കൊവിഡ് വ്യാപനതോതിലെ ആശങ്ക.... സംസ്ഥാനത്ത് പത്തുശതമാനത്തില് താഴാതെ നില്ക്കുന്ന കൊവിഡ് വ്യാപനതോതിലെ ആശങ്കയുടെ അടിസ്ഥാനത്തില് ഇന്നും നാളെയും കടുത്ത ലോക്ക് ഡൗണ് നിയന്ത്രണം
സംസ്ഥാനത്ത് പത്തുശതമാനത്തില് താഴാതെ നില്ക്കുന്ന കൊവിഡ് വ്യാപനതോതിലെ ആശങ്കയുടെ അടിസ്ഥാനത്തില് ഇന്നും നാളെയും കടുത്ത ലോക്ക് ഡൗണ് നിയന്ത്രണം.
അവശ്യസേവന വിഭാഗത്തില്പെട്ട കേന്ദ്ര സംസ്ഥാന സ്ഥാപനങ്ങള്, സ്വയംഭരണ സ്ഥാപനങ്ങള്, മാദ്ധ്യമങ്ങള്, പത്രവിതരണം ഹോട്ടലുകളും റസ്റ്റോറന്റുകളും രാവിലെ ഏഴു മുതല് രാത്രി ഏഴു വരെ പ്രവര്ത്തിക്കാം. ഹോം ഡെലിവറി മാത്രം. ബേക്കറിയും രാത്രി ഏഴുവരെ.
പലവ്യഞ്ജനം, പഴം, പച്ചക്കറി, പാല്, മത്സ്യം, മാംസം വില്ക്കുന്ന കടകളും കള്ളുഷാപ്പും (പാഴ്സല് മാത്രം) രാത്രി ഏഴുവരെ. വിമാനത്താവളം, റെയില്വേ സ്റ്റേഷന്, ബസ്സ്റ്റേഷന് എന്നിവിടങ്ങളിലേക്കും തിരിച്ചും വാഹനം ഉപയോഗിക്കാം.
രോഗികളുടെ കൂട്ടിരിപ്പുകാര്, വാക്സിന് സ്വീകരിക്കുന്നവര് എന്നിവര്ക്ക് രേഖ കാണിച്ച് യാത്ര ചെയ്യാം
കെ.എസ്.ആര്.ടി.സി, സ്വകാര്യ ബസ് സര്വീസുകള്, ടാക്സി, ഓട്ടോ ബാങ്കുകള്, സര്ക്കാര് ഓഫീസുകള് പ്രവര്ത്തിക്കില്ല
ആരാധനാലയങ്ങള് രോഗ സ്ഥിരീകരണ നിരക്ക് കുറഞ്ഞ സ്ഥലങ്ങളിലേ അനുവദിച്ചിട്ടുള്ളൂ.15 പേര്ക്ക് മാത്രമാണ് പ്രവേശനം. രോഗവ്യാപനം കുറയാത്തത് ആശങ്ക സൃഷ്ടിച്ചിട്ടുണ്ട്. കാര്യമായ കുറവ് ഈ ആഴ്ച പ്രതീക്ഷിക്കുന്നു. ടി.പി.ആര് അടിസ്ഥാനത്തില് തദ്ദേശ സ്ഥാപന അടിസ്ഥാനത്തിലാണ് ഈ ആഴ്ച നിയന്ത്രണം.
https://www.facebook.com/Malayalivartha
