കൊവിഡ് 19 അനിയന്ത്രിതമായി വ്യാപിക്കുന്ന പശ്ചാത്തലത്തിൽ മുൻകരുതൽ നടപടികൾ ഊര്‍ജ്ജിതമാക്കി കേരള ഹൈക്കോടതി. രോഗ പ്രതിരോധ നടപടികളുടെ ഭാഗമായി കര്‍ശന നിയന്ത്രണങ്ങളാണ് ഹൈക്കോടതിയിൽ ഏര്‍പ്പെടുത്തിയിരിക്കുന്നത് . അദാലത്തുകൾ രണ്ടാഴ്ച നിർത്തിവെക്കാൻ ചീഫ് ജസ്റ്റിസ് നിർദ്ദേശിച്ചു . കോടതി മുറിയിൽ കേസുമായി ബന്ധമുള്ളവരെ മാത്രം പ്രവേശിപ്പിക്കാനാണ് തീരുമാനിച്ചിരിക്കുന്നത്.

കേസ് റിപ്പോര്‍ട്ട് ചെയ്യാൻ കോടതിയിലെത്തുന്ന മാധ്യമപ്രവര്‍ത്തകരും നിബന്ധനകൾ പാലിക്കണമെന്ന് നിർദേശം നൽകി . മാധ്യമ പ്രവർത്തകർക്ക് ഐഡി കാർഡുമായി കോടതിയിൽ എത്താം. കോടതിയിലേക്കുള്ള എല്ലാ ഗേറ്റിലും തെർമൽ സ്കാനിംഗ് നിർബന്ധമാക്കി.