കല്ലുവാതുക്കല്‍ ഊഴായിക്കോട് നവജാത ശിശുവിനെ കരിയിലക്കൂനയില്‍ ഉപേക്ഷിച്ച സംഭവത്തില്‍ പ്രതിയായ രേഷ്മയുടെ ഫേസ്ബുക്ക് കാമുകനെക്കുറിച്ച്‌ പൊലീസിന് സൂചന ലഭിച്ചു. അനന്തു എന്നാണ് ഇയാളുടെ പേരെന്ന് രേഷ്മ നേരത്തെ മൊഴി നല്‍കിയിരുന്നു. ഇതിന്റെ അടിസ്ഥാനത്തില്‍ സൈബര്‍ സെല്ലി​ന്റെ സഹായത്തോടെ ഈ പേരിലുള്ള ഇരുന്നൂറോളം പേരുടെ ഫേസ്ബുക്ക് ഐ.ഡി പൊലീസ് ശേഖരിച്ചു.

ഇവ വിശദമായി പരിശോധിച്ചശേഷം നാലുപേരുടെ ഐ.ഡിയാണ് അവസാനമായി പരിശോധിക്കുന്നത്. ഇവരെക്കുറിച്ച്‌ വിവരങ്ങള്‍ ലഭിക്കുന്നതിന് അന്വേഷണസംഘം നിരീക്ഷണം നടത്തിവരികയാണ്. ചില സൂചനകളുടെ അടിസ്ഥാനത്തില്‍ ഇവരിലൊരാളാകും രേഷ്മയുടെ ഒളിഞ്ഞിരിക്കുന്ന കാമുകനെന്നാണ് പൊലീസ് കരുതുന്നത്.

ഇക്കാര്യത്തില്‍ വ്യക്തത വരുത്താന്‍ ഫേസ്ബുക്കിന്റെ സഹായം തേടിയിട്ടുണ്ട്. രേഷ്മക്ക് ആറിലധികം ഐ.ഡികള്‍ ഉണ്ടായിരുന്നതായി വ്യക്തമായിട്ടുണ്ട്. ഓരോ ഐ.ഡിയും ഏതാനും മാസം ഉപയോഗിച്ച​ശേഷം ഉപേക്ഷിക്കുകയായിരുന്നു ചെയ്തുവന്നത്.

രേഷ്മയുടെ ഭര്‍ത്താവ് വിഷ്ണു, വിഷ്ണുവിന്റെ സഹോദരനും ആത്മഹത്യ ചെയ്ത ആര്യയുടെ ഭര്‍ത്താവുമായ രഞ്ജിത്ത് എന്നിവരെ കഴിഞ്ഞ ദിവസം പൊലീസ് ചോദ്യം ചെയ്തിരുന്നു. കോവിഡ് പോസിറ്റീവായ പ്രതിയെ അട്ടക്കുളങ്ങര വനിത ജയിലില്‍ പാര്‍പ്പിച്ചിരിക്കുകയാണ്.

ജ​നു​വ​രി അ​ഞ്ചി​നാണ്​ ക​ല്ലു​വാ​തു​ക്ക​ല്‍ ഊ​ഴാ​യ്ക്കോ​ട് ക​രി​യി​ല​കൊ​ണ്ട് മൂ​ടി​യ നി​ല​യി​ല്‍ ന​വ​ജാ​ത ശി​ശു​വി​നെ ക​ണ്ട​ത്തി​യത്​. പൂ​ര്‍​ണ വ​ള​ര്‍​ച്ച​യെ​ത്തി​യ ആ​ണ്‍​കു​ഞ്ഞി​ന് മൂ​ന്ന​ര​കി​ലോ ഭാ​രം ഉ​ണ്ടാ​യി​രു​ന്നു. ഫേ​സ്ബു​ക്കി​ല്‍ പ​രി​ച​യ​പ്പെ​ട്ട കാ​മു​ക​നോ​ടൊ​പ്പം പോ​കാനാ​യി ശി​ശു​വി​നെ ഉ​പേ​ക്ഷി​ച്ചു എ​ന്നാ​ണ് രേ​ഷ്മ​യു​ടെ മൊ​ഴി.