മല്സ്യബന്ധനത്തിനിടെ അസ്വസ്ഥത അനുഭവപ്പെട്ടു; മെഡിക്കല് കോളജിലേക്കുള്ള യാത്രാമധ്യേ തൊഴിലാളി മരിച്ചു
02 JULY 2021 08:25 PM IST
മലയാളി വാര്ത്ത
മല്സ്യബന്ധനത്തിനിടെ തലകറക്കവും അസ്വസ്തതയും അനുഭവപ്പെട്ട മല്സ്യത്തൊഴിലാളി മരിച്ചു.പരപ്പനങ്ങാടി അരയന് കടപ്പുറം സുന്നീ മഹല്ല് ജമാ അത്ത് മുന് പ്രസിഡന്റ് പരേതനായ പോക്കുവിന്റെ മൊയ്തീന് ബാവ (പി എം ബി)യുടെ മകന് അബ്ദുല് ഗഫൂര് (49) ആണ് മഞ്ചേരി മെഡിക്കല് കോളജ് ആശുപത്രിയിലേക്ക് കൊണ്ട് പോകുന്ന വഴി മരണപ്പെട്ടത്.
തൊഴിലാളിയെ കരക്കെത്തിച്ച് പരപ്പനങ്ങാടിയിലെ സ്വകാര്യ ആശുപത്രിയിലും തിരൂരങ്ങാടി താലൂക്ക് ആശുപത്രിയിലും പ്രവേശിപ്പിച്ചു. ഇവിടെ നടത്തിയ പരിശോധനയില് കൊവിഡ് ബാധ സ്ഥിരീകരിക്കുകയും തുടര്ന്ന് മഞ്ചേരി മെഡിക്കല് ആശുപത്രിയിലേക്ക് റഫര് ചെയ്യുകയുമായിരുന്നു. മാതാവ്: നഫീസ. ഭാര്യ: ആരിഫ. മക്കള്: മുഹമ്മദ് റഊഫ്, മുഹമ്മദ് റബീഷ്, ഷറഫ. സഹോദരങ്ങള്: ആയിശാബീവി, ഹനീഫ, ശംസുദ്ദിന്, സൈതലവി ക്കോയ, ബീവിജ.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
