ബാര്ബര് ഷോപ്പിലൂടെ രമേശ് കോടീശ്വരനായി, നാനൂറിലധികം ആഡംബര കാറുകളുടെ ഉടമയായി മാറിയ ഈ ബാംഗ്ലൂരുകാരന്റെ ആദ്യകാല ജീവിതം കേട്ടാല് ഞെട്ടും
ആദ്യകാലങ്ങളില് രമേശ് എന്ന ഈ സാധു മനുഷ്യന് ജീവിതം തുടങ്ങിയത് പത്രവിതരണം ചെയ്തും പച്ചക്കറിവിതരണം ചെ യ്തുമൊക്കെയാണ്. വളരെ കഷ്ടപ്പാടിലൂടെയാണ് രമേഷ് ബാബു ഓരോ ദിവസവും കഴിഞ്ഞ് പോയത്.
ഏഴാം വയസ്സില് അച്ഛന് മരിച്ചതോടെ കുടുംബം പ്രതിസന്ധിയിലാവുകയായിരുന്നു. ബാര്ബര് ഷോപ്പ് വാടകയ്ക്ക് കൊടുത്തും വീട്ടുജോലി ചെയ്തുമാണ് രമേഷിന്റെ അമ്മ ആദ്യകാലങ്ങളില് രമേഷിനെയും മറ്റ് രണ്ട് മക്കളെയും വളര്ത്തിയിരുന്നത്.
ഹയര്സെക്കന്ററി പഠനം കഴിഞ്ഞപ്പോള് രമേഷ് മുടിവെട്ടിലേക്ക് തിരിഞ്ഞു. ബ്രിഗേഡ് റോഡിലെ കടയില് ജോലി തുടങ്ങി. അവസാനം ഒറ്റമുറി കടയിലെ ബാര്ബറില് നിന്നും നാനൂറിലധികം ആഡംബര കാറുകളുടെ ഉടമയായി രമേശ് മാറുകയായിരുന്നു. എന്നാല് രമേഷില് നിന്ന് നിന്ന് ആഡംബര കാറുകള് വാടകയ്ക്കെടുക്കുന്നത് ആരെക്കെയാണെന്ന് അറിയേണ്ടേ.
ബോളിവുഡിന്റെ വിഐപികളാണ് രമേഷില് നിന്നും കാര് വാടകയ്ക്കെടുക്കുന്നത്. ബിഎംഡബ്ല്യൂ, ജാഗ്വര്, ബെന്സ്, റോള്സ് റോയ്സ് എന്നിങ്ങനെ എല്ലാ വിഭാഗത്തിലുള്ള ആഡംബര വാഹനങ്ങളും ഇദ്ദേഹത്തിന്റെ ശേഖരത്തിലുണ്ട്.
സല്മാന് ഖാന്, ആമിര് ഖാന്, ഐശ്വര്യ റായ് തുടങ്ങി ബോളിവുഡ് പ്രമുഖരും മറ്റ് മേഖലകളിലെ പ്രശസ്തരുമൊക്കെയാണ് രമേഷിന്റെ ഉപഭോക്താക്കള്. 1991 ല് തന്റെ കട മോടി കൂട്ടി അത്യാധുനിക സലൂണായി വികസിപ്പിച്ചു. ഇതോടെ രമേഷ് തിരക്കുള്ള ബാര്ബറായി. മൂന്നുവര്ഷം കൊണ്ട്സ്വരുക്കൂട്ടിയ തുകകൊണ്ട് രമേഷ് ഒരു മാരുതി ഒംനി വാങ്ങി.
ബംഗളൂരുവിലെ ഒരു കമ്പനിക്ക് ഇത് വാടകയ്ക്ക് നല്കി. ഇത് രമേഷിന്റെ സാമ്പത്തിക വളര്ച്ചയില് നിര്ണ്ണായകമായി. 2004 ല് രമേഷ് ആറ് കാറുകള് വാങ്ങി വാടകയ്ക്ക് നല്കി. പിന്നീട് ലക്ഷ്വറി കാറുകളിലേക്ക് ശ്രദ്ധ പതിപ്പിച്ചു.കഠിനപ്രയ്തനത്തിലൂടെ വിജയം കൈവരിച്ച രമേഷിന്റെ ഈ ജീവിതം തീര്ച്ചയായും മാതൃകയാക്കേണ്ടത് തന്നെ.
https://www.facebook.com/Malayalivartha
