പ്രചാരണത്തിന്റെ അവസാനമായതോടെ അരുവിക്കര തീപാറുന്ന പോരാട്ടത്തിലേക്ക്. മൂന്ന് മുന്നണികളും പ്രചരണം ശക്മാക്കിയാണ് നീങ്ങുന്നത്. സോളാര്‍ക്കേസും സരിതാ വിവാഹവും അരുവിക്കരയിലെ തെരഞ്ഞെടുപ്പ് ചൂട് വര്‍ധിപ്പിച്ചിട്ടുണ്ട്. സീറ്റ് നിലനിര്‍ത്താനും തിരിച്ചുപിടിക്കാനും എല്ലാ അടവുകളും പയറ്റുകയാണ് യുഡിഎഫും എല്‍ഡിഎഫും. അത്ഭുതം കാണിക്കുമെന്ന പ്രതീക്ഷയില്‍ ബിജെപിയും ഒപ്പമുണ്ട്. പരസ്യപ്രചാരണത്തിനു കൊടിയിറങ്ങാനായി ശേഷിക്കുന്ന നാലു ദിവസങ്ങള്‍ അരുവിക്കര ഇളകിമറിയുമെന്ന് ഉറപ്പ്.
ഭരണവിരുദ്ധ വികാരവും പൊതുരാഷ്ട്രീയവും അനുകൂലമെന്ന് എല്‍ഡിഎഫ് ക്യാമ്പ് ഉറച്ച് വിശ്വസിക്കുന്നു. എല്ലാവരും നോക്കികാണുന്ന പിണറായും വിഎസും വരും ദിവസങ്ങളില്‍ അരുവിക്കരയില്‍ വേദിപങ്കിടും.
സരിതാ നായരും ഫെനി ബാലകൃഷ്ണനും ബിജു രമേശും ഉന്നയിക്കുന്ന ആക്ഷേപങ്ങളും ആരോപണങ്ങളും സര്‍ക്കാരിന്റെ പ്രതിച്ഛായ മലിനമായിക്കൊണ്ടിരിക്കുന്നു എന്നാണ് എല്‍ഡിഎഫ് വാദിക്കുന്നത്.
രാഷ്ട്രീയ പ്രചാരണത്തില്‍ ഇരുമുന്നണികളും ഒപ്പത്തിനൊപ്പം തന്നെയാണ്. വി.എസ്. അച്യുതാനന്ദന്‍ അടക്കമുള്ളവരുടെ പൊതുയോഗങ്ങളാണ് എല്‍ഡിഎഫിനു ധൈര്യം പകരുന്നത്. എന്നാല്‍ യുഡിഎഫ് കുടുംബയോഗങ്ങളില്‍ കൂടുതല്‍ ശ്രദ്ധിക്കുന്നു. മുഖ്യമന്ത്രി ഉമ്മന്‍ ചാണ്ടി തന്നെ ദിവസവും പത്തോളം കുടുംബയോഗങ്ങളില്‍ പങ്കെടുക്കുന്നു. എല്ലാ പഞ്ചായത്തിലും ശരാശരി 75 വീതം കുടുംബയോഗങ്ങള്‍ യുഡിഎഫ് സംഘടിപ്പിച്ചു. സര്‍ക്കാരിന്റെ സ്വാധീനം ഉപയോഗിക്കാനാണ് ഈ യോഗങ്ങള്‍ എന്ന് എല്‍ഡിഎഫ് ആക്ഷേപിക്കുമ്പോള്‍, അതു യുഡിഎഫിനു മേല്‍ക്കൈ നല്‍കുമോ എന്ന ഉത്കണ്ഠ കൂടി അതിലുണ്ട്. പരസ്യ പ്രചാരണത്തിന് അപ്പുറമായുള്ള ഈ \'നിഴല്‍നീക്കങ്ങള്‍\' ഇരുകൂട്ടരും കൊണ്ടുപിടിച്ചു നടത്തുന്നു.എ.കെ. ആന്റണി 23, 24 തീയതികളില്‍ ഒന്‍പതു യോഗങ്ങളില്‍ നടത്തുന്ന പ്രസംഗം യുഡിഎഫിന് അവസാന ദിവസ മുന്‍തൂക്കം നല്‍കും എന്നാണ് അവരുടെ പ്രതീക്ഷ.
ബിജെപി സംസ്ഥാന പ്രസിഡന്റ് വി. മുരളീധരന്റെ നേരിട്ടുള്ള നേതൃത്വത്തില്‍ നടത്തുന്ന പ്രചാരണത്തെക്കുറിച്ചു ബിജെപി കേന്ദ്രങ്ങളില്‍ നല്ല ആത്മവിശ്വാസമാണുള്ളത്. 1.77 ലക്ഷം വോട്ടര്‍മാരില്‍ പരമാവധി പേരെ പോളിങ് സ്‌റ്റേഷനുകളിലെത്തിക്കുന്നതും ഇനിയുള്ള ദിവസങ്ങളിലെ ദൗത്യമാണ്. 1.30 ലക്ഷം പേരെങ്കിലും വോട്ട് ചെയ്താല്‍ വിജയിക്കും, കുറഞ്ഞത് അരലക്ഷമെങ്കിലും വോട്ട് വേണ്ടിവരും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha