ദേശീയ പുരസ്കാര വിതരണം രാഷ്ട്രപതി രാംനാഥ് കോവിന്ദിന് അതൃപ്തി
ദേശീയ പുരസ്കാര വിതരണവുമായി ബന്ധപ്പെട്ട് ഉണ്ടായ വിവാദങ്ങളില് രാഷ്ട്രപതി രാംനാഥ് കോവിന്ദിന് അതൃപ്തി. പ്രധാനമന്ത്രിയുടെ ഓഫീസിനെ രാഷ്ട്രപതി അതൃപ്തി അറിയിച്ചു. വാര്ത്താവിനിമയ മന്ത്രാലയത്തിന്റെ കെടുകാര്യസ്ഥത മൂലമാണ് അവാര്ഡ്ദാനവുമായി ബന്ധപ്പെട്ടുള്ള വിവാദമുണ്ടായതെന്ന നിലപാടാണ് രാഷ്ട്രപതിഭവന് സ്വീകരിക്കുന്നതെന്നാണ് സൂചന. ഒരു മണിക്കൂര് മാത്രമേ അവാര്ഡ്ദാന ചടങ്ങില് പങ്കെടുക്കു എന്ന് നേരത്തെ തന്നെ അറിയിച്ചതാണ്. ഇത് അവസാന നിമിഷത്തെ മാറ്റമായി അവതരിപ്പിച്ചതാണ് വിവാദങ്ങള്ക്ക് കാരണമായതെന്ന് രാഷ്ട്രപതിഭവന് വ്യക്തമാക്കുന്നു.
ദേശീയ ചലച്ചിത്ര പുരസ്കാരം ലഭിച്ച എല്ലാവര്ക്കും രാഷ്്ട്രപതി അവാര്ഡ് സമ്മാനിക്കുകയാണ് പതിവ്. എന്നാല് ഇതില് നിന്ന് വിഭിന്നമായി 11 അവാര്ഡുകള് മാത്രം രാഷ്ട്രപതി വിതരണം ചെയ്യുമെന്നും ബാക്കിയുള്ളവ കേന്ദ്രമന്ത്രി സ്മൃതി ഇറാനി വിതരണം നല്കുമെന്നാണ് സര്ക്കാര് അറിയിച്ചത്്. തലേ ദിവസം നടന്ന റിഹേഴ്സിലിനിടെയാണ് ഇക്കാര്യം വാര്ത്ത വിനിമയ മന്ത്രാലയം അവാര്ഡ് ജേതാക്കളെ അറിയിച്ചത്. രാഷ്ട്രപതി അവാര്ഡ് നല്കുമെന്നാണ് ജേതാക്കള്ക്ക് നല്കിയ ക്ഷണക്കത്തില് അറിയിച്ചിരുന്നത്.
സര്ക്കാറിന്റെ ഈ നിലപാടില് പ്രതിഷേധിച്ചാണ് പുരസ്കാരം നേടിയ 68 പേര് അവാര്ഡ് നല്കുന്ന ചടങ്ങ് ബഹിഷ്കരിച്ചത്. എന്നാല് കേരളത്തില് നിന്നുള്ള ഭൂരിഭാഗം പുരസ്കാര ജേതാക്കളും ചടങ്ങ് ബഹിഷ്കരിച്ചപ്പോള് ഗായകന് യേശുദാസും സംവിധായകന് ജയരാജും ചടങ്ങില് പങ്കെടുത്ത് പുരസ്കാരം ഏറ്റുവാങ്ങി.
https://www.facebook.com/Malayalivartha
