഷോട്ടുകളടക്കമുള്ള തെളിവുകള് മഞ്ജു കൈമാറി. ഓണ്ലൈന് മാദ്ധ്യമത്തില് തന്നെക്കുറിച്ച് വ്യാജ വാര്ത്തകള് വരുന്നതിന് മുന്പ് ആ വാര്ത്തയിലെ ചില പരാമര്ശങ്ങളപ്പറ്റി ശ്രീകുമാര് മേനോന് അയച്ച സന്ദേശങ്ങളും മഞ്ജു നല്കി. സോഷ്യല് മീഡിയയിലൂടെ തന്നെ ശ്രീകുമാര് മേനോന് നിരന്തരം പിന്തുടരുന്നതായും മഞ്ജു പറഞ്ഞു.
ശീകുമാര് മേനോന് അപകടത്തില്പ്പെടുത്തുമെന്ന് ഭയപ്പെടുന്നു, താന് ഒപ്പിട്ടു നല്കിയ ലെറ്റര് ഹെഡും രേഖകളും ദുരുപയോഗിക്കുന്നു, ഒടിയന് സിനിമയ്ക്കു പിന്നാലെയുണ്ടായ സൈബര് ആക്രമണത്തിന് പിന്നില് ശ്രീകുമാര് തുടങ്ങിയ പരാതികളാണ് മഞ്ജു നല്കിയത്. സ്ത്രീത്വത്തെ അപമാനിക്കും വിധം അംഗവിക്ഷേപം, ഗൂഢ ഉദ്ദേശ്യത്തോടെ സ്ത്രീയെ പിന്തുടര്ന്നു, സാമൂഹിക മാദ്ധ്യമങ്ങളിലൂടെ അപവാദപ്രചാരണം നടത്തി എന്നീ മൂന്ന് വകുപ്പുകള് പ്രകാരമാണ് കേസെടുത്ത്.
ഞായറാഴ്ച ഉച്ചയോടെ മഞ്ജുവിന്റെ പുള്ളിലെ വീടായ മാധവത്തില് പൊലീസ് എത്തി മൊഴിയെടുത്ത ശേഷമാണ്, മഞ്ജു തൃശൂരില് ക്രൈംബ്രാഞ്ച് ആസ്ഥാനത്തെത്തി കൂടുതല് തെളിവുകള് കൈമാറിയത്. പരാതിയില് പറഞ്ഞ കാര്യങ്ങളെല്ലാം മൊഴിയില് മഞ്ജു ആവര്ത്തിച്ചു. ഒരു മണിക്കൂറോളമെടുത്താണ് മൊഴിയെടുപ്പ് പൂര്ത്തിയാക്കിയത്. അടുത്ത ദിവസം ശ്രീകുമാര് മേനോനോട് ഹാജരാവാന് ആവശ്യപ്പെട്ടിട്ടുണ്ട്. 2017 മുതല് കരിയറിനെയും സ്ത്രീത്വത്തെയും നിരന്തരം അപമാനിക്കുന്ന തരത്തില് ശ്രീകുമാര് മേനോന് പെരുമാറുന്നതായി പരാതിയില് പറഞ്ഞിരുന്നു.ശ്രീകുമാര് മേനോന്റെ പേരിലുള്ള പുഷ് കമ്പനിയുമായി 2013ല് മഞ്ജു കരാറുണ്ടാക്കി പരസ്യ ചിത്രത്തില് അഭിനയിച്ചിരുന്നു. മഞ്ജുവാര്യര് ഫൗണ്ടേഷന്റെയും ചാരിറ്റി പ്രവര്ത്തനത്തിന്റെയും മേല്നോട്ടവും ഈ കമ്പനിയാണ് നോക്കിയിരുന്നത്. 2017ല് കരാര് റദ്ദാക്കിയതിന്റെ വിദ്വേഷത്തില് ശ്രീകുമാര് മേനോന് ഭീഷണിപ്പെടുത്തിയിരുന്നതായും മഞ്ജു പറയുന്നു. സ്ത്രീത്വത്തെ അപമാനിക്കുന്ന രീതിയിലായിരുന്നു ശ്രീകുമാര് മേനോന്റെ പല പ്രവര്ത്തനങ്ങളെന്നും മഞ്ജുവിന്റെ മൊഴിയിലുണ്ട്.
കഴിഞ്ഞയാഴ്ചയാണ് ഡി.ജി.പിക്ക് മഞ്ജു നേരിട്ടെത്തി പരാതി നല്കിയത്. പരാതി ഈസ്റ്റ് പൊലീസിന് കൈമാറുകയായിരുന്നു. ഗുരുതര കുറ്റങ്ങളാണ് പരാതിയിലുള്ളതെന്നതിനാല് പ്രത്യേക അന്വേഷണമെന്ന നിലയില് ജില്ലാ ക്രൈം ബ്രാഞ്ചിന് വിട്ടു. അസി. കമ്മിഷണര് സി.ഡി. ശ്രീനിവാസനാണ് കേസ് അന്വേഷിക്കുന്നത്.
മഞ്ജു വാര്യരുടെ പരാതിയില് ശ്രീകുമാര് മേനോനെതിരെ ബുധനാഴ്ചയാണ് തൃശ്ശൂര് ഈസ്റ്റ് പൊലീസ് കേസെടുത്തത്. അന്വേഷണത്തിന്റെ ആദ്യ പടിയായിട്ടാണ് മഞ്ചു വാര്യരുടെ മൊഴി രേഖപ്പെടുത്തിയത്. ഈ മൊഴിയുടൈ അടിസ്ഥാനത്തിലായിരിക്കും കേസിലെ തുടര്നടപടി. ഒരാഴ്ചക്ക് അകം ശ്രീകുമാര് മേനോനെ ചോദ്യം ചെയ്യാന് വിളിപ്പിക്കുമെന്നാണ് സൂചന. കഴിഞ്ഞ ദിവസം ഫേസ് ബുക്കില് മഞ്ജു വാര്യര്ക്കെതിരെ മോശമായ പരാമര്ശം ശ്രീകുമാര് മേനോന് നടത്തിയിരുന്നു.
നേരത്തേ ശ്രീകുമാര് മേനോനെതിരെ വ്യാജ തെളിവുണ്ടാക്കി യു ട്യൂബില് അപകീര്ത്തികരമായ വീഡിയോ പോസ്റ്റ് ചെയ്തെന്ന പരാതിയില് തൃശൂര് വെസ്റ്റ് പൊലീസ് കേസെടുത്തിരുന്നു. കല്യാണ് ജുവലേഴ്സിന്റെ തൃശൂര് പൂങ്കുന്നം ഓഫീസിലെ ജനറല് മാനേജര് കെ.ടി. ഷൈജുവായിരുന്നു പരാതിക്കാരന്. തെഹല്ക മുന് മാനേജിംഗ് എഡിറ്ററും എറണാകുളം പൊന്നുരുന്നി സ്വദേശിയുമായ മാത്യു സാമുവലിനെതിരെയും യു ട്യൂബ് ചാനലായ പിക്സ് 24 X 7 ന് എതിരെയും കേസെടുത്തിരുന്നു. കല്യാണ് ഗ്രൂപ്പിന്റെ പരസ്യചിത്രങ്ങളുടെ സംവിധായകനായിരുന്നു ശ്രീകുമാര് മേനോന്. ഇടക്കാലത്ത് കല്യാണ് പരസ്യകരാര് അവസാനിപ്പിച്ചിരുന്നു. എല്ലാത്തിനും അവസാനമാണ് മഞ്ജുവിന്റെ പരാതി വരുന്നത്.
https://www.facebook.com/Malayalivartha
