ഹൈബിൻ ഈഡൻ എം.പിക്കെതിരായ ലൈംഗിക പീഡന കേസിൽ തെളിവില്ലെന്ന് സി.ബി.ഐ വ്യക്തമാക്കിയതായുള്ള വാർത്തകൾ ഇന്നാണ് പുറത്ത് വന്നത്. സി.ബി.ഐ കോടതിയിൽ റിപ്പോർട്ട് നൽകിയിരുന്നു. സോളാർ കേസ് പ്രതി നൽകിയ പരാതിയുടെ അടിസ്ഥാനത്തിലാണ് ഹൈബിൻ ഈഡനെതിരെ കേസെടുത്തത്. സംസ്ഥാന സർക്കാരാണ് കേസ് സി.ബി.ഐയെ ഏൽപ്പിച്ചത്. ഇപ്പോഴിതാ ഹൈബി ഈഡനെ നെഞ്ചോട് ചേർത്ത് ശബരീനാഥ് എംഎൽഎ.

ഫേസ്ബുക്ക് കുറിപ്പ് ഇങ്ങനെ;

ഏറ്റവും മികച്ച ആശയങ്ങൾ മുന്നോട്ട് വയ്ക്കുന്ന ഒരു ജനപ്രതിനിധിയാണ് ഹൈബി ഈഡൻ. ഈ പുതിയ കാലത്തിന്റെ മാറ്റങ്ങളും ഉൽകണ്ഡകളും നിയമസഭയിലും ലോക്സഭയിലും അദ്ദേഹം ഉന്നയിക്കാറുണ്ട്. അദ്ദേഹത്തിന്റെ നേതൃത്വത്തിൽ ഇന്ത്യൻ മെഡിക്കൽ അസോസിയേഷനും മുത്തൂറ്റിനോടൊപ്പവും ചേർന്ന് ആർത്താവത്തെ കുറിച്ചുള്ള സംശയങ്ങൾ ദൂരീകരിക്കുവാനും പൊതുബോധം വളർത്തുവാനും വലിയ ക്യാമ്പയിൻ ആരംഭിച്ചിരിക്കുകയാണ്.

"Cup of Life" എന്നുള്ള പദ്ധതിയുടെ ഭാഗമായി ഈ ഓഗസ്റ്റ് 31നു ഒരുലക്ഷം മെൻസ്ട്രൽ കപ്പുകൾ എറണാകുളം ലോക്സഭാ മണ്ഡലത്തിൽ നൽകുകയാണ്. ഈ പദ്ധതിയുടെ ഭാഗമായി ഇന്നലെ വളരെ വ്യത്യസ്തമായ ഒരു പരീക്ഷണം നടന്നു. പരീക്ഷണം നയിച്ചതും പ്രിയപ്പെട്ട ഹൈബി തന്നെ.

ആർത്തവ നാളുകളിൽ സ്ത്രീകൾ അനുഭവിക്കുന്ന ക്രാംപ്സ് എന്ന മസിൽ വേദന സിമുലേറ്ററിലൂടെ മനസ്സിലാക്കുന്ന ഒരു സെഷൻ നടന്നപ്പോൾ അതിൽ യുവാക്കൾ ഒന്നടങ്കം പങ്കെടുത്തപ്പോൾ കേവലം അടക്കം പറച്ചിലുകൾക്കപ്പുറം ഈ വിഷയത്തിന്റെ പ്രാധാന്യം ഉൾക്കൊള്ളാൻ കഴിഞ്ഞു. ഹൃദയത്തിലാണ് ഹൈബി ഈഡൻ അല്ലാതെ പലരും പടച്ചു വിടുന്ന മസാല വാർത്തകളിൽ അല്ല.