മകളെ കാണാന് ഭര്ത്താവിന്റെ വീട്ടില് അമ്മ എത്തിയപ്പോള് മകള് ഇനി ഒരിക്കലും കാണാന് പറ്റാത്ത അടുത്തേക്ക് പോയി കഴിഞ്ഞു
മകളെ കാണാന് ഭര്ത്താവിന്രെ വീട്ടില് എത്തിയ അമ്മ കണ്ടത് ഞെട്ടിക്കുന്ന കാഴ്ച തന്നെയായിരുന്നു. തിരുവനന്തപുരം കല്ലമ്ബലത്ത് കഴുത്തറുത്തു മരിച്ചനിലയില് കണ്ടെത്തിയ ആതിരയുടെ അമ്മയാണു വെള്ളിയാഴ്ച രാവിലെ മകളെ കാണുന്നതിന് ആതിരയുടെ ഭര്ത്താവിന്റെ വീട്ടിലെത്തിയത്. വെന്നിയോട് താമസിക്കുന്ന ഇവര് രാവിലെ 10 മണിയോടെയാണ് കല്ലമ്ബലത്ത് എത്തിയത്. വീട്ടില് എത്തിയപ്പോള് കതക് തുറന്നുകിടക്കുകയായിരുന്നെങ്കിലും ആരെയും കണ്ടില്ല. ആതിരയും ഭര്ത്താവ് ശരത്തുമാണ് വീട്ടില് താമസം. ഒന്നര മാസം മുന്പായിരുന്ന ഇവരുടെയും വിവാഹം. ശരത്തിന്റെ അച്ഛനും അമ്മയും തൊട്ടടുത്ത് മറ്റൊരു വീട്ടിലാണ് താമസം. വീട്ടില് ആരെയും കാണാത്തതിനാല് ആതിരയെ ഫോണില് വിളിച്ചെങ്കിലും ഫോണ് ഓഫായിരുന്നു. തുടര്ന്ന് ശരത്തിന്റെ അമ്മയെ വിളിച്ചുവരുത്തി.ഇരുവരും ചേര്ന്ന് വീട്ടിനകത്ത് തിരിഞ്ഞെങ്കിലും ആതിരയെ കണ്ടില്ല. തുടര്ന്ന് അച്ഛനുമായി കൊല്ലത്തെ ആശുപത്രിയില് പോയിരുന്ന ശരത്തിനെ വിളിച്ചു. ആശുപത്രിയില്നിന്നു മടങ്ങി വരുകയാണെന്നും എത്തിയശേഷം അന്വേഷിക്കാമെന്നും പറഞ്ഞു. ശരത് എത്തി വീടിനുള്ളില് പരിശോധന നടത്തിയപ്പോള് ശുചിമുറി അകത്തുനിന്നും കുറ്റി ഇട്ടിരിക്കുന്നതായി കണ്ടു. വാതില് ചവിട്ടി തുറന്നപ്പോഴാണ് ആതിരയെ മരിച്ചനിലയില് കണ്ടെത്തിയത്. വിവാഹത്തിനു തൊട്ടുമുന്പാണ് ശരത് വിദേശത്തുനിന്നു നാട്ടിലെത്തിയത്. വര്ക്കല പൊലീസ് കേസെടുത്ത് അന്വേഷണം ആരംഭിച്ചു. ഡോഗ് സ്ക്വാഡും വിരലടയാള വിദഗ്ധരും സ്ഥലത്തെത്തി. ആതിര അധികം സംസാരിക്കാത്ത പ്രകൃതം ആയിരുന്നെന്നെന്നാണ് നാട്ടുകാര് പറഞ്ഞതെന്ന് പൊലീസ് അറിയിച്ചു.
https://www.facebook.com/Malayalivartha