കഴിഞ്ഞ ദിവസം ചോറ്റാനിക്കരയില്‍ നടന്ന സംഭവം ജീവിതത്തിലൊരിക്കലും കീര്‍ത്തന മറിക്കില്ല. ബാറില്‍ നിന്ന് മദ്യപിച്ചിറങ്ങിയ ആള്‍ക്ക് സ്വന്തം കാര്‍ മാറിപ്പോയി. മദ്യപിച്ച ശേഷം ബാറില്‍ നിന്ന് പുറത്തിറങ്ങിയ ഇയാള്‍ വഴിയില്‍ കിടന്ന കാര്‍ കണ്ട് തന്റേതെന്ന് കരുതി എടുത്തുകൊണ്ടു പോകുകയായിരുന്നു. എന്നായിരുന്നു പുറത്തു വന്ന വിവരം.

കാറിലുണ്ടായിരുന്ന വീട്ടമ്മ വല്ലാതെ ഭയന്നുപോയി. സംഭവമൊന്നുമറിയാതെ തങ്ങളെ തട്ടിക്കൊണ്ട് പോകുന്നെന്നാണ് കരുതിയത്. ബഹളം വച്ചതോടെ വണ്ടിയോടിച്ചയാള്‍ പരിഭ്രമിച്ചു. ഇതിനിടയില്‍ വണ്ടി നിയന്ത്രണം വിട്ട് ട്രാന്‍സ്‌ഫോര്‍മറില്‍ ഇടിച്ചു കയറ്റുകയായിരുന്നു. അതോടെ സ്ത്രീയും കുട്ടിയും ഉറക്കെ നിലവിളിച്ചു. നാട്ടുകാര്‍ ഓടിക്കൂടി. അവസാനം ചോറ്റാനിക്കര സ്വദേശിയായ അഷ്‌ലിയെ പിടികൂടി. ഇയാള്‍ വിരുദ്ധമായ കാര്യങ്ങളാണ് പറഞ്ഞത്. മദ്യപിച്ച് ഓര്‍മ്മപോയി കാര്‍ മാറിപ്പോയെന്നാണ് ഇയാള്‍ പറഞ്ഞത്.

എന്നാല്‍ സംഭവത്തില്‍ വെളിപ്പെടുത്തുന്നത് അഷ്‌ലി അറിഞ്ഞ് തന്നെയാണ് വണ്ടിയെടുത്തതെന്ന്. ഡ്രൈവര്‍ സീറ്റിലിരുന്ന കുഞ്ഞിനെ പുറകിലിരുത്തിയാണ് വണ്ടിയെടുത്തതെന്നാണ് സംഭവത്തില്‍ തീ തിന്ന കീര്‍ത്തന പറയുന്നത്. സംഭവത്തിന്റെ ഞെട്ടലില്‍നിന്നും കീര്‍ത്തന ഇതുവരെ മുക്തയായിട്ടില്ല. ഒരു സിനിമാ ക്ലൈമാക്‌സ് പോലെയായിരുന്നു സംഭവം.
വ്യാഴാഴ്ച രാത്രി 10.50നാണ് സംഭവം. വട്ടുക്കുന്ന് സ്വദേശിയായ ശ്രീജിത്തും ഭാര്യ കീര്‍ത്തനയും മകളും രാത്രി സുഹൃത്തിന്റെ വീട്ടില്‍ നിന്നു മടങ്ങവേ തട്ടുകടയില്‍ നിന്നു ഭക്ഷണം വാങ്ങാന്‍ ചോറ്റാനിക്കര ലൗ ലാന്‍ഡ് ബാറിനു സമീപത്തു കാര്‍ നിര്‍ത്തി. മകളെ ഡ്രൈവിങ് സീറ്റില്‍ ഇരുത്തിയാണ് ശ്രീജിത്ത് കാറില്‍ നിന്ന് ഇറങ്ങിയത്.

ഈ സമയമാണ് ബാറില്‍ നിന്നു വന്ന ആഷ്‌ലി ഡ്രൈവിങ് സീറ്റിലുണ്ടായിരുന്ന കുട്ടിയെ പിന്നിലെ സീറ്റിലേക്ക് ഇരുത്തി കാറില്‍ കയറി. ഭാര്യ ബഹളം വച്ചതോടെ ശ്രീജിത്ത് ഓടിയെത്തിയെങ്കിലും ഇയാള്‍ കാറുമായി മുന്നോട്ടു നീങ്ങി. ചോറ്റാനിക്കര ഭാഗത്തേക്ക് ഓടിച്ച കാര്‍ നിയന്ത്രണം വിട്ടു. സമീപത്തെ പാനിപ്പൂരി കടയില്‍ ഇടിച്ച ശേഷം 500 മീറ്ററോളം ഓടി റോഡരികിലെ ട്രാന്‍സ്‌ഫോമറിലേക്ക് ഇടിച്ചു കയറി.

ട്രാന്‍സ്‌ഫോമറിന്റെ സംരക്ഷണ വേലിയുടെ തറയില്‍ തട്ടി കാര്‍ നിന്നതിനാലാണു വലിയ ദുരന്തം ഒഴിവായത്. തലനാരിഴയ്ക്കാണ് കീര്‍ത്തനയും രണ്ടര വയസ്സുകാരി മകളും രക്ഷപ്പെട്ടത്. കീര്‍ത്തനയ്ക്ക് ചെറിയ രീതിയില്‍ പൊള്ളലേറ്റിട്ടുണ്ട്. കാറിന്റെ ചില്ല് തെറിച്ച് വീണ് കുഞ്ഞിന് നേരിയ മുറിവും. പിന്നാലെ ഓടിവന്ന ശ്രീജിത്തും നാട്ടുകാരും ചേര്‍ന്ന് ഇവരെ ആശുപത്രിയിലെത്തിച്ചു. എയര്‍ബാഗ് ഉണ്ടായിരുന്നതിനാലാണ് കീര്‍ത്തനയും മകളും ഗുരുതര പരുക്കേല്‍ക്കാതെ രക്ഷപ്പെട്ടത്.

ബാറില്‍ നിന്ന് മദ്യപിച്ചിറങ്ങിയ ചോറ്റാനിക്കര സ്വദേശി ആഷ്‌ലി സ്വന്തം കാറാണെന്ന് കരുതി ബാറിന് സമീപം നിര്‍ത്തിയിരുന്ന കാറോടിച്ചു പോവുകയായിരുന്നു എന്നാണ് പറഞ്ഞത്. ഭാര്യയേയും കുട്ടിയേയും കാറിലിരുത്തി ബാറിന് സമീപത്തുള്ള കടയിലേക്ക് പോയ മറ്റൊരാളുടെ കാറാണ് ഇയാള്‍ ഓടിച്ചു പോയത്. ബാറില്‍ നിന്ന് പുറത്തിറങ്ങിയ ഉടനെ കണ്ട കാര്‍ തന്റേതാണെന്ന് തെറ്റിധരിച്ചാണ് ഇയാള്‍ കാറില്‍ കയറിയതെന്നും പോലീസിനോടു പറഞ്ഞു.

കാറില്‍ മദ്യലഹരിയില്‍ അതിക്രമിച്ചു കയറി, ട്രാന്‍സ്‌ഫോമറിലേക്ക് ഇടിച്ചു കയറ്റിയ മധ്യവയസ്‌കനെ റിമാന്‍ഡ് ചെയ്തു. ചോറ്റാനിക്കര പൂച്ചക്കുഴി അരിമ്പൂര്‍ ആഷ്‌ലിയെ (53) സംഭവത്തില്‍ പൊലീസ് അറസ്റ്റ് ചെയ്തത്. വധശ്രമം ഉള്‍പ്പടെയുള്ള വകുപ്പുകളാണ് ആഷ്‌ലിക്കെതിരെ ചുമത്തിയിരിക്കുന്നത്. മാനസിക വെല്ലുവിളകളുണ്ടെന്ന് പറയപ്പെടുന്ന ആഷ്്‌ലി ഒട്ടേറെ ക്രിമിനല്‍ കേസില്‍ പ്രതിയാണ്.