മുന്‍ മുഖ്യമന്ത്രി ജയലളിതയുടെ രക്തസാമ്പിള്‍ സംബന്ധിച്ച വിവരങ്ങള്‍ വ്യാഴാഴ്ച സമര്‍പ്പിക്കാന്‍ അപ്പോളോ ആശുപത്രിക്ക് മദ്രാസ് ഹൈക്കോടതിയുടെ അന്ത്യശാസനം
മുന്‍ മുഖ്യമന്ത്രി ജയലളിതയുടെ രക്തസാമ്പിള്‍ സംബന്ധിച്ച വിവരങ്ങള്‍ വ്യാഴാഴ്ച സമര്‍പ്പിക്കാന്‍ അപ്പോളോ ആശുപത്രിക്ക് മദ്രാസ് ഹൈക്കോടതിയുടെ അന്ത്യശാസനം. വിശദാംശങ്ങള്‍ സമര്‍പ്പിക്കാന്‍ കൂടുതല്‍ സമയം വേണമെന്ന ആശുപത്രി അധികൃതരുടെ അപേക്ഷ തള്ളിയ ജസ്റ്റിസ് എസ്. വൈദ്യനാഥന്‍ ഹരജി ഇനി ജൂണ്‍ നാലിനു പരിഗണിക്കും.ജയലളിതയുടെ മകളാണെന്നും തെളിയിക്കാന്‍ ഡി.എന്‍.എ പരിശോധന നടത്തണമെന്നും ആവശ്യപ്പെട്ട് ബംഗളൂരു സ്വദേശിനി അമൃത നല്‍കിയ ഹരജിയിലാണ് ഹൈകോടതിയുടെ നിര്‍ദേശം. അമൃത നേരത്തേ സുപ്രീംകോടതിയെ സമീപിച്ചിരുന്നു.
ഹര്‍ജി തള്ളിയ സുപ്രീംകോടതി ഹൈക്കോടതിയെ സമീപിക്കാന്‍ നിര്‍ദേശിക്കുകയായിരുന്നു. പ്രസവിച്ചയുടന്‍ ജയലളിത തന്നെ ബംഗളൂരുവിലുള്ള സഹോദരിക്കു കൈമാറിയെന്നാണ് അമൃതയുടെ വാദം. ജയലളിതയുടെ ബന്ധുക്കള്‍തന്നെയാണ് തന്നോട് ഇക്കാര്യം വെളിപ്പെടുത്തിയതെന്ന് യുവതി ഹര്‍ജിയില്‍ പറയുന്നു
https://www.facebook.com/Malayalivartha
