ജൂലൈ രണ്ട് മുതൽ ആറുവരെ സൂക്ഷിക്കുക!! കടലില് ശക്തമായ കാറ്റിന് സാധ്യത; മത്സ്യത്തൊഴിലാളികള്ക്ക് ജാഗ്രതാ നിര്ദേശം, മുന്നറിയിപ്പുമായി കാലാവസ്ഥാവകുപ്പ്
കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനത്തിന് തടസമില്ലെന്നും എന്നാല് അറബിക്കടലില് ശക്തമായ കാറ്റിന് സാധ്യതയുള്ളതിനാല് മത്സ്യത്തൊഴിലാളികള് ജാഗ്രത പാലിക്കണമെന്നും തിരുവനന്തപുരം ജില്ലാ കളക്ടര് ഡോ. നവ്ജ്യോത് ഖോസ.
ശക്തമായ കാറ്റ് വീശാന് സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചിരിക്കുന്ന കടല് മേഖലകളില് മത്സ്യബന്ധനത്തിന് പോകരുതെന്ന് കളക്ടര് അറിയിച്ചു.
ഇന്നു മുതല് ജൂലൈ ആറു വരെ തെക്ക് പടിഞ്ഞാറന്, മധ്യ പടിഞ്ഞാറന് അറബിക്കടലിലും ഇന്നും നാളെയും വടക്കന് അറബിക്കടലിലും മണിക്കൂറില് 40 മുതല് 50 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിന് സാധ്യതയുണ്ടെന്നാണു കേന്ദ്ര കാലാവസ്ഥാ വകുപ്പ് അറിയിച്ചിട്ടുള്ളത്.
ഇന്നു മുതല് നാലു വരെ ഗള്ഫ് ഓഫ് മാന്നാര് മേഖലകളില് മണിക്കൂറില് 35 മുതല് 45 കി.മീ വരെ വേഗതയില് വീശിയടിച്ചേക്കാവുന്ന ശക്തമായ കാറ്റിനും സാധ്യതയുണ്ട്. ഈ ദിവസങ്ങളില് ഈ പ്രദേശങ്ങളില് മത്സ്യബന്ധനത്തിന് പോകാന് പാടില്ലെന്നും അറിയിപ്പില് പറയുന്നു.
https://www.facebook.com/Malayalivartha
