വരൂ പ്രീയരേ നമുക്ക് ഉത്തരേന്ത്യന് ഗ്രാമങ്ങളില് പോയി രാപാര്ക്കാം; അതികാലത്ത് എഴുന്നേറ്റ് അവിടുത്തെ തെരുവുകളില് മനുഷ്യാവകാശ ലംഘനങ്ങള് തളിര്ത്ത് പൂവിടരുകയും അവിടുത്തെ പ്രസംഗവേദികളില് ഭരണഘടനാ ലംഘനങ്ങള് പൂക്കുകയും ചെയ്തോ എന്നുനോക്കാം; അവിടെ വച്ച് നിങ്ങള്ക്ക് ഞങ്ങളുടെ പ്രതിരോധവും പ്രതിഷേധവും തരും; സജീചെറിയാനെ കൊലവിളിച്ച് ഹരീഷ് പേരടി
മന്ത്രി സജി ചെറിയാനെതിരെ നടന് ഹരീഷ് പേരടിയുടെ രൂക്ഷ വിമര്ശനം. അദ്ദേഹത്തിന്റെ ഫേസ് ബുക്ക് പോസ്റ്റിലാണ് മലയാളികള്ക്ക് സുപരിചിതവും ഒരു കാലത്ത് അവര് ഹൃദയത്തില് കൊണ്ടു നടന്നതുമായ ബൈബിളിലെ ഉത്തമഗീതത്തിന്റെ പാരഡിയായി വിമര്ശനം വരുന്നത്. ഫേസ് ബുക്കിലെ വരികള് ഇങ്ങനെയാണ്. ' വരൂ പ്രീയരേ നമുക്ക് ഉത്തരേന്ത്യന് ഗ്രാമങ്ങളില് പോയി രാപാര്ക്കാം. അതികാലത്ത് എഴുന്നേറ്റ് അവിടുത്തെ തെരുവുകളില് മനുഷ്യാവകാശ ലംഘനങ്ങള് തളിര്ത്ത് പൂവിടരുകയും അവിടുത്തെ പ്രസംഗവേദികളില് ഭരണഘടനാ ലംഘനങ്ങള് പൂക്കുകയും ചെയ്തോ എന്നുനോക്കാം. അവിടെ വച്ച് നിങ്ങള്ക്ക് ഞങ്ങളുടെ പ്രതിരോധവും പ്രതിഷേധവും തരും- അനുബന്ധമായി കഥ കുന്തവും കൊടച്ചക്രവും എന്നും ചേര്ത്തിട്ടുമുണ്ട്.
1986-ല് പുറത്തിറങ്ങിയ പത്മരാജന്റെ ക്ലാസിക് സിനിമയാണ് നമുക്കുപാര്ക്കാന് മുന്തിരിത്തോപ്പുകള്. മോഹന്ലാലും ശാരിയും നായികാ നായകന്മാരയി വരുന്ന ഈ ചിത്രത്തില് നായകന്റെ പ്രേമ സന്ദേശമായാണ് സോളമന്റെ ഉത്തമ ഗീതങ്ങളിലെ ചില വരികള് ഉപയോഗിച്ചിട്ടുള്ളത്. അക്കാലത്ത് ഈ വരികള് യുവാക്കളുടെ ഹരമായിരുന്നു. ഉത്തമ ഗീതത്തിലെ ആ വരികള് ഇങ്ങനെയാണ്. 'നമുക്ക് ഗ്രാമങ്ങളില് പോയി രാപാര്ക്കാം.
അതിരാവിലെ എഴുന്നേറ്റ് മുന്തിരിവള്ളികള് പുത്തോയെന്നും തളിര്ത്തോയെന്നും നേക്കാം. അവിടെ വച്ച് നിനക്കു ഞാനെന്റെ പ്രേമം തരും' എന്തായാലും ഹരീഷ് പേരടിയുടെ വിമര്ശനം രൂക്ഷതയുടെ പരികോടിയിലെത്തിയിട്ടുണ്ട്. വടക്കേ ഇന്ത്യന് സംസ്ഥാനങ്ങളില് നടക്കുന്ന ഭരണഘടനാ ലംഘനങ്ങളും പാവപ്പെട്ടവര്ക്കു നേരേ നടക്കുന്ന ബുള്ഡോസര് യുദ്ധങ്ങളും നമ്മള് നിരന്തരം കണ്ടു കൊണ്ടിരിക്കുകയാണ്. അതിന് കിരീടം ചാര്ത്തിക്കൊണ്ട് മതവിദ്വേഷങ്ങളും പരസ്പരം ദൈവങ്ങളെ അധിക്ഷേപിക്കലും തുടരുന്നു.
തലവെട്ടുകൊലകള്ക്കു ക്ഷാമമില്ല. എന്തായാലും അവയുടെ നിലവാരത്തിലേക്ക് നമ്മുടെ സംസ്ഥാനവും ഉയരുന്നതിന്റെ ലക്ഷണങ്ങളാണ് എമ്പാടും നിറയുന്നത്. അതിലെ നടുക്കുവും രോഷവുമാണ്. എല്ലാവര്ക്കും സുപരിചിതമായ, മനോഹരമായൊരു സിനിമയില് കൂടി ജനകീയമായ ഉത്തമ ഗീതങ്ങളുടെ പാരഡിയിലൂടെ പുറത്തുവന്നിരിക്കുന്നത്. ഇത് പേരടിയുടെ രോഷം മാത്രമല്ല. സംസ്ഥാനത്തേക്കുറിച്ച് അഭിമാനിച്ചു നടന്ന എല്ലാവരുടേയും രോഷമാണ്. അത് പ്രകടിപ്പിക്കാന് അദ്ദേഹം തെരഞ്ഞെടുത്ത മാര്ഗവും മൂര്ച്ചയുള്ളതു തന്നെ.
സജീചെറിയാന്റെ ഭരണഘടനയെ അധിക്ഷേപിക്കുന്ന പ്രസംഗം അവസാനിക്കുന്നതു തന്നെ ഇങ്ങനെയാണ്. 'ഇത്തിരി മുക്കും മൂലയും അരിച്ചു പെറുക്കി ഗുണങ്ങള് ഇട്ടിട്ടുണ്ട്. എന്നുവച്ചാല് മതേതരത്വം ജനാധിപത്യം കുന്തും കുടച്ചക്രം എന്നൊക്കെ അതിന്റെ സൈഡില് എഴുതിയിട്ടുണ്ട് ' ഇതില് കുന്തവും കുടച്ചക്രവും എന്ന പ്രയോഗവും ഫേസ്ബുക്കില് വരുന്നുണ്ട്. കേരളം വടക്കേ ഇന്ത്യന് സംസ്ഥാനങ്ങള്ക്ക് സമമാകുമ്പോള് ജനങ്ങളുടെ പ്രതിഷേധങ്ങള് തടാന് പോലീസിനും പട്ടളത്തിനും പ്രത്യശാസ്ത്രങ്ങള്ക്കും കഴിയില്ലാ എന്നൊരു സൂചനകൂടിയുണ്ട് ഫേസ്ബുക്ക് പോസ്റ്റില്.
https://www.facebook.com/Malayalivartha
