വിക്ടോറിയ ബെക്കാമിന്റെ യുവത്വം തുളുമ്പുന്ന സൗന്ദര്യത്തിന്റെ രഹസ്യം സ്വന്തം ചോരയിൽ നിന്നുണ്ടാക്കുന്ന ക്രീം ..
വയസ് നാൽപ്പത്തിനാലായെങ്കിലും വിക്ടോറിയ ബെക്കാമിനെ കണ്ടാൽ
മുപ്പത് പോലും തോന്നില്ല. എന്താണ് സൗന്ദര്യരഹസ്യമെന്ന് അടുപ്പമുള്ള പലരും ചോദിച്ചിരുന്നെങ്കിലും തുറന്നുപറയാൻ വിക്ടോറിയ തയ്യാറായിരുന്നില്ല. ഇപ്പോൾ ആ സൗന്ദര്യ രഹസ്യം വിക്ടോറിയ തന്നെ വെളിപ്പെടുത്തി
തന്റെ ആരാധകരുമായി ഇൻസ്റാഗ്രാമിലാണ് ആ രഹസ്യം വിക്ടോറിയ പങ്ക് വെച്ചത്
എന്റെ രക്തത്തിൽ നിന്ന് ഉണ്ടാക്കിയ മോയിസ്ചറൈസറാണ് ഞാൻ ഉപയോഗിക്കുന്നത് എന്നായിരുന്നു ആരാധകർ കാത്തിരുന്ന ആ സൗന്ദര്യ രഹസ്യം.
ലോകപ്രശസ്ത ഫാഷൻ ഡിസൈനറും മുൻ ബ്രിട്ടീഷ് ഫുട്ബാൾതാരവുമായ ഡേവിഡ്ബെക്കാമിന്റെ ഭാര്യയാണ് വിക്ടോറിയ ബെക്കാം
ഈ ആന്റി ഏജിംഗ് ക്രീം നിർമ്മിച്ചത് കോസ്മെറ്റിക് ചികിത്സയ്ക്ക് പേരുകേട്ട ഡോക്ടർ ബാർബറ സ്റ്റം ആണെന്നാണ് വിക്ടോറിയ പറയുന്നത്. വാംപയർ ഫേഷ്യൽ എന്ന പോപ്പുലർ ട്രെൻഡിലൂടെ ലോകപ്രശസ്തയായ ഡോക്ടറാണ് ബാർബറ സ്റ്റം.
തൊലിയിലെ പ്രശ്നങ്ങൾ പരിഹരിക്കുന്നതിനുള്ള ഘടകങ്ങൾ രക്തകോശങ്ങളിൽ നിന്ന് വേർതിരിച്ചാണ് ക്രീം ഉണ്ടാക്കുന്നത് . രാത്രി ക്രീം പുരട്ടിയാണ് ഉറങ്ങുന്നത്. രാവിലെ മുഖം വൃത്തിയാക്കും. ക്രീം ഉപയോഗിച്ചതിനുശേഷം അഭൂതപൂർവമായ മാറ്റമാണ് തന്റെ ത്വക്കിലുണ്ടായതെന്നാണ് വിക്ടോറിയ പറയുന്നത്. ഇപ്പോൾ മറ്റ് ക്രീമുകൾ ഒന്നും വിക്ടോറിയ ഉപയോഗിക്കാറില്ലത്രേ.
ഏതായാലും ക്രീം അത്രപെട്ടെന്നൊന്നും വിപണിയിലെത്തുമെന്നു പ്രതീക്ഷിക്കേണ്ട ...ക്രീമുണ്ടാക്കാൻ ഒന്നേകാൽ ലക്ഷത്തോളം രൂപയോളം ചെലവുവരും . ക്രീമിനെക്കുറിച്ചുള്ള കൂടുതൽ വിവരങ്ങൾ വെളിപ്പെടുത്താൻ വിക്ടോറിയ തയ്യാറുമല്ല .
https://www.facebook.com/Malayalivartha