പിണറായിയുടെ വിശ്വസ്ഥന്റെ ഭാര്യയെ തിരുകിക്കയറ്റി; നിയമന വിവാദം കയ്യോടെ പിടികൂടി;
എന്നെ തല്ലേണ്ടമ്മാവാ ഞാന് നന്നാവൂല്ല എന്ന രീതിയാണ് കേരളം ഭരിക്കുന്ന പാര്ട്ടിയ്ക്ക് ഉള്ളത്. ഇനിയിപ്പൊ എന്ത് സംഭവിച്ചാലും ഈ ഭൂമി ഇടിഞ്ഞ് താഴെ പോയാലും അധികാരം ഉള്ളിടത്തോളം കാലം ഞങ്ങള് ഇഷ്ടക്കാരെയും ബന്ധുക്കളെയും പറ്റുന്ന എല്ലാ ഇടങ്ങളിലും തിരുതി കയറ്റിക്കൊണ്ടേ ഇരിക്കും എങ്കിലല്ലേ അധികാരമില്ലാത്ത സമയത്തായാലും പിടിച്ച് നില്ക്കാനാകൂ.
കൂടുതലായും ഭാര്യമാരെ തിരുകി കയറ്റലാണ് സിപിഎം നേതാക്കളുടെ പ്രധാന ഹോബി. ഏറ്റവും ഒടുവില് മുഖ്യമന്ത്രി പിണറായി വിജയന് പ്രീയപ്പെട്ടവന്റെ ഭാര്യയെ കണ്ണൂര് സര്വ്വകലാശാലയില് തിരികിക്കയറ്റിയ സംഭവത്തില് നിര്ണായകമായ തെളിവുകളും രേഖകളും പുറത്തു വന്നിരിക്കുകയാണ്. മുഖ്യന്റെ വലം കയ്യുടെ ഭാര്യയുടെ നിയമനം മുഖ്യന് അറിയാതെയാണ് നടന്നത് എന്ന് പറഞ്ഞാല് അരിയാഹാരം കഴിക്കുന്ന ആര്ക്കും അത് ദഹിക്കില്ല. കുറേ നാളായി ഈ വിവാദം എയറിലുണ്ടെങ്കിലും ഇപ്പോഴാണ് കൂടുതല് തെളിവുകള് പുറത്തു വരുന്നത്.
മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ രാഗേഷിന്റെ ഭാര്യ പ്രിയ വര്ഗീസിനെയാണ് കണ്ണൂര് സര്വകലാശാലയില് നിയമിച്ചത് മാനദണ്ഡങ്ങള് മറികടന്നെന്ന് വ്യക്തമാക്കുന്ന രേഖകളാണ് പുറത്തുവന്നിരിക്കുന്നത്. ഉയര്ന്ന റിസര്ച്ച് സ്കോര് പോയിന്റുള്ളവര്ക്ക് ഇന്റര്വ്യൂവിന് കുറവ് മാര്ക്ക് നല്കിയെന്നുള്ളത് വ്യക്തമാകുന്നതാണ് പുതിയ രേഖകള്. ഇതു സംബന്ധിച്ച രേഖകള് പുറത്തുവന്നത് മുഖ്യമന്ത്രിയെയും വെട്ടിലാക്കുകയാണ്. കൂനിന്മേല് കുരു എന്നൊക്കെ പറയുന്നത് ഇതാണ്.
നിയമന റാങ്ക് ലിസ്റ്റില് പ്രിയ വര്ഗീസ് ഒന്നാമതെത്തിയത് ക്രമവിരുദ്ധമായിട്ടാണെന്ന് തെളിയിക്കുന്ന രേഖയാണ് പുറത്ത് വന്നിരിക്കുന്നത്. ഉദ്യോഗാര്ത്ഥികളില് ഏറ്റവും കുറഞ്ഞ റിസര്ച്ച് സ്കോര് പ്രിയ വര്ഗീസിനാണ്. എന്നിട്ടും അഭിമുഖത്തില് ലഭിച്ച ഉയര്ന്ന മാര്ക്കാണ് പ്രിയക്ക് ഒന്നാം റാങ്ക് കിട്ടാന് കാരണമെന്ന് രേഖയില് നിന്ന് വ്യക്തമാകുന്നു. പ്രിയയുടെ റിസര്ച്ച് സ്കോര് 156 ആണഅ. രണ്ടാം റാങ്ക് കിട്ടിയ ജോസഫ് സ്കറിയയുടെ റിസര്ച്ച് സ്കോര് 651 ആണ്. പ്രിയയുടെ 8 വര്ഷത്തെ അധ്യാപന പരിചയത്തിന് രണ്ട് വര്ഷം സ്റ്റുഡന്റ്സ് ഡയറക്ടറായ കാലയളവും പരിഗണിച്ചു എന്നും വിവരാവകാശ രേഖ വ്യക്തമാക്കുന്നു.
തൃശൂര് കേരളവര്മ്മ കോളേജിലെ അസിസ്റ്റന്റ് പ്രൊഫസറായ പ്രിയ വര്ഗ്ഗീസിനെ കണ്ണൂരില് അസോസിയേറ്റ് പ്രൊഫസറാക്കി അനധികൃതമായി നിയമിക്കാനുള്ള നീക്കമാണ് വന് വിവാദമായത്. വിവാദത്തെ തുടര്ന്ന് നിയമനം നല്കാതെ റാങ്ക് പട്ടിക മാറ്റിവെച്ചിരിക്കുകയായിരുന്നു. എന്നാല് കഴിഞ്ഞ മാസം ചേര്ന്ന സര്വകലാശാല സിന്ഡിക്കേറ്റ് യോഗം പ്രിയ വര്ഗീസിന് ഒന്നാം റാങ്ക് ലഭിച്ച പട്ടിക അംഗീകരിച്ചു. പ്രിയ വര്ഗീസിന് ഒന്നാം റാങ്ക് നല്കിയതിനുള്ള പരിതോഷികമായാണ് ഡോ ഗോപിനാഥ് രവീന്ദ്രന് കണ്ണൂര് സര്വകലാശാലയില് വിസി ആയി പുനര്നിയമനം ലഭിച്ചതെന്നും ആക്ഷേപമുണ്ടായിരുന്നു.
കഴിഞ്ഞവര്ഷം ആഗസ്റ്റ് 7 മുതല് പ്രിയ ഭാഷാ ഇന്സ്റ്റിറ്റ്യൂട്ടില് അസിസ്റ്റന്റ് ഡയറക്ടറായി ഡെപ്യൂട്ടേഷനിലാണ്. ഡെപ്യൂട്ടേഷന് കാലാവധി ഇപ്പോള് ഒരു വര്ഷം കൂടി നീട്ടിയിരിക്കുകയാണ്. കണ്ണൂരില് പ്രിയയ്ക്ക് സിന്ഡിക്കേറ്റ് നല്കിയത് ഒന്നാം റാങ്ക് ആണ്. പ്രിയ വര്ഗ്ഗീസിനെ അസോസിയേറ്റ് പ്രൊഫസറാക്കിയാല് അത് വഴി ഭാഷാ ഇന്സ്റ്റിറ്റ്യൂട്ടിലെ ഡയറക്ടര് തസ്തികയിലേക്ക് മാറാന് സാധിക്കും. നിലവില് ഡയറക്ടര് തസ്തിക ഒഴിഞ്ഞുകിടക്കുകയാണ്. അതിനുള്ള മുന്നൊരുക്കത്തിന്റെ ഭാഗമായാണ് ഡെപ്യൂട്ടേഷന് നീട്ടലെന്നാണ് സൂചന.
അതേസമയം പ്രിയ വര്ഗ്ഗീസിന്റെ കണ്ണൂരിലെ നിയമനത്തില് ഗവര്ണ്ണര് വിസിയോട് റിപ്പോര്ട്ട് തേടിക്കഴിഞ്ഞു. യുജിസി നി!ര്ദ്ദേശിച്ച എട്ട് വര്ഷത്തെ അധ്യാപന പരിചയം ഇല്ലാതെയാണ് പ്രിയയെ പരിഗണിച്ചതെന്ന പരാതിയാണ് സേവ് യൂണിവേഴ്സിറ്റി ക്യാമ്പയിന് കമ്മിറ്റി ഗവര്ണ്ണര്ക്ക് നല്കിയത്. അപേക്ഷ കൊടുത്തതിനു പിന്നാലെ അതിവേഗം ഇന്റര്വ്യു നടത്തിയുള്ള നിയമനത്തെ വിസി ഗോപിനാഥ് രവീന്ദ്രന് ന്യീയീകരിച്ചത് ഉടന് നിയമനം വേണ്ടത് കൊണ്ടാണെന്നാണ്. പക്ഷേ വിവാദമായപ്പോള് എടുത്ത തീരുമാനത്തില് ഉത്തരവ് നീട്ടുകയാണ്. മറുപടി തൃപ്തികരമല്ലെങ്കില് വിസിക്കെതിരെ കടുത്ത നടപടിയിലേക്ക് ഗവര്ണ്ണര് നീങ്ങാനും സാധ്യതയേറെയാണ്.
2012 ല് തൃശൂര്, കേരളവര്മ്മ കോളേജില് മലയാളം അസിസ്റ്റന്റ് പ്രൊഫസറായി നിയമനം ലഭിച്ച കെ കെ രാഗേഷിന്റെ ഭാര്യ പ്രിയ വര്ഗീസ് സര്വീസിലിരിക്കെ മൂന്ന് വര്ഷത്തെ അവധിയില് ഗവേഷണം നടത്തിയാണ് പിഎച്ച്ഡി ബിരുദം നേടിയത്. 2018 ലെ യുജിസി നിയമം 3 9 വകുപ്പ് പ്രകാരം അസോസിയേറ്റ് പ്രൊഫസര്, പ്രൊഫസര്, നിയമനങ്ങള്ക്ക് ഗവേഷണ ബിരുദം നേടുന്നതിന് വിനിയോഗിച്ച കാലയളവ് അധ്യാപന പരിചയമായി കണക്കുകൂട്ടാന് പാടില്ലെന്ന് വ്യവസ്ഥ ചെയ്യുന്നത്. അപ്പോള് പ്രയാ വര്ഗിസീന്റെ ആകെ അധ്യാപന പരിചയം നാല് വര്ഷം മാത്രമാണ് എന്ന് വ്യക്തം.
ഗവേഷണം കഴിഞ്ഞ് 2019 മുതല് രണ്ട് വര്ഷം കണ്ണൂര് സര്വകലാശാലയില് സ്റ്റുഡന്റ് സര്വീസ് ഡയറക്ടറായി ഇവര് ഡെപ്യൂട്ടേഷനില് ജോലി ചെയ്തു. ഭരണപരമായ ഉത്തരവാദിത്വം മാത്രം ഉളളതിനാല് ഈ തസ്തികയും അധ്യാപന പരിചയത്തില് ഉള്പ്പെടുത്താനാകില്ല. എന്നിട്ടും എല്ലാ യോഗ്യതയും ഉണ്ടെന്ന് കാണിച്ചാണ് പ്രിയ വര്ഗീസ് കണ്ണൂര് സര്വകലാശാലയില് തുടക്കത്തില് ഒന്നരലക്ഷം രൂപ മാസ ശമ്പളമുള്ള അസോസിയേറ്റ് പ്രൊഫസര് തസ്തികയിലേക്ക് അപേക്ഷിച്ചത്. അഭിമുഖത്തില് പ്രിയയെ പങ്കെടുപ്പിക്കാന് തീരുമാനിക്കുമ്പോള് തന്നെ വിഷയം വിവാദമായിരുന്നു. പിന്നീട് അഭിമുഖത്തില് പ്രിയ വര്ഗീസ് ഒന്നാം റാങ്ക് നേടുകയും ചെയ്തു. പക്ഷേ നിയമം നടത്തിയില്ല. യോഗ്യത സംബന്ധിച്ച് ആശയക്കുഴപ്പം ഉണ്ടെന്നാണ് വൈസ് ചാന്സിലര് പിന്നീട് ഏഷ്യാനെറ്റ് ന്യൂസിനോട് പറഞ്ഞത്. ഫാക്കല്റ്റി ഡെവലപ്മെന്റ് പ്രോഗ്രാം വഴി പിഎച്ച്ഡി ചെയ്യാനായി വിനിയോഗിച്ച് കാലയളവ് അധ്യാപന പരിചയമായി കണക്കാക്കണോ എന്നതില് വ്യക്തത ഇല്ലെന്നായിരുന്നു വിസിയുടെ വിശദീകരണം.
https://www.facebook.com/Malayalivartha
