പൗരത്വ ഭേദഗതി നിയമത്തില്‍ നിലപാടാവര്‍ത്തിച്ച് നടന്‍ മാമുക്കോയ. ഫാസിസ്റ്റുകള്‍ക്ക് മുന്നില്‍ അഡ്ജസ്റ്റ്‌മെന്റ് ജീവിതത്തിന് തയ്യാറല്ലെന്നും ജീവനെ ഭയക്കുന്നവരാണ് ഫാസ്റ്റിസ്റ്റുകള്‍ക്കൊപ്പം നില്‍ക്കുക എന്നും മാമുക്കോയ അഭിപ്രായപ്പെട്ടു.മുസ്‌ലിം യൂത്ത് ലീഗ് സംസ്ഥാനകമ്മിറ്റി കോഴിക്കോട് സംഘടിപ്പിച്ച ഷാഹീന്‍ ബാഗ് സ്‌ക്വയറിൽ സംസാരിക്കുകയായിരുന്നു അദ്ദേഹം. ജീവനെ ഭയക്കുന്നവരാണ് ഫാസിസ്റ്റുകള്‍ക്കൊപ്പം നില്‍ക്കുന്നത്. എതിര്‍പ്പു രേഖപ്പെടുത്തുന്നവരെ അവര്‍ കൊല്ലുകയാണ്. ഇത്തരത്തില്‍ എഴുത്തുകാരെയും കലാകാരന്‍മാരെയും അവര്‍ ഭീഷണിപ്പെടുത്തുന്നു. എനിക്കും ഭീഷണിയുണ്ട്. എന്നാല്‍ മുട്ടുമടക്കാന്‍ തീരുമാനിച്ചിട്ടില്ല,’ മാമുക്കോയ പറഞ്ഞു.

നേരത്തെയും പൗരത്വ ഭേദഗതി നിയമത്തിനെതിരെ മാമുക്കോയ രൂക്ഷമായി പ്രതികരിച്ചിരുന്നു. പേപ്പട്ടി കടിക്കാന്‍ വന്നാല്‍ എന്തു ചെയ്യണം എന്ന് ആരും യോഗം വിളിച്ച് തീരുമാനിക്കാറില്ല എന്താണോ വേണ്ടതെന്ന് അത് തന്നെ മനുഷ്യമ്മാര്‍ ചെയ്യുമെന്ന് നേരത്തെ മാമുക്കോയ പറഞ്ഞിരുന്നു.
20 കോടി മനുഷ്യരെ നിങ്ങള്‍ക്ക് ഒരു ചുക്കും ചെയ്യാന്‍ കഴിയില്ലെന്നും മാമുക്കോയ കൂട്ടിച്ചേര്‍ത്തു. പൗരത്വ ഭേദഗതി നിയമത്തിനെതിരെ സംസ്‌കാര സാഹിതി സംസ്ഥാന കമ്മിറ്റിയുടെ നേതൃത്വത്തില്‍ കോഴിക്കോട് മാനാഞ്ചിറയ്ക്ക് സമീപം സംഘടിപ്പിച്ച പ്രതിഷേധത്തിലായിരുന്നു മാമുക്കോയയുടെ പരാമര്‍ശം.
പൗരത്വ നിയമത്തിനെതിരെ നിലപാട് സ്വീകരിച്ച സെലിബ്രിറ്റികളെ സംഘപരിവാർ സംഘടനകൾ വേട്ടയാടുന്നത്
ആദ്യമായല്ല.എങ്കിലും പതറാതെ തങ്ങളുടെ നിലപാടുമായി മുന്നോട്ടു പോകുകയാണ് താരങ്ങൾ. അതെ സാഹചര്യത്തിലാണ് പൗരത്വ നിയമത്തിനെതിരെ മുസ്‌ലിം യൂത്ത് ലീഗ് സംസ്ഥാനകമ്മിറ്റി കോഴിക്കോട് സംഘടിപ്പിച്ച ഷാഹീന്‍ ബാഗ് സ്‌ക്വയറിൽ മാമുക്കോയ തന്റെ നിലപാട് വ്യക്തമാക്കിയത്.

ഭീഷണിക്ക് മുന്നിൽ മുട്ടുമടക്കാൻ താൻ ഒരിക്കലും തയ്യാറല്ല എന്നും ഫാസിസ്റ്റുകൾക്ക് മുന്നിൽ മറ്റുപലരെയും പോലെ ഒരു അഡ്ജസ്റ്റ്‌മെന്റ് ജീവിതം നയിക്കാൻ താല്പര്യമില്ലെന്നും ആയിരുന്നു മാമുക്കോയ പറഞ്ഞത് . എന്നാൽ ഫാസിസ്റ്റുകൾക്കൊപ്പം നിൽക്കുന്നവർ ജീവനെ ഭയപെടുന്നവരാണെന്നും അത്തരക്കാർ അവരിൽ നിന്നും പലതും പ്രതീഷിക്കുന്നുണ്ടെന്നും അതാണ് അവർ സഹജീവികൾ നേരിടുന്ന ആപത്തിൽ ആശങ്കപ്പെടാത്തതെന്നുമാണ് ദില്ലിയിലെ ഷാഹീൻബാഗ് മാതൃകയിൽ കോഴിക്കോട് കടപ്പുറത്തു മുസ്‌ലിം യൂത് ലീഗ് സംസ്ഥാന കമ്മിറ്റി സംഘടിപ്പിച്ച പ്രതിഷേധ പരിപാടിയിൽ സംസാരിച്ചുകൊണ്ട് മാമുക്കോയ പറഞ്ഞത് .