കൊവിഡ് ബാധിതനായ ബ്രിട്ടീഷ് പൗരന്‍ ഉത്സവത്തില്‍ പങ്കെടുത്തു; വിധ സ്ഥലങ്ങള്‍ സന്ദര്‍ശിച്ച ശേഷം കുട്ടനെല്ലൂര്‍ ക്ഷേത്രത്തിലെത്തി ഉത്സവത്തില്‍ പങ്കെടുത്തു; ഒപ്പംസെല്‍ഫിയും ടിക്ക് ടോക്കുമെടുത്തത് സ്ത്രീകള്‍ ഉള്‍പ്പടെ നിരവധി പേര്‍ കൂടുതല്‍ വീഡിയോ ദൃശ്യങ്ങള്‍ ആരോഗ്യ വകുപ്പ് പരിശോധിച്ചു വരുന്നു
കൊവിഡ് 19 നെ തുടര്‍ന്ന് സംസ്ഥാനം കനത്ത ജാഗ്രതയിൽ. ആരോഗ്യവകുപ്പും ശക്തമായി പ്രതിരോധ പ്രവർത്തനത്തിലാണ്. നിലവിലെ സാഹചര്യത്തിൽ രോഗബാധിതനായ ബിട്ടീഷ് പൗരന്‍ കുട്ടനെല്ലൂര്‍ ഉത്സവത്തില്‍ പങ്കെടുത്തതായി റിപ്പോർട്ട്. ഈ മാസം എട്ടിനാണ് ഇയാള്‍ തൃശൂര്‍ എത്തുന്നത്. തുടര്‍ന്ന് വിവിധ സ്ഥലങ്ങള്‍ സന്ദര്‍ശിച്ച ശേഷം കുട്ടനെല്ലൂര്‍ ക്ഷേത്രത്തിലെത്തി ഉത്സവത്തില്‍ പങ്കെടുത്തുവെന്നാണ് ആരോഗ്യ വകുപ്പിന്റെ കണ്ടെത്തല്‍. ഈ മാസം 8ന് ഇയാള്‍ കുട്ടനെല്ലൂർ ഉത്സവത്തിൽ പങ്കെടുത്തു. ഇതിനിടെ, നാട്ടുകാരിൽ പലരും ബ്രിട്ടീഷ് പൗരനൊപ്പം സെൽഫിയെടുത്തു. സ്ത്രീകളടക്കമുള്ളവര്‍ ഇയാള്‍ക്കൊപ്പം ടിക് ടോക് വീഡിയോ വരെ എടുത്തു.
മാര്‍ച്ച് എട്ടിന് വൈകിട്ട് മൂന്നരയ്ക്ക്, തൃശ്ശൂർ നഗരത്തിലെ പാറമേക്കാവ് ക്ഷേത്രത്തിലും ബ്രിട്ടീഷ് പൗരന്‍ അടങ്ങുന്ന സംഘമെത്തി. തുടര്‍ന്ന്, ഇവിടുന്നതെ സെക്യൂരിറ്റി ജീവനക്കാരുമായി ഇയാള്‍ സംസാരിച്ചു. നാല് മണിക്ക് ശേഷമേ ക്ഷേത്രം തുറക്കൂ എന്നും വിദേശികളെ ക്ഷേത്രത്തില്‍ പ്രവേശിപ്പിക്കാറില്ല എന്നും സെക്യൂരിറ്റി ജീവനക്കാര്‍ ഇവരെ അറിയിച്ചു. കുട്ടനെല്ലൂർ ഉത്സവം നടക്കുന്നുണ്ടെന്ന് സെക്യൂരിറ്റി അറിയിച്ചതിനെ തുടര്‍ന്നാണ് വിദേശികള്‍ ക്ഷേത്രത്തിലേക്ക് എത്തിയത്. പതിനായിരക്കണത്തിന് ആളുകള്‍ പങ്കെടുക്കുന്ന ഉത്സവമാണ് കുട്ടനെല്ലൂരിലേത്.
ഉത്സവത്തിന് എത്തിയ നിരവധി പേര്‍ ഇയാളുമായി അടുത്തിടപഴകി. വിദേശി ഉത്സവത്തിന് എത്തിയ കൗതുകത്തില്‍ നിരവധി പേര്‍ ഇയാള്‍ക്ക് ഒപ്പം സെല്‍ഫിയെടുത്തു. സ്ത്രീകള്‍ ഉള്‍പ്പടെയുളളവര്‍ സെല്‍ഫിയും ടിക്ക് ടോക്കും എടുത്തു. ഇത് സംബന്ധിച്ച കൂടുതല്‍ വീഡിയോ ദൃശ്യങ്ങള്‍ ആരോഗ്യ വകുപ്പ് പരിശോധിച്ചു വരികെയാണ്.
https://www.facebook.com/Malayalivartha
