ഭര്ത്താവിനെയും രണ്ട് മക്കളെയും ഉപേക്ഷിച്ച് യുവതി കാമുകനൊപ്പം പോയി... വിവാഹത്തെച്ചൊല്ലിയുള്ള തര്ക്കത്തെത്തുടര്ന്ന് കൊല്ലാന് ശ്രമം; ഇരുപത് ദിവസം ഒരുമിച്ച് കഴിഞ്ഞശേഷമാണ് വാക്കുതര്ക്കവും കൊലപാതകശ്രമവും
കുന്നംകുളത്ത് ഭര്ത്താവിനെയും രണ്ട് മക്കളെയും ഉപേക്ഷിച്ച് യുവതി കാമുകനൊപ്പം പോയയുവതിയെ കാറില് നിന്ന് തള്ളിയിട്ട് കൊല്ലാന് ശ്രമം. ഓടുന്ന കാറില് നിന്ന് വീണ് പരിക്കേറ്റ ചെറായി സ്വദേശിയെ തൃശ്ശൂര് മെഡിക്കല് കോളേജ് ആശുപത്രിയില് പ്രവേശിപ്പിച്ചു.
യുവതിയെ കാറില് നിന്ന് തള്ളിയിട്ട ശ്രമിച്ച സുഹൃത്തിനെ പൊലീസ് അറസ്റ്റ് ചെയ്തു. ഗുരുവായൂര് കാവീട് സ്വദേശി അര്ഷാദിനെയാണ് കുന്നംകുളം പൊലീസ് പിടികൂടിയത്. ഒരുമിച്ച് യാത്ര ചെയ്യുന്നതിനിടെ ഇരുവരും തമ്മില് തര്ക്കമുണ്ടാകുകയും യുവതിയെ അര്ഷാദ് തള്ളിയിടുകയുമായിരുന്നെന്ന് പൊലീസ് പറഞ്ഞു. പരിക്കേറ്റ നിലയിലാണ് റോഡരികില് യുവതിയെ കണ്ടെത്തിയത്.
കാറപകടത്തില് പരിക്കേറ്റതാണെന്നായിരുന്നു പ്രാഥമിക നിഗമനം. പിന്നീട് നടത്തിയ അന്വേഷണത്തിലാണ് അര്ഷാദ് ഇവരെ തള്ളിയിടുകയായിരുന്നെന്ന വിവരം വ്യക്തമായത്.
വിവാഹത്തെച്ചൊല്ലിയുള്ള തര്ക്കത്തെത്തുടര്ന്നാണ് സംഭവം എന്നാണ് റിപ്പോര്ട്ടുകള്. പരിക്കേറ്റ് ചികിത്സയിലുള്ള 22 കാരിയും അര്ഷാദും 20 ദിവസമായി ഒരുമിച്ചായിരുന്നു താമസം. യുവതിക്ക് ഭര്ത്താവും രണ്ടു മക്കളുമുണ്ട്.
മക്കളെയും ഭര്ത്താവിനെയും ഉപേക്ഷിച്ചാണ് യുവതി അര്ഷാദിനൊപ്പം പോയതെന്ന് പൊലീസ് പറയുന്നു. യുവതിയെ വിവാഹം ചെയ്യുന്നതില് നിന്നും അര്ഷാദ് പിന്മാറിയത് തര്ക്കത്തിനിടയാക്കിയത്. രാവിലെ ഏഴരയോടെ കുന്നംകുളം നഗരത്തില് വെച്ചായിരുന്നു സംഭവമുണ്ടായത്.
ഇരുവരും കാറില് ഒരുമിച്ചാണ് നഗരത്തിലെത്തിയത്. കാറില് നിന്നും ഇറങ്ങിയ യുവതി അര്ഷാദുമായി സംസാരിച്ചു. തുടര്ന്ന് യുവതി കാറിലേക്ക് കയറുന്നതിനിടെ കാര് ഓടിച്ചുപോയി. കാറിന്റെ ഡോറില് തൂങ്ങിക്കിടന്ന യുവതിയെ താഴെയിടാനായി കാറിന്റെ വേഗം കൂട്ടുകയും കുറയ്ക്കുകയും ചെയ്തു. തുടര്ന്ന് യുവതി തെറിച്ച് റോഡില് വീണ് തലയ്ക്ക് പരിക്കേറ്റുവെന്നും പൊലീസ് പറയുന്നു.
അര്ഷാദ് ലഹരിക്ക് അടിമയാണെന്ന് പൊലീസ് സൂചിപ്പിച്ചു. സംഭവത്തില് യുവതിയുടെ മൊഴി പൊലീസ് രേഖപ്പെടുത്തി. വധശ്രമത്തിനാണ് പൊലീസ് കേസെടുത്തത്.
https://www.facebook.com/Malayalivartha
