എഴുപത്തിനാലാമത് റിപ്പബ്ലിക് ദിനാഘോഷ നിറവിലാണ് രാജ്യം. സംസ്ഥാനത്തും റിപ്പബ്ലിക് ദിനാഘോഷങ്ങൾ അരങ്ങേറി. ഗവർണർ പതാക ഉയർത്തിയിരിക്കുകയാണ്. അദ്ദേഹം തന്റെ പ്രസംഗത്തിൽ നിരവധി കാര്യങ്ങൾ ചൂണ്ടിക്കാണിച്ചിരിക്കുകയാണ്. മലയാളത്തിലാണ് അദ്ദേഹം തന്റെ പ്രസംഗം തുടങ്ങിയത്. ലൈഫ് പദ്ധതിയെ ഗവർണർ പ്രശംസിച്ചു. എല്ലാവർക്കും പാർപ്പിടം എന്ന സ്വപ്നത്തിന് പദ്ധതി കരുത്ത് പകർന്നു എന്നാണ് ഗവർണർ പറഞ്ഞിരിക്കുന്നത്.

തീവ്രവാദത്തിനെതിരായ പോരാട്ടത്തിൽ ഇന്ത്യ നേതൃസ്ഥാനത്ത് ഉണ്ടെന്നും ഗവർണർ ചൂണ്ടിക്കാണിച്ചു. രാജ്യം ലോകത്തെ അഞ്ചാമത്തെ സാമ്പത്തിക ശക്തിയായി മാറിയെന്നും അദ്ദേഹം പറഞ്ഞു. ഗവർണർ എല്ലാവർക്കും റിപ്പബ്ലിക് ദിനാശംസകൾ നേർന്നു. പിണറായി സർക്കാരിനെ പുകഴ്ത്തിയിരിക്കുകയാണ് ഗവർണർ തന്റെ പ്രസംഗത്തിൽ. സാമൂഹിക സുരക്ഷയിൽ രാജ്യത്ത് തന്നെ മികച്ച നേട്ടം സംസ്ഥാനം കൈവരിച്ചു. വ്യവസായ വളർച്ചയിൽ രാജ്യ പുരോഗതിയിൽ നിന്ന് കേരളം പ്രചോദനം ഉൾക്കൊണ്ടു എന്നും അദ്ദേഹം ചൂണ്ടിക്കാണിച്ചു.

മുഖ്യമന്ത്രി ചടങ്ങിൽ പങ്കെടുത്തിരുന്നില്ല. പൂർണ്ണമായ തോതിൽ പരേഡ് നടത്താൻ ഹൈക്കോടതി നിർദ്ദേശം നൽകിയിരുന്നതാണ്. കേരള സ്റ്റാർട്ടപ്പ് മിഷൻ മികച്ച നേട്ടം ഉണ്ടാക്കിയെന്നാണ് ഗവർണർ പറയുന്നത്. ലൈഫ് പദ്ധതിയെ അദ്ദേഹം പ്രശംസിച്ചു. ആരോഗ്യ മേഖലയിൽ കേരളം വലിയ നേട്ടങ്ങൾ ഉണ്ടാക്കി. ആർദ്രാം മിഷൻ കേരളത്തിന് ആരോഗ്യ മേഖലയെ പുനക്രമീകരിച്ചു. കർഷകർക്കും മികച്ച വരുമാനവും തൊഴിൽ സാധ്യതയും ഉറപ്പാക്കിയെന്നും ഗവർണർ പറഞ്ഞു.

റിപ്പബ്ലിക് ദിനത്തിലും അദ്ദേഹം സംസ്ഥാനത്തെ പുകഴ്ത്തി കൊണ്ടുള്ള വാക്കുകൾ പറഞ്ഞിരിക്കുകയാണ്. അതേസമയം റിപ്പബ്ലിക് ദിനത്തോടനുബന്ധിച്ചുള്ള ഗവര്‍ണറുടെ വിരുന്നില്‍ മുഖ്യമന്ത്രി പങ്കെടുക്കും. റിപ്പബ്ലിക് ദിനത്തോടനുബന്ധിച്ച് ഗവര്‍ണര്‍ ആരിഫ് മുഹമ്മദ് ഖാന്‍ നടത്തുന്ന അറ്റ് ഹോം പരിപാടിയിലാണ് മുഖ്യമന്ത്രി പിണറായി വിജയന്‍ പങ്കെടുക്കുക.