സംഘപരിവാറിന്റെ ലക്ഷ്യം കേരളം? ബംഗ്ലാദേശില് അക്രമിക്കപ്പെട്ട സ്ത്രീയെ മലയാളിയാക്കി ബിജെപി എംപി
ബംഗ്ലാദേശിലെ ചിറ്റഗോങ്ങില് സ്ത്രീ ആക്രമിക്കപ്പെട്ട സംഭവം കേരളത്തിലേതെന്ന് വ്യാജപ്രചരണവുമായി ബിജെപി. ട്വിറ്ററില് ബിജെപി എം പി പരേഷ് റാവലിന്റെ നേതൃത്വത്തിലാണ് കുപ്രചരണം. ഗുജറാത്തിലെ അഹമ്മദാബാദ് ഈസ്റ്റില് നിന്നുള്ള ബിജെപി എംപിയായ പരേഷ് റാവല് മോദിയുടെ അടുപ്പക്കാരനും നടനുമാണ്. കേരളത്തില് ആരാധന നടത്തിക്കൊണ്ടിരുന്ന ഹിന്ദു സ്ത്രീയെ ആക്രമിച്ചു കൊലപ്പെടുത്തിയെന്നാണ് ഇയാള് ട്വിറ്ററില് വ്യാജ ചിത്രം സഹിതം പോസ്റ്റ് ചെയ്തത്. നിരവധി പേര് ഇത് റീ ട്വീറ്റും ചെയ്തിരുന്നു. തുടര്ന്ന് കേരളത്തിനെതിരെയുള്ള പ്രചരണമായി സംഘപരിവാര് പ്രവര്ത്തകര് വ്യാജ ചിത്രം പല നവമാധ്യമ ഗ്രൂപ്പുകളിലും വ്യപകമായി പ്രചരിപ്പിക്കുകയും ചെയ്തു .
പ്രായമായ ഹിന്ദു സ്ത്രീയെ മതേതര കേരളത്തില് മുസ്ലിങ്ങള് അക്രമിച്ചുവെന്നാണ് ഇവര് പ്രചരിപ്പിച്ചത്. അമ്ബലവും വിഗ്രഹവും മുസ്ലിങ്ങള് തകര്ത്തുവെന്ന് ഇവര് പ്രചരിപ്പിച്ചു. യഥാര്ഥത്തില് ബംഗ്ലാദേശിലെ ചിറ്റഗോങ്ങില് 2017 ഒക്ടോബറില് നോര്ത്ത് ജല്ദി ഗ്രാമത്തില് ആക്രമിക്കപ്പെട്ട പങ്കബാല കര്മക്കാര് എന്ന സ്ത്രീയുടെ ചിത്രമാണ് കേരളത്തിലേതെന്ന പേരില് റാവല് ട്വീറ്റ് ചെയ്തത്.
തര്ക്കത്തിന്റെ പേരില് അയല്വാസിയായ പ്രദിപ് ഘോഷിന്റെയും മകന് ബിശ്വജിത് ഘോഷിന്റെയും ആക്രമണത്തില് ഇവര്ക്ക് പരിക്കേല്ക്കുകയായിരുന്നു. തുടര്ന്ന് ഇവര് പങ്കബാലയുടെ കൃഷ്ണ വിഗ്രഹവും തകര്ത്തു. ആദ്യമായല്ല സംഘപരിവാര് കേരളത്തെ ലക്ഷ്യമാക്കി കുപ്രചരണം നടത്തുന്നത്. ഇതിനു മുന്പും നിരവധി വ്യാജ പോസ്റ്റുകള് കേരളത്തിലേതെന്ന പേരില് സംഘപരിവാറുകാര് പ്രചരിപ്പിച്ചിരുന്നു.
https://www.facebook.com/Malayalivartha
