മെക്സിക്കൻ മതിൽ പ്രതിസന്ധി: ട്രംപും പെലോസിയും തമ്മിലടിക്കുന്നു
മെക്സിക്കൻ മതിലിനെ ചൊല്ലിയുള്ള തർക്കത്തിൽ പ്രസിഡന്റ് ഡോണൾഡ് ട്രംപും സ്പീക്കർ നാൻസി പെലൊസിയും നേർക്കുനേർ പൊരുതുന്നു .
മെക്സിക്കൻ മതിൽ അമേരിക്കയിലെ ട്രെഷറി പൂട്ടിച്ചതിനു പിന്നാലെ യുഎസ് കോൺഗ്രസിൽ വാർഷിക പ്രസംഗം നടത്തുന്നതിൽ നിന്ന് ട്രംപിനെ പെലോസി തടഞ്ഞു.ഇതിനു തിരിച്ചടിയായി സ്പീക്കറുടെ അഫ്ഗാൻ സന്ദർശനം ട്രംപും തടഞ്ഞു.
മെക്സിക്കൻ അതിർത്തിയിലെ മതിൽ നിർമാണത്തെ ചൊല്ലി അമേരിക്കയിൽ റിപ്പബ്ലിക്കന്മാരും ഡെമോക്രാറ്റുകളും തമ്മിൽ പൊരിഞ്ഞ പോരാട്ടം തുടരുകയാണ് .
ട്രഷറി സ്തംഭനത്തെ തുടർന്ന് രാജ്യം പ്രതിസന്ധിയിൽ നിൽക്കേ, വാർഷിക പ്രസംഗം നടത്താനുള്ള ട്രംപിന്റെ അവകാശത്തെ ഡെമോക്രാറ്റ് അംഗം കൂടിയായ സ്പീക്കർ പെലൊസി കഴിഞ്ഞ ദിവസം തടഞ്ഞിരുന്നു.
ഇതിനുശേഷം പെലോസി ബ്രസൽസും അഫ്ഗാനും സന്ദർശിക്കാനുള്ള നീക്കത്തെ പ്രസിഡന്റ് എതിർത്തു
യാത്രയ്ക്ക് അമേരിക്കയുടെ സൈനിക വിമാനം നിഷേധിച്ച ട്രംപ്, അതിർത്തി സുരക്ഷ ശക്തമാക്കാനുള്ള നീക്കത്തിൽ സഹകരിക്കാൻ പെലോസി വാഷിംഗ്ടണിൽ തുടരുന്നതാണ് നല്ലതെന്ന് തിരിച്ചടിച്ചു. നിർബന്ധമാണെങ്കിൽ സ്വകാര്യ സന്ദർശനവുമായി പെലോസിക്ക് മുന്നോട്ടുപോകാവുന്നതാണെന്നും ട്രംപ് ട്വീറ്റ് ചെയ്തിട്ടുണ്ട്.
പെലോസി -ട്രെമ്പ് പോരിനിടയിൽ കഷ്ടത്തിലായത് രാജ്യത്തെ എട്ട് ലക്ഷത്തോളം ജീവനക്കാർ ആണ് . വേതനമില്ലാതെ ജോലി ചെയ്യേണ്ട ഗതികേടിലാണ് ഇവർ .
https://www.facebook.com/Malayalivartha