ഇന്ന് ലോക അവയവദാന ദിനമാണ്. ഈ ദിനത്തിൽ ഉയർന്നു വന്ന ഒരു പ്രധാന ചോദ്യം അവയവദാനത്തിലെ പ്രതിസന്ധികൾ തരണം ചെയ്യുവാൻ ഇന്ത്യൻ മെഡിക്കൽ അസോസിയേഷൻ എന്തു ചെയ്യും എന്നതാണ് .അതിനാ നൽകിയ മറുപടി വിശദമാക്കി രംഗത്ത് വന്നിരിക്കുകയാണ് ഡോ സുൽഫി നൂഹു. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

ഫിൽ ഇൻ ദ ബ്ലാങ്ക്സ്⁉️ ഇന്ന് ലോക അവയവദാന ദിനം. ഡിസ്കഷനിൽ ഉയർന്ന ചോദ്യം അവയവദാനത്തിലെ പ്രതിസന്ധികൾ തരണം ചെയ്യുവാൻ ഇന്ത്യൻ മെഡിക്കൽ അസോസിയേഷൻ എന്തു ചെയ്യും ? ചുരുങ്ങിയ സമയത്തിനുള്ളിൽ എന്റെ ഉത്തരം ഇങ്ങനെ പോയി. സർക്കാർ മേഖലയും സ്വകാര്യ മേഖലയും, കൂടാതെ ഈ മേഖലയിൽ പ്രവർത്തിക്കുന്ന വ്യക്തികളും സംഘടനകളും ഒക്കെ ഒറ്റക്കെട്ടായി പ്രവർത്തിക്കേണ്ട സമയം

അത്തരം ഒരു കോഡിനേറ്റഡ് ആക്ടിവിറ്റി ഇല്ല എന്നുള്ളത് സത്യം. അതിനായി മുൻകൈയെടുക്കും. പൊതുസമൂഹത്തിൽ അവയവദാനത്തിനെ കുറിച്ചുള്ള ആശങ്കകൾ പരിഹരിക്കുന്നതിന് ശക്തമായ അവബോധം തുടരണം. ഡോക്ടർമാർക്ക് മെഡിക്കൽ വിദ്യാർഥികൾക്ക് ഈ വിഷയത്തിൽ കൂടുതൽ അവബോധം സൃഷ്ടിക്കുവാനുള്ള സിസ്റ്റമാറ്റിക്കായ പ്രവർത്തനം. അതിനുമപ്പുറം സ്കൂൾതലത്തിൽ തന്നെ അവയവദാനത്തിന്റെ വസ്തുതകൾ കരിക്കുലത്തിൽ ഉൾപ്പെടുത്തിക്കാനുള്ള ശ്രമം.

അവയവദാനത്തിനായി ഒരൊറ്റ സെന്ററിന് പകരം ചുരുങ്ങിയത് എല്ലാ ജില്ലകളിലും അത്തരം സെൻററുകൾ ഉണ്ടാകുന്ന ദീർഘകാല ലക്ഷ്യം. ആത്യന്തികമായി ഓപ്റ്റ് ഔട്ട് എന്ന മറ്റ് പല രാജ്യങ്ങളിലെയും ലക്ഷ്യം. ഡോണർ കാർഡിലെ വ്യക്തതകൾ. മുസ്ലിം സമുദായം ഉൾപ്പെടെയുള്ള ചില സമുദായങ്ങളിൽ അവയവദാനത്തിൽ നേരിടുന്ന പ്രത്യേക ബുദ്ധിമുട്ടുകൾ തരണം ചെയ്യുവാനുള്ള പദ്ധതി. ഇനിയുള്ള നിർദ്ദേശങ്ങൾ ഫിൽ ഇൻ ദ ബ്ലാങ്ക്സ് പ്ലീസ്.